१ कोरीन्‍थुपा 14:2 - ॱलोवा

² घीझ्‍येरी ॱनाना केरीक श्‍येम्‍मागी थोक्‍ने लाब ताङगीनक्‍या मीमुला मेन्‍दा, को़न्‍क्षोकमुला ताङालाक। खी़ घी ॱनागीनगो सी़याः ॱहामेघोरालाक हीना खो धाम्‍पे थुक्‍ङीगी थोक्‍ने साङवागी लाबक्‍या स्‍येदालाक।

१ कोरीन्‍थुपा 14:2 Iomraidhean Croise

मेथा 13:11

खोङबागी सुवालाक, “नाम्‍खे ग्‍यासीगी साङवाक्‍या स्‍येयेला, खेक्‍याला ॱनाङ हो़तालाक हीना खुङक्‍याला ॱमानाङ हो़तालाक।

मारकु 16:17

धेपा झ्‍यीगीनक्‍याला दे ताकक्‍या झ्‍युङगीलाक। ङी मीङने, खुङक्‍याई डेक्‍या तो़न्‍गीलाक धेनी केरीक श्‍येम्‍माक्‍या ताङगीलाक।

मारकु 4:11

धेनी येशुगी खुङक्‍याला सुवालाक, “को़न्‍क्षोकगी ग्‍याखापगी साङवा, खेक्‍याला ॱनाङ हो़तालाक। हीना फीदागी मीक्‍याला लाब घीरी पेगी थोक्‍ने स्‍येगीलाक,

जेपा 10:46

घीझ्‍येरी ॱना ना होदे मीक्‍याई केक श्‍येम्‍मा-श्‍येम्‍मा ग्‍याप्‍कीन धाङ को़न्‍क्षोकला तो़टा ताङगीनगो खुङक्‍याई घोरपालाक। धेनी पेटोगी ॱनेवालाक,

जेपा 19:6

धेनी पाउलुगी खोरी लाक्‍पा खुङक्‍या खाला श्‍याक्‍पालाक धेनी धाम्‍पे थुक्‍ङी खुङक्‍या खाला फेप्‍पालाक। धेनी खुङक्‍याई ॱमेस्‍येगीन केक्‍या ग्‍याप धेनी ॱङो़नस्‍ये स्‍ये झ्‍येवालाक।

जेपा 22:9

ङीमुला हो़गीनक्‍याई हो़क दे थोजुङ, हीना केकगो घोरतीया दो़न्‍दाकगो ॱहामाघोरजुङ।

रोमापा 16:25

धा को़न्‍क्षोकला शीजे हुङास्‍योक। धेनी येशु मास्‍यीकागी कोरला, ङी स्‍येगीन ताम्‍शाङगी थोक्‍ने धाङ धी़ थोक्‍माने सारी श्‍याकश्‍या, साङवा ॱङो़न्‍गीनगी थोक्‍ने, खोङबागी खेक्‍याला स्‍युक्‍क्षे जे थुक्‍वालाक।

१ कोरीन्‍थुपा 12:10

धेनी श्‍येम्‍माक्‍याला ॱहाङसागीन लेगाक्‍या झ्‍यीये धेनी रीङगाला ॱङो़न स्‍येये धेनी रीङगाला सेम्‍ङीक्‍या ॱयेवा चेये धाङ रीङगाला ढामेढा केकक्‍या ग्‍याप्‍ये धाङ रीङगाला, होदे केकक्‍याई दो़न टोयेगी नी़पाक्‍या ॱनाङ हो़तालाक।

१ कोरीन्‍थुपा 12:28

को़न्‍क्षोकगी क्षो़छोक नाङला धाङपो कुछापक्‍या, ॱङीवा ॱङो़नस्‍येखेनक्‍या, सुम्‍बा ॱलोपो़नक्‍या धेनी ॱहाङसागीन लेगा झ्‍यीगीनक्‍या धेनी नेपा सोगीन ॱनाङज्‍यीन थोप्‍थाक्‍या धेनी रोक्‍राम झ्‍यीगीनक्‍या धेनी गोठी झ्‍यीगीनक्‍या धेनी केरीक ढामेढा स्‍येगीनक्‍या को़ जे हो़तालाक।

१ कोरीन्‍थुपा 13:1

ङी मीक्‍या धाङ नाम्‍खे भाङछेनक्‍याई केरीकला लाब ताङनाः, हीना ङी नाङ झाम्‍पा मेना, ङा ढाकेक ग्‍याप्‍कीन ॱङा याङना तीङढा तो़न्‍गीन रोल्‍मो च्‍यीक च्‍योक्‍रे लाक।

१ कोरीन्‍थुपा 13:2

धेनी ङाला ॱङो़न स्‍येयेगी ॱनाङज्‍यीन हो़ना धेनी ङी साङवा घीरी धाङ स्‍येयो़न घीरी ॱहाघोरना धेनी रीक्‍या पो़ थुक्‍येगी धेपा घीरी हो़नाः, हीना ङी नाङ झाम्‍पा मेना ङा घीया मालाक।

१ कोरीन्‍थुपा 14:16

देरे मेन्‍ना, ख्‍यी़ सेम्‍ङीने को़न्‍क्षोकला तो़टा ताङाराङ, ॱहामेघोगीन फीदी मीगी ख्‍यी़ काटीन्‍क्षे श्‍यी़गीन ॱमो़लाम स्‍याम्‍ने, ख्‍यी़ श्‍यी़गीनगो घीया ॱहामेघोरकीन झ्‍येरी घाङगी झ्‍येरी “आमेन” ॱनाये?

१ कोरीन्‍थुपा 14:26

पी़नक्‍याओ, धा ॱहाना घी ॱनाये? खेक्‍यामुला जोमाराङ, खेक्‍या रे-रेला घुर ॱलु याङना ॱलापच्‍या याङना साङवा ॱङो़न्‍ये याङना केरीक श्‍येम्‍मा स्‍येये याङना दो़न्‍दाक टोये हो़तालाक। दे घीरी क्षो़छोक यारके ताङयेगी क्षीदु झ्‍यीघो़।

१ कोरीन्‍थुपा 15:51

ङेन्‍दाङ, ङी खेक्‍याला साङवे लाब च्‍यीक ॱनाउ, होराङ घीरी स्‍यीगीमालाक हीना होराङ घीरी थेङ च्‍यीक धाङ ॱमीक चुम झ्‍यीगीन च्‍यीकला, धेनी दुङगी थामे केकला ग्‍युरवा थेप्‍कीलाक। घीझ्‍येरी ॱनाना दुङकेक ग्‍याप्‍कीलाक धेनी स्‍यीम्‍पोक्‍या मेताला मेडोगीन छेला सो़न्‍गीलाक। धेनी होराङ ग्‍युरकीलाक।

१ कोरीन्‍थुपा 2:10

हीना देक्‍या नी, को़न्‍क्षोकगी होराङला धाम्‍पे थुक्‍ङीगी गोने ॱङो़न जे हो़तालाक। घीझ्‍येरी ॱनाना धाम्‍पे थुक्‍ङीगी दो़न घीरी धाङ को़न्‍क्षोकगी साङवा तीङरीङाक्‍याः चालालाक।

१ कोरीन्‍थुपा 2:7

हीना साङवादु बेरी श्‍याकश्‍या को़न्‍क्षोकगी स्‍येराप दे हेक्‍या स्‍येदाहीन। स्‍येराप दे नी, जीक्‍तेन ॱमाको़ एन्‍लानेराङ, हीकी शीजेगी क्षीला को़न्‍क्षोकगी को़वालाक।

एफीसुपा 6:19

धेनी ताम्‍शाङगी साङवागो ॱङीङक्षे झ्‍येरी सेटाक झ्‍यी थुप्‍येला, ङी खा पेली घाङला काक्‍या ॱनाङास्‍योक ॱनेरी ङी क्षीला ॱमो़लाम श्‍यी़।

कोलोसेपा 2:2

ङी देरे झ्‍यीगीनगी दो़न नी, खेक्‍याला सेमस्‍युक थोप्‍ती झाम्‍पागी गोने, खेक्‍या नाङ थी़न्‍डी हुङयेगी क्षीदु लाक। धेनी खेक्‍याला स्‍येयो़न छाङगोगी तेर घीरी थोबास्‍योक धेनी को़न्‍क्षोकगी साङवा नी, मास्‍यीका हीन्‍गीनगो स्‍येलास्‍योक ॱनेरी लाक।

१ तीमोथेउ 3:16

क्षो़सेमगी साङवा ॱमीच्‍यीकी ॱहालेवा दुक ॱनेरी, हेक्‍या खे लेन्‍दाहीन। खोङबा नी ली़ला ॱङो़न, थुक्‍ङीगी ॱनामदाक्‍पा तो़न। नाम्‍खे भाङछेनक्‍याई खोङबाला ज्‍याल, मीरीक नाङला खोङ नी डाक, जीक्‍तेनदु खोङबाला धेपा झ्‍ये, शीजेगी थोक्‍ने नाम्‍खे श्‍यीङखामला फाक।

१ तीमोथेउ 3:9

खुङक्‍या धेपागी साङवागोला स्‍येराप शाङपोगी थोक्‍ने, ॱरुङ घोगुलाक।

ॱङो़न्‍पा 10:7

हीना नाम्‍खे भाङछेन धी़न्‍बागी़ राङगी दुङक्षेन भी़गु झ्‍यीयेगी ङीमागोला, को़न्‍क्षोकगी राङगी श्‍याप्‍ची ॱङो़नस्‍येखेनक्‍याला सेटाक झ्‍येजा च्‍योक्‍रे, राङगी साङवागो डुप्‍कीलाक।”