१ कोरीन्‍थुपा 13:5 - ॱलोवा

⁵ झाम्‍पा नी चुक्‍वा मेयोङालाक धेनी राङदो़न च्‍यीगा ॱमेचालालाक। धेनी दे नी उक्‍कुरा खोङडो मेलाङगीन धाङ श्‍येनगी ङेक्‍यो़नक्‍या सेमला मेश्‍याक्‍कीन हुङालाक।

१ कोरीन्‍थुपा 13:5 Iomraidhean Croise

मेथा 5:22

हीना ङा खेक्‍याला ॱनाहीन, राङगी पी़नमुला ठो़गीन घीरीला ठीम फोक्‍कीलाक धेनी राङगी पी़नला ॱमेबेप ताङगीनला, छोक्‍क्षेनगी दोङदु ठीम फोक्‍कीलाक धेनी श्‍येम्‍माक्‍याला ‘ख्‍यो़ फेन ॱमेथोक्‍कीन घोल्‍लोवा’ ॱनागीनक्‍या मेगी ॱङ्यावा खोकला डोयेगी ङेन्‍का हो़तालाक।

मेथा 9:4

हीना येशुगी खुङक्‍याई साम्‍लोक्‍या खेन्‍दी, सुङा जेपालाक, “खेक्‍या घीझ्‍येरी खेरी सेम नाङदु साम्‍लो ङेन्‍पाक्‍या ताङा?

मारकु 3:5

खुङक्‍याई सेम ॱरागोला येशुगी थुक फाम्‍दी खोङडो लारी, खुङक्‍या घीरीला शीक्‍पालाक। धेनी होदे मीला सुवालाक, “ख्‍यो़री लाक्‍पा क्‍योङ।” खी़ लाक्‍पा क्‍यावालाक धेनी खी़ लाक्‍पा चो़गा झ्‍युवालाक।

लुका 7:39

खोङबाला डो़नला भो़गीन, फारुसीपागी़ दे थोरी खोरी सेम नाङदु देरे साम्‍बालाक, “दे मी दे ॱङो़नस्‍येखेन च्‍यीक हीन्‍ना खोराङला जुगीन केमीगो सु धाङ घारे च्‍यीक ले, ॱनेरी ॱहाघोरये हो़तालाक घीझ्‍येरी ॱनाना मो धीक्‍चेन च्‍यीक लाक।”

१ कोरीन्‍थुपा 10:24

मी सी़याः राङगी फेन्‍थोक ॱमेचाला श्‍येम्‍मागी फेन्‍थोक चाघो़।

१ कोरीन्‍थुपा 11:18

घीझ्‍येरी ॱनाना धाङपोगो, खेक्‍या क्षो़छोकदु मुला जोमाराङ, खीकी नाङदु स्‍योखाक भेगीनगो ङी घोरजुङ। धेनी देला ङी यीच्‍चे च्‍ये दुक।

१ कोरीन्‍थुपा 12:25

देरे जेये दे, ली़ नाङदु ॱमीथी़न्‍गीन मीझ्‍युङा हीना येन्‍लाकक्‍याई च्‍यीकगी च्‍यीकला ढाडा तादोक झ्‍यीयेगी क्षीदु लाक।

१ कोरीन्‍थुपा 7:36

मी च्‍यीकगी राङमुला ॱलोङछाङ झ्‍येजा, नाच्‍युङमा भोमोगोला चो़पा घा माझ्‍येजा च्‍योक्‍रे साम्‍ना, धेनी मी़ लो ग्‍येरी डी़हो़ना खी़ दो़गीन च्‍योक्‍रे, मोला ॱनामा लेन क्षोक्‍कीलाक। देरे झ्‍यीना धीक्‍पा मालाक। खुङक्‍याई ॱनामा लेन्‍घो़।

२ कोरीन्‍थुपा 5:19

होदे नी, मास्‍यीकाई थोक्‍ने, को़न्‍क्षोकगी जीक्‍तेन देला राङमुला दुमा जेदी हो़तालाक। धेनी मीक्‍याई धीक्‍पागी क्‍यो़नक्‍याई ची मेश्‍या, थी़न्‍ढीलगी ताम्‍शाङगो होराङला ॱनावालाक।

गालातीयापा 5:13

पी़नक्‍याओ, खेक्‍या राङवाङगी दो़नला भो़वालाक। होदे राङवाङ दे ली़गी दो़छाक काङयेला भेचो़ माझ्‍यी, हीना खेक्‍या झाम्‍पागी थोक्‍ने च्‍यीकगी च्‍यीकला श्‍याप्‍ची श्‍यी़।

फीलीप्‍पीपा 2:21

मी श्‍येम्‍माक्‍या नी येशु मास्‍यीकागी दो़नला मेन्‍दा, राङगी दो़न्‍दाक च्‍यीगा चाली।

फीलीप्‍पीपा 4:8

थाला पी़नक्‍याओ, खेक्‍या धेन्‍पा घी हीन्‍गीन धाङ कुरती घी हीन्‍गीन धाङ ढाङपो घी हीन्‍गीन धाङ चाङमा घी हीन्‍गीन धाङ चेवा थोप घोगीन, घी हीन्‍गीन धाङ घुस्‍यापक्षे घी हीन्‍गीन धेनी शाङा धाङ तो़पा थोप घोगीन रे हो़गीन, दो़नक्‍याला साम्‍लो तोङ।

२ थेसालोनीकेपा 3:7

हीकी लेमो झ्‍यीघोगीलाक ॱनेरी, खेक्‍याला स्‍येये हो़तालाक। खीकीमुला हो़ती घाङला हेक्‍या लेमेलाम्‍गीन मेतो,

२ तीमोथेउ 2:10

होझ्‍येरी धाम्‍दा मीक्‍यागी दो़नला ङा घीरी शो़पा घोमीहो़क। देरे झ्‍येरी खुङक्‍याला थामेपे शीजेमुला, मास्‍यीका येशुने थारपा थोप्‍कीलाक।

२ तीमोथेउ 4:16

ठीम्‍पो़नगी दोङदु ङा थेङ धाङपो ठीम श्‍यी़ घाङला, घीरीगी ङाला पारी, ङा स्‍योकला सुवा लाङगी मीदुक। दी लेनगो, खुङक्‍या खाला ॱमाफोक्‍वास्‍योक।

याकोब 1:19

ङी चेवे पी़नक्‍याओ, मी घीरी ङेन्‍येला ग्‍योवा, लाब ताङयेला धाला धेनी खोङडो लाङयेला धाला हुङ घोलालाक ॱनागीन लाब दे स्‍येलाझ्‍यी।