१ कोरीन्‍थुपा 14:1 - ॱलोवा

¹ खेक्‍याई ॱमीक्‍युगो झाम्‍पा हुङघो़ धेनी धाम्‍पे थुक्‍ङीगी ॱनाङज्‍यीनक्‍याई दो़पा क्षे श्‍योक, ॱमीक्‍सेदु ॱङो़न स्‍येयेगी ॱनाङज्‍यीनला दो़पा झ्‍यी।

१ कोरीन्‍थुपा 14:1 Iomraidhean Croise

रोमापा 12:6

होराङ रे-रेला ॱनाङना थुक्‍जेगी लेगेनला तेन्‍दी, होराङक्‍याला ॱनाङज्‍यीन ढामेढाक्‍या हो़तालाक। धा ख्‍यी़ ॱनाङज्‍यीनगो ॱङोई स्‍येये हीन्‍ना ख्‍यो़री धेपाला तेन्‍दी ॱङोई स्‍यो़क,

रोमापा 14:19

होझ्‍येरी होराङक्‍या श्‍यीदे खेरती हुङगीन धाङ च्‍यीकगी च्‍यीकला यारके ताङगीन दो़नक्‍याला दो़नाङ झ्‍यीदु।

रोमापा 9:30

धा ॱहाना होराङ घी ॱनाये? ढाङतेनला ॱमेचागीन याहुदापा मेन्‍गीनक्‍याला ढाङतेन थोप्‍दुक। धेनी दे ढाङतेन नी, धेपागी थोक्‍ने थोप्‍दुक।

१ कोरीन्‍थुपा 12:1

धा पी़नक्‍याओ, धाम्‍पे थुक्‍ङीगी ॱनाङज्‍यीनक्‍याई कोरला खेक्‍याई स्‍येगीनगो ङा दो़दीहो़क।

१ कोरीन्‍थुपा 12:31

हीना ॱनाङज्‍यीन क्षेक्‍याई क्षीला दो़पा क्षे झ्‍यी। धेनी ङी खेक्‍याला लाम घास्‍योकगो तो़न्‍दु।

१ कोरीन्‍थुपा 13:13

धेनी धा धेपा धाङ रेवा धाङ झाम्‍पा सुम ॱनेगीलाक। हीना देक्‍या नाङने गेक्षेस्‍योकगो झाम्‍पा लाक।

१ कोरीन्‍थुपा 13:2

धेनी ङाला ॱङो़न स्‍येयेगी ॱनाङज्‍यीन हो़ना धेनी ङी साङवा घीरी धाङ स्‍येयो़न घीरी ॱहाघोरना धेनी रीक्‍या पो़ थुक्‍येगी धेपा घीरी हो़नाः, हीना ङी नाङ झाम्‍पा मेना ङा घीया मालाक।

१ कोरीन्‍थुपा 14:22

होझ्‍येरी केरीक श्‍येम्‍माक्‍या धेपा झ्‍यीगीनक्‍याई क्षीदु मेन्‍दा, धेपा मीझ्‍यीगीनक्‍याई क्षीदु ताक च्‍यीक लाक। हीना ॱङो़नस्‍येगो धेपा मीझ्‍यीगीनक्‍याई क्षीदु मेन्‍दा, धेपा झ्‍यीगीनक्‍याई क्षीदु लाक।

१ कोरीन्‍थुपा 14:37

खेक्‍याने राङला ॱङो़नस्‍येखेन याङना थुक्‍ङीगी ॱनाङज्‍यीन हो़गीन साम्‍गीनगी़, ङी ढीक्‍टा लाब देक्‍या चोवोगी का लाक ॱनेरी, खी़ खेलेन झ्‍यीघो़।

१ कोरीन्‍थुपा 14:39

होझ्‍येरी पी़नक्‍याओ, ॱङो़न स्‍येयेला दो़पा क्षे झ्‍यी धेनी केरीक श्‍येम्‍मागी थोक्‍ने, लाब ताङगीनक्‍याला ॱमाकाक।

१ कोरीन्‍थुपा 16:14

धेनी खेक्‍या घी झ्‍यीना, घीरी झाम्‍पागी गोने झ्‍यी।

एफीसुपा 1:3

होरी चोवो येशु मास्‍यीकागी याप, को़न्‍क्षोकला तो़पार स्‍योक। मास्‍यीकागी थोक्‍ने, खोङबागी होराङक्‍याला नाम्‍खे श्‍यीङखामगी सेम्‍ङीगी, झ्‍यीलाप हो़लेगो ॱनाङ हो़तालाक।

१ थेसालोनीकेपा 5:20

ॱङो़नस्‍येक्‍याला ॱनाङमे माझ्‍यी,

१ तीमोथेउ 4:14

क्षो़छोकगी गेम्‍पाक्‍याई ख्‍यी़ खाला लाक्‍पा श्‍याक्‍ती, ॱङो़नस्‍येखेनगी थोक्‍ने ख्‍यो़ला थोप्‍था ॱनाङज्‍यीनगोला, ख्‍यो़ ॱनाङमे माझ्‍यी।

१ तीमोथेउ 5:10

धेनी मी़ टुवाक्‍या सो़क्‍योङ झ्‍येजा धाङ डो़न्‍बोक्‍याला झाम्‍पा झ्‍येजा धाङ धेपा झ्‍यीगीन धाम्‍पा मीक्‍याई श्‍याप ठी़ठा धाङ दुक्‍पु ङ्याङगीनक्‍याला रोवा झ्‍येजा धाङ ले शाङा घीरीला दो़नाङ तेरता, देरे ले शाङाक्‍याई क्षीला मी़ मीङडाक क्षे हुङ घोगुलाक।

१ तीमोथेउ 6:11

हीना को़न्‍क्षोकगी के-भु ख्‍यो़, दे घीरीने जेम्‍दी ढाङतेन धाङ क्षो़सेम धाङ धेपा धाङ झाम्‍पा धाङ शो़गोम धाङ ज्‍याम्‍बो झ्‍युङयेला चो।

२ तीमोथेउ 2:22

होझ्‍येरी श्‍योन्‍नुगी दो़क्षाकक्‍या पोङ धेनी सेम चाङमागी थोक्‍ने, चोवोगी छेन जो़गीनक्‍यामुला ढाङतेनगी मीछे धाङ धेपा धाङ झाम्‍पा धाङ श्‍यीदेगी ॱमीक्‍यु चो।

ईब्‍रीपा 12:14

मी घीरीमुला थी़न्‍दी धेये धाङ धाम्‍पा झ्‍युङयेला, थापस्‍यी झ्‍यी। धेनी धाम्‍पा मेना मी सी़या चोवोला ज्‍या ॱमीथुक्‍कीलाक।

२ पेटो 1:7

धेनी क्षो़सेमला पी़नक्‍याला झ्‍यीगीन झाम्‍पा धेनी पी़नक्‍याला झ्‍यीगीन झाम्‍पा खाला घीरीला झ्‍यीगीन झाम्‍पागो ॱनो़न्‍गा ग्‍योप।

३ योहान्‍ना 1:11

चेवे रोवाओ, ङेन्‍पागी पे माशीम हीना शाङा हीन्‍गीनगी पेगो लेन। शाङा झ्‍यीगीनगो नी, को़न्‍क्षोकगी मी लाक। धेनी ङेन्‍पा झ्‍यीगीनगी़ को़न्‍क्षोकला ज्‍याङ्युङ मेतालाक।