१ कोरीन्‍थुपा 14:3 - ॱलोवा

³ हीना याङ ॱङो़न स्‍येगीनक्‍या मीक्‍याला यारके ताङये धाङ सेमस्‍युक तेरये धाङ सेम्‍सो पारयेला, खुङक्‍यामुला लाब ताङालाक।

१ कोरीन्‍थुपा 14:3 Iomraidhean Croise

लुका 3:18

धेनी योहान्‍नागी लाब श्‍येम्‍मा माङाक्‍याई थोक्‍ने, मीक्‍याला का धाङ ताम्‍शाङ स्‍येवालाक।

जेपा 13:15

मोशेगी ॱनाङना क्षो़ठीम धाङ ॱङो़नस्‍येखेनक्‍याई ढीक्‍टा धेपने ढोक सारती, छोक्‍खाङगी पो़न्‍पोक्‍याई पाउलु धाङ बारनाबाला केक तारी ॱनेवालाक, “नोक्‍याओ! खेराङक्‍यामुला मीक्‍याला सेमस्‍युक ॱनाङगीन लाब रे हो़ना सुङरोनाङ।”

जेपा 14:22

खुङक्‍याई होदे साजाक्‍याला हो़गीन चोवोगी ङेनेक्‍याला स्‍युक्‍क्षे शो़री, धेपाला धेयेला सेमस्‍युक तेरपालाक। “को़न्‍क्षोकगी ग्‍याखापला ॱलेप्‍ये एन्‍ला, होराङगी ॱमीच्‍यीकी माङा दुक्‍पु शो़पा झ्‍येरी धे घोगीलाक” ॱनागीन लाब ॱलाप्‍पालाक।

जेपा 15:32

युदा धाङ सीलवानु खोराङ, को़न्‍क्षोकगी छोकने लाब ताङगीन ॱङो़नस्‍येखेन लाक। खुङक्‍याई धेपा-झ्‍यीगीन पी़नक्‍याला ॱमीच्‍यीकी सेमस्‍युक ॱनाङदी, खुङक्‍याई धेपा स्‍युक्‍क्षे शो़वालाक।

जेपा 4:36

धेनी धेपा-झ्‍यीगीनक्‍याने साईपुरुस ग्‍याखापगी योसेफ ॱनागीन, लेवी मी च्‍यीक हो़तालाक। कुछापक्‍याई खी़ मीङ बारनाबा (सेमस्‍युकगी भु) ॱनेरी ताक्‍पालाक।

जेपा 9:31

दे स्‍याम्‍ने युदेया धाङ गालील धाङ सामारीया स्‍योकगी क्षो़छोक नाङदु श्‍यीदे झ्‍युवालाक। धेनी चोवोला जीक्‍ती धाम्‍पे थुक्‍ङीगी सेमस्‍युक जोरती, क्षो़छोकक्‍या स्‍युक्‍क्षे झ्‍युरी माङदु सोवालाक।

रोमापा 12:8

धेनी सेमस्‍युक तेरये हीन्‍ना सेमस्‍युक तेर धेनी ज्‍यीम्‍बा ताङये हीन्‍ना, ॱमेफाङा ज्‍यीम्‍बा तोङ धेनी गोदो़न झ्‍यीये हीन्‍ना, ॱङीङ थाक्‍पाने गोदो़न झ्‍यी धेनी ॱङीङजे तो़न्‍ये हीन्‍ना ङ्यामो घेरी तो़न।

रोमापा 14:19

होझ्‍येरी होराङक्‍या श्‍यीदे खेरती हुङगीन धाङ च्‍यीकगी च्‍यीकला यारके ताङगीन दो़नक्‍याला दो़नाङ झ्‍यीदु।

रोमापा 15:2

धेनी होराङ मी रे-रेगी राङगी खीम्‍चेला फेन्‍ये धाङ खी़ धेपा यारके ताङयेगी क्षीला, खोला घारु च्‍युक घोवालाक।

१ कोरीन्‍थुपा 10:23

खेक्‍याई “ङी घी झ्‍यीना झ्‍यी क्षोक्‍वालाक।” ॱनेरी ॱनालाक हीना घीरी फेन ॱमेथोक्‍वालाक। खेक्‍याई “ङी घी झ्‍यीना झ्‍यी क्षोक्‍वालाक।” ॱनेरी ॱनालाक, हीना घीरीगी यारके ॱमेताङालाक।

१ कोरीन्‍थुपा 14:12

देरेराङ झ्‍येरी खेक्‍या धाम्‍पे थुक्‍ङीगी ॱनाङज्‍यीनक्‍या थोप्‍येगी क्षीदु दो़पा क्षे झ्‍युङगीन झ्‍येरी, खेक्‍याः क्षो़छोक यारके ताङयेगी ॱनाङज्‍यीनक्‍या चायेला ची़न्‍डी़ झ्‍यी।

१ कोरीन्‍थुपा 14:17

ख्‍यी़ काटीन्‍क्षेगो घायेरे श्‍यी़ हो़टु, हीना मी श्‍येम्‍माक्‍याला दी यारके घीया ॱमेताङालाक।

१ कोरीन्‍थुपा 14:26

पी़नक्‍याओ, धा ॱहाना घी ॱनाये? खेक्‍यामुला जोमाराङ, खेक्‍या रे-रेला घुर ॱलु याङना ॱलापच्‍या याङना साङवा ॱङो़न्‍ये याङना केरीक श्‍येम्‍मा स्‍येये याङना दो़न्‍दाक टोये हो़तालाक। दे घीरी क्षो़छोक यारके ताङयेगी क्षीदु झ्‍यीघो़।

१ कोरीन्‍थुपा 14:31

घीझ्‍येरी ॱनाना घीरीगी ज्‍याङये धाङ घीरीला सेमस्‍युक थोप्‍येगी क्षीदु, खेक्‍या घीरीगी रेमो ग्‍याप्‍ती ॱङो़नस्‍ये स्‍येघो़।

१ कोरीन्‍थुपा 8:1

धा ल्‍हाकुन्‍डाला पुपा शामागी कोरला, ङा ॱनाहीन। होराङ घीरीला स्‍येयो़न हो़गीनगो, होराङला स्‍येये हो़तालाक। स्‍येयो़नगी ङागेल केरु च्‍युक्‍वालाक हीना झाम्‍पागी च्‍यीकगी च्‍यीकला यारके ताङालाक।

२ कोरीन्‍थुपा 1:4

खोङबागी होराङक्‍याई दुङा घीरीला सेम्‍सो जेदालाक। धेनी को़न्‍क्षोकने होराङला थोप्‍था सेम्‍सो देनेराङ, होराङक्‍यागीयाः दुक्‍पु ङ्याङगीनक्‍याला सेम्‍सो पार थुक्‍कीलाक।

२ कोरीन्‍थुपा 2:7

होझ्‍येरी खो ॱमीच्‍यीकी सेम क्‍योरी ॱमेफाम्‍येगी क्षीला, खेक्‍याई खोला घोयाङ तेरती सेम्‍सो पारघो़।

एफीसुपा 4:29

खेक्‍याई खाने छीक ङेन्‍पाक्‍या ॱमास्‍ये हीना ङेन्‍गीनक्‍याला फेन्‍येगी क्षीला, धी़ला थी़न्‍गीन धाङ यारके ताङगीन छीक ॱङेन्‍दाक्‍या च्‍यीका स्‍यो़क।

एफीसुपा 6:22

हीकी ॱनेछु घारे हो़गीनगो खेक्‍याई ॱहाघोरास्‍योक धेनी खेक्‍याला सेमस्‍युक थोप्‍पास्‍योक ॱनेरी, साम्‍लो तारी ङी खोला खेक्‍याचारु झावी।

कोलोसेपा 4:8

हीकी ॱनेछु खीकी ॱहाघोरये धाङ खी़ खेक्‍याला सेमस्‍युक पारास्‍योक ॱनेरी, ङा खोला खीकीचारु दो़न दी क्षीदु ताङाहीन।

१ थेसालोनीकेपा 2:11

खेक्‍याला स्‍येये हो़तालाक, आकी च्‍यीकगी राङगी टुवाक्‍याला च्‍याक ग्‍याप्‍कीन च्‍योक्‍रे, हीकी खेक्‍याला को़न्‍क्षोकला थुक्‍ङेउ हुङयेगी मीछे क्‍यायेला ॱलापच्‍या तेरती, सेमस्‍युक पारती खेक्‍याला च्‍याक ग्‍याप्‍पी। खोङबा को़न्‍क्षोकगीराङ खेक्‍याला राङगी ग्‍यासी धाङ शीजेला भो़ ॱनाङालाक।

१ थेसालोनीकेपा 2:3

हीकी स्‍येगीन ताम्‍शाङ दे नोन्‍डु याङमेना, साम्‍लो ॱमेचाङा धाङ मीला गो कोरयेला मालाक।

१ थेसालोनीकेपा 3:2

खेक्‍याई धेपा तेन्‍पो शोये धाङ सेमस्‍युक पारयेला धेनी मास्‍यीकागी ताम्‍शाङ स्‍येयेला, को़न्‍क्षोकगी को़का लेजेपा धाङ हीकी पी़न तीमोथेउला खेक्‍याचारु झावी।

१ थेसालोनीकेपा 4:1

पी़न्‍दाक्‍याओ, को़न्‍क्षोकला थुक्‍ङेउ मीछे पी़येला, हीकी खेक्‍याला ॱलापच्‍या ग्‍याप्‍पी धेनी खेक्‍या होदे च्‍योक्‍रे मीछे क्‍याली। धा देला ल्‍हाक झ्‍यीरोझ्‍यी ॱनेरी, चोवो येशुगी स्‍योकने हेक्‍या खेक्‍याला श्‍योवा पुलीहो़क।

१ थेसालोनीकेपा 4:18

होझ्‍येरी च्‍यीकगी च्‍यीकला ताम दे स्‍येदी सेम्‍सो पोर।

२ थेसालोनीकेपा 3:12

धा देरे मीक्‍याला स्‍यारी राङगी लेगा झ्‍यीये धाङ राङगी मीछेराङ क्‍यायेला, चोवो येशु मास्‍यीकागी छेनने हेक्‍या का तेराहीन धेनी सेमस्‍युक पाराहीन।

१ तीमोथेउ 1:4

धेनी खुङलुङ मेगीन तामक्‍या धाङ जोक्‍ये मेगीन रीग्‍युक्‍याई स्‍याम्‍ला, खुङक्‍याला डारु ॱमाच्‍युक। देरेक्‍याई धेपाने रालुगीन, को़न्‍क्षोकगी क्षाक्‍लेक्‍या डुप्‍तु ॱमीच्‍युक्‍वालाक।

१ तीमोथेउ 4:13

ङा मायुङ थुक्‍पे, ख्‍यो़ मीछोकक्‍याला सुङराप ॱलोक्‍ये धाङ क्षो़ तो़न्‍ये धाङ ॱलापच्‍या ॱलाप्‍येला दो़नाङ झ्‍यी।

१ तीमोथेउ 6:2

दाक्‍पोक्‍या धेपा झ्‍यीगीन हीन्‍ना, धेपाला पी़न हीन साम्‍दी थोङछुङ झ्‍यीये मेतालाक। हीना खुङक्‍याई श्‍याप्‍चीगी फेन्‍दोकगो धेपा झ्‍यीगीनक्‍या धाङ राङगी चेवेक्‍याला झ्‍युङगीलाक साम्‍दी, खुङक्‍याई ॱयोल्‍ले ल्‍हाक श्‍याप्‍ची श्‍यु घोगुलाक। हुरे झ्‍यीयेलाराङ ॱलापच्‍या ग्‍योप धेनी कु।

२ तीमोथेउ 4:2

को़न्‍क्षोकगी का स्‍यो़क, धी़ हीन्‍गीन धाङ मेन्‍गीन ॱङीगाराला डाढीक धो़क। धेनी शो़पा क्षे थोक्‍ने ॱलोप्‍चुङगी थोक्‍ने मीक्‍याला ॱलापच्‍या ग्‍योप, क्‍यो़न तो़न धेनी सेमस्‍युक पोर।

तीतोस 1:9

मी श्‍येम्‍माक्‍याला तावा ॱङोन्‍नेला ॱलोप्‍चुङ ग्‍याप्‍ये धाङ ग्‍यापक्‍येल झ्‍यीगीनक्‍याला ॱलापच्‍या तेरयेला, खोराङला ॱलाप्‍ला का धेन्‍पागोला, खो तेन्‍पो धे घो़गीलाक।

तीतोस 2:15

दे ॱलापच्‍याक्‍या ॱलोप। खेरी आङजा घीरीने ॱलापच्‍या स्‍युक्‍क्षे तेर धेनी आङजी तोङ। राङला सी़या ॱङाजीन झ्‍यीरु ॱमाच्‍युक।

तीतोस 2:6

दे च्‍योक्‍रे श्‍यो़न्‍पाक्‍याला साम्‍लो थोङा झ्‍युङयेला, ॱलोप्‍चुङ ग्‍याप घो़गीलाक।

तीतोस 2:9

ॱयोक्‍पोक्‍या राङ दाक्‍पोगी लाब घीरीला खाला ङेन्‍पो धाङ दाक्‍पोगी दो़पा काङ थुप्‍कीन धाङ खालेन ॱमेलोक्‍कीन धाङ

ईब्‍रीपा 10:25

मी रीङगा छोक्‍दुला डोङी मेदो़गीन हुङालाक हीना होराङक्‍यामुला जोम्‍येला छाम माश्‍याक। हीना चोवोगी ङीमा ङे ॱलेप्‍कीनगो, खेक्‍याई थोथा झ्‍येरी ॱयो़ल्‍ले ल्‍हाक च्‍यीकगी च्‍यीकला सेमस्‍युक पोर।

ईब्‍रीपा 13:22

पी़नक्‍याओ, ङी खेक्‍याला यीक तुङ-तुङ च्‍यीक ढीक हो़क। धेनी ङी ॱलापच्‍याक्‍याला शो़पा झ्‍यी ॱनेरी, ङा श्‍योवा पुलाहीन।

ईब्‍रीपा 3:13

खेक्‍याने सी़याः सेम धीक्‍पे ॱली़टेगी ग्‍योङा मेयोङयेगी क्षीला, धीरीङगी ङीमा ॱनेरी हो़गीन थुक्‍पे, च्‍यीकगी च्‍यीकला ॱलोप्‍सो ग्‍योप।

१ पेटो 5:12

ङी ॱलो का थुप्‍कीन चीचा पी़न सीलवानुगी थोक्‍ने, यीक तुङा दे ढीयाहीन। को़न्‍क्षोकगी थुक्‍जे धेन्‍पागो देराङ हीन ॱनेरी, ङा खेक्‍याला सेमस्‍युक धाङ पाङपो तेराहीन। धेनी देलाराङ तेन्‍पो ॱनेती धो़क।

युदा 1:20

हीना चेवे पी़नक्‍याओ, खेक्‍यागो राङगी ॱमीच्‍यीकी धाम्‍पे धेपाला यारके तारी सोङ धेनी धाम्‍पे थुक्‍ङीगी गोने ॱमो़लाम ग्‍योप।