१ कोरीन्‍थुपा 14:20 - ॱलोवा

²⁰ पी़नक्‍याओ, साम्‍लो ताङदाङला टुवा च्‍योक्‍रे माझ्‍युङ। ङेन्‍पे क्षीदु टुवा च्‍योक्‍रे झ्‍युङ हीना साम्‍लो ताङदाङला मी क्षे च्‍योक्‍रे झ्‍युङ।

१ कोरीन्‍थुपा 14:20 Iomraidhean Croise

मेथा 11:25

होदे घाङला येशुगी सुवालाक, “के याप, नाम्‍खा धाङ सा ॱङीगी चोवो, खेकी दो़न दे खेपाक्‍या धाङ ॱहाघोगीनक्‍याने ॱयीप जेदी, टुवा च्‍योक्‍रेक्‍याला ॱङो़न्‍दा जेदी, खेराङला ङा तो़पा पुलाहीन।

मेथा 18:3

धेनी सुवालाक, “ङा खेक्‍याला धेन्‍पाराङ ॱनाहीन, खेक्‍या सेम ग्‍युरती, दे टु दे च्‍योक्‍रे मीझ्‍युङना, खेक्‍या नामा नाम्‍खे ग्‍यासी नाङदु जु ॱमीथुक्‍कीलाक।

मेथा 19:14

हीना येशुगी सुवालाक, “टुवा च्‍युङाक्‍याला ङीचारु हुङदु च्‍युक। खुङक्‍याला ॱमाकाक घीझ्‍येरी ॱनाना नाम्‍खे ग्‍यासी, खुङक्‍या च्‍योक्‍रे हीन्‍गीनक्‍याई क्षीला लाक।”

मेथा 19:4

खोङबागी सुवालाक, “‘को़पापोगी एम्‍मानेराङ, खुङक्‍याला भु धाङ भोमो को़वा जेगीनगो’ खेक्‍याई सुङरापला माढोक हो़ती?

मारकु 10:15

ङा खेक्‍याला धेन्‍पाराङ ॱनाहीन, को़न्‍क्षोकगी ग्‍यासीला टु च्‍यीमे च्‍यीकगी च्‍योक्‍रे खेमेलेन्‍ना, खो होदे नाङदु डो थुक्‍कीमालाक।”

लुका 18:17

ङा खेक्‍याला ॱङोन्‍ने ॱनाहीन, को़न्‍क्षोकगी ग्‍यासीला टुवा च्‍यीकगी च्‍योक्‍रे झ्‍येरी, खेमेलेन्‍गीन सुवाः होदे नाङदु नामाः मीजुगीलाक।”

रोमापा 1:13

पी़नक्‍याओ, ङाला याहुदापा मेन्‍गीनक्‍याने ढेबु थोप्‍कीन च्‍योक्‍रे, खेक्‍यानेयाः थोप्‍येगी क्षीदु, ङी थेङ माङा खीकीचारु हुङयेला छास्‍यी शो़वी। हीना धान्‍दा थुक्‍पे हुङथुक माशुङ ॱनेरी, खेक्‍याई स्‍येगीनगो ङा दो़दीहो़क।

रोमापा 16:19

खेक्‍या खाला ङेन्‍पो हो़गीनगो, मी घीरीला स्‍येये हो़तालाक धेनी खेक्‍याई झ्‍येरी ङा घाटो झ्‍यीदाहीन। हीना खेक्‍या शाङा हीन्‍गीनगोला चाङजे झ्‍यीये धाङ ङेन्‍पा हीन्‍गीनगोला क्‍यो़न मेगीन झ्‍युङगीनगो ङा दो़दीहो़क।

१ कोरीन्‍थुपा 13:11

ङा टुवा हो़ती घाङला, ङी टुवा च्‍योक्‍रे लाब तावी, टुवा च्‍योक्‍रे साम्‍लो तावी धेनी टुवा च्‍योक्‍रे सामस्‍यीक्‍या तो़न्‍बी हीना ङा नाजु च्‍ये क्षे झ्‍युरी, ङी टुवा हो़ती घाङगी चो़पाक्‍या पावी।

१ कोरीन्‍थुपा 14:19

हीना क्षो़छोकगी नाङदु ङा केरीक श्‍येम्‍मागी थोक्‍ने छीक ठी च्‍यीक तो़न्‍दी लाब ताङयेने, ङारी रीक्‍पागी थोक्‍ने छीक ॱङा तो़न्‍दी श्‍येम्‍माला ॱलापच्‍या तेरयेला, ङा लाब ताङङी दो़दीक।

१ कोरीन्‍थुपा 2:6

धा धेपा तेन्‍पो हो़गीनक्‍याई घुङदु हेक्‍या स्‍येरापगी तामक्‍या स्‍येदाहीन हीना स्‍येराप दे नी, दे धी़राप याङना मेताला डोये हीन्‍गीन, दे धी़रापगी वाङ झ्‍यीगीनक्‍याई स्‍येराप मालाक।

एफीसुपा 4:13

धेनी होराङ घीरी धेपाला च्‍यीक माझ्‍युङगीन थुक्‍पे, धाङ को़न्‍क्षोकगी सेगी स्‍येयो़नला ॱनाटो ॱङेरी, मास्‍यीकागी फी़न्‍सुम छोक्‍पे छे च्‍योक्‍रे माझ्‍युङगीन थुक्‍पे, दे नी झ्‍युङगीलाक।

फीलीप्‍पीपा 1:9

ङी ॱमो़लाम ग्‍याप्‍कीनगी दो़न नी, खेक्‍याई झाम्‍पा नी स्‍येराप धाङ स्‍येयो़न घीरीगी थोक्‍ने माङदु-माङदु फेरी,

फीलीप्‍पीपा 3:15

धा होराङ सेम्‍ङीने ॱनाटो ॱङेङ्याक्‍याई सेम्‍बा च्‍यीक झ्‍युङु। धेनी दो़न रीङगाला खेक्‍याई साम्‍लो श्‍येम्‍मा हो़ना, को़न्‍क्षोकगी होदेगोवाः खेक्‍याला सावो तो़न जेगीलाक।

१ पेटो 2:2

धेनी खेक्‍या थारपागी थोक्‍ने छारलुङ झ्‍युङयेला, टु ॱमाङ्याकक्‍या च्‍योक्‍रे, सेम्‍ङीगी होमा थुङयेला दो़पा झ्‍यी।

२ पेटो 3:18

हीना होरी चोवो धाङ क्‍याम्‍गो़न येशु मास्‍यीकागी थुक्‍जे धाङ स्‍येयो़नला छारलुङ झ्‍येरी सोङ। खोङलाराङ धान्‍दा धाङ थामे ङीमा थुक्‍पे, शीजे हुङास्‍योक। आमेन।