१ कोरीन्‍थुपा 13:7 - ॱलोवा

⁷ धेनी झाम्‍पागी घीरी शो़पा झ्‍यीदालाक धेनी दो़न घीरीला यीच्‍चे झ्‍यीदालाक धेनी दो़न घीरीला रेवा झ्‍यीये धाङ दो़न घीरीला दुक्‍री़ झ्‍यीदालाक।

१ कोरीन्‍थुपा 13:7 Iomraidhean Croise

मेथा 10:22

धेनी ङी मीङगी छीला, घीरीगी खेक्‍याला दाङा झ्‍यीगीलाक। हीना थामा थुक्‍पे शो़पा घोम्‍गीनगोला थारपा थोप्‍कीलाक।

मारकु 9:23

येशुगी खोला सुवालाक, “जे थुप्‍ना ॱनेरी घीझ्‍येरी ॱनाले? धेपा झ्‍यीना झ्‍यी ॱमीथुप्‍ये घीया मेतालाक।”

रोमापा 15:1

होराङ धेपाला तेन्‍पो हो़गीनक्‍याई, धेपाला क्‍योवा हो़गीनक्‍याई थापक्‍योवागोला शो़पा झ्‍यी घोवालाक। होराङ राङला च्‍यीगा ङ्यामो घारु च्‍युक्‍ये मालाक।

रोमापा 8:24

धा रेवा दी झ्‍येरीराङ होराङला थारपा थोप्‍पालाक। हीना ॱमीकगी थोङगीन रेवा नी, रेवा राङ मालाक। ॱमीकगी थोङगीनला सी़ रेवा झ्‍यीगीलाक से?

१ कोरीन्‍थुपा 13:4

झाम्‍पा नी शो़पाचेन धाङ ॱङीङजेचेन हुङालाक। झाम्‍पागी ठादोक मीझ्‍यीदालाक धेनी राङतो़ मीझ्‍यीदालाक धेनी दे ङागेल क्षे मेयोङालाक।

१ कोरीन्‍थुपा 9:12

श्‍येम्‍माक्‍याला खीकी हुङघुङने रोक्‍राम थोप्‍येगी आङजा हो़ना, हेक्‍याला देले क्षे आङजा हो़तामाले? घीहीन्‍ना हीकी दे आङजागी भेचो़ माझ्‍येहो़क हीना मास्‍यीकागी ताम्‍शाङला ॱनो़ ॱमेक्‍यायेगी क्षीदु, हेक्‍या दो़न घीरीला शो़गोम झ्‍यीदीहो़क।

गालातीयापा 6:2

च्‍यीकगी श्‍येम्‍मागी खुक्‍या खुर धेनी देरे झ्‍येरीराङ मास्‍यीकागी क्षो़ठीम डुप्‍तु च्‍युक।

२ थेसालोनीकेपा 1:4

खीकी दुक्‍ङेलक्‍या धाङ ङ्याङेनक्‍या खोकला शो़पा झ्‍येरी, धेपाला तेन्‍पो झ्‍येरी, हेक्‍या च्‍योई को़न्‍क्षोकगी क्षो़छोकक्‍याई खोक्‍दु ङोमी हो़क।

२ तीमोथेउ 2:24

धेनी चोवोगी श्‍यीप्‍चीवा ठुक्‍चारा हुङये मेतालाक हीना घीरीला ॱङीङजे झ्‍यीगीन धाङ ॱलाप थुप्‍कीन धेनी शो़पा घोम थुप्‍कीन,

२ तीमोथेउ 3:11

धेनी ङी दुक्‍जोङक्‍या धाङ दुक्‍पुक्‍या धेनी आन्‍तीयोक यु धाङ ईकोनीयोन यु धाङ लुस्‍टा ग्‍याजारु, ङाला घी झ्‍युङगीन धाङ ङी दुक्‍पु घी ङ्याङगीनगो ॱङो़न्‍सुमदु थो हो़तालाक हीना चोवोगी ङाला दे घीरीने थारपा जेपालाक।

२ तीमोथेउ 4:5

ख्‍यो़राङ च्‍योई तेन्‍पो धो़क, दुक्‍पुक्‍या शो़पा झ्‍यी धेनी ताम्‍शाङ स्‍यो़क धेनी ख्‍यो़री श्‍याप्‍तोक डुप्‍तु च्‍युक।

ईब्‍रीपा 13:13

धा होझ्‍येरी होराङक्‍या गारगी फीला डोउ धेनी खोङबागी ङ्याङङ्या ङोछागो होराङक्‍याः ङ्याङु।

याकोब 1:12

दुक्‍पो ङ्याई घाङला शो़पा झ्‍यीगीन, मी झ्‍यीलाप क्षे लाक घीझ्‍येरी ॱनाना छो़ताने खो थारसारती, को़न्‍क्षोकगी राङला चेवा झ्‍यीगीनक्‍याला धाम्‍चा जेजा मीछेगी चो़पो़नगो, खोला थोप्‍कीलाक।

१ पेटो 2:24

होराङ धीक्‍पाला छोवा क्‍यायेगो भोरती, ढाङतेनगी दो़नला छोवा क्‍याये क्षीदु, खोङबागी राङगी कुली़ला होरी धीक्‍पाक्‍या ग्‍याङस्‍यीङ खाला खुरा जेपालाक। खोङगी ॱमाक्‍याई थोक्‍ने खेक्‍याला ढाक्‍सो़ थोप्‍पालाक।

१ पेटो 4:8

दे घीरीने गेक्षेस्‍योकगो, खेक्‍या च्‍यीकगी च्‍यीकला सेम तीङने झाम्‍पा झ्‍यी घीझ्‍येरी ॱनाना झाम्‍पागी धीक्‍पा माङाला काप थुक्‍वालाक।