१ कोरीन्‍थुपा 13:4 - ॱलोवा

⁴ झाम्‍पा नी शो़पाचेन धाङ ॱङीङजेचेन हुङालाक। झाम्‍पागी ठादोक मीझ्‍यीदालाक धेनी राङतो़ मीझ्‍यीदालाक धेनी दे ङागेल क्षे मेयोङालाक।

१ कोरीन्‍थुपा 13:4 Iomraidhean Croise

मेथा 27:18

घीझ्‍येरी ॱनाना याहुदापा पो़न्‍पोक्‍याई ठादोक झ्‍येरी, येशुला ची ग्‍याप्‍कीनगो खोला स्‍येये हो़तालाक।

जेपा 7:9

“याकोबगी भीजाक्‍याई खोरी नो योसेफला ठादोक झ्‍येरी, ढेन्‍योक झ्‍यीयेला एजेप युगी मीला चोवालाक। हीना को़न्‍क्षोक खी़मुला हो़तालाक।

रोमापा 1:29

खुङक्‍या नी, चो़पा दुकच्‍या धाङ ङेन्‍पा धाङ सो़न्‍ना धाङ ङेन्‍सेम ॱनाछोकगी खाङ हो़तालाक। धेनी खुङक्‍या ठादोक धाङ मी सोक चेये धाङ ठुक्‍पा ग्‍याप्‍ये धाङ गो कोरये धाङ दाङसेमगी खाङ हो़तालाक। धेनी खुङक्‍या ठामा ग्‍याप्‍ये

रोमापा 13:13

ङीङमो च्‍योक्‍रे होराङ चो़पा शाङपो झ्‍यीघो़। चो़पा मेगीन श्‍युक्‍टाक्‍या धाङ शीये धाङ लोक्‍येम धाङ दो़छाक धाङ ठुक्‍पा धाङ ठादोक झ्‍यीये मालाक।

१ कोरीन्‍थुपा 3:3

खेक्‍या धान्‍दाः जीक्‍तेन्‍पा राङ दुक। घीझ्‍येरी ॱनाना खीकी खोक्‍दु ठादोक धाङ थाप्‍चो़ हो़नाः, खेक्‍या जीक्‍तेन्‍पा माले धेनी मी क्‍युमाक्‍या च्‍योक्‍रे चो़पा झ्‍यीदा माले?

१ कोरीन्‍थुपा 4:18

ङा खेक्‍याचारु मेयोङगीलाक ॱनेरी साम्‍दी, खेक्‍याने रीङगा राङडा क्षे झ्‍युदुक।

१ कोरीन्‍थुपा 4:6

धा पी़नक्‍याओ, खेक्‍याला फेन्‍येगी क्षीदु, ङी ङाराङ धाङ आपोल्‍लोसगी पे श्‍याक्‍ती, हेक्‍याने खेक्‍याई सुङराप नाङदु ढीक्‍टा च्‍योक्‍रे मीछे पी़येगो ज्‍याङयेला तो़न हो़क। धेनी खेक्‍या च्‍यीकला ङोम्‍सो झ्‍येरी श्‍येम्‍माला दाङा झ्‍यीगीमालाक।

१ कोरीन्‍थुपा 5:2

धेनी खेक्‍यागो ङोम्‍सो झ्‍यीदाले? खेक्‍या ग्‍यो़पा झ्‍यीघोये हो़तामाले? देरे लेगा झ्‍यीगीनला खीकी घुङने पी़।

१ कोरीन्‍थुपा 8:1

धा ल्‍हाकुन्‍डाला पुपा शामागी कोरला, ङा ॱनाहीन। होराङ घीरीला स्‍येयो़न हो़गीनगो, होराङला स्‍येये हो़तालाक। स्‍येयो़नगी ङागेल केरु च्‍युक्‍वालाक हीना झाम्‍पागी च्‍यीकगी च्‍यीकला यारके ताङालाक।

२ कोरीन्‍थुपा 12:20

घीझ्‍येरी ॱनाना ङा हुङाराङ ङी दो़गीन च्‍योक्‍रे, खेक्‍या मेगीन धाङ खीकी दो़गीन च्‍योक्‍रे ङा मेगीनगो थुक्‍टु ॱनेरी, ङा जीक्‍ई। च्‍यीक झ्‍यीना होदुरु धुगा धाङ ठादोक धाङ खोङडो धाङ राङदो़ धाङ ॱमेबेप धाङ ठामा धाङ ङागेल धाङ ॱङ्योक्‍टाक्‍या झ्‍युङहुङ।

२ कोरीन्‍थुपा 6:6

धेनी सेम चाङमा धाङ स्‍येयो़न धाङ शो़पा धाङ ॱङीङजे धाङ धाम्‍पे थुक्‍ङी धाङ चेवा ॱङोन्‍नेगो

गालातीयापा 5:26

होराङक्‍या राङथोङ धाङ श्‍येम्‍माला टुक्‍कीन धाङ च्‍यीकगी च्‍यीकला, ठादोक झ्‍यीगीन लेगा झ्‍यीये मेतालाक।

एफीसुपा 4:2

धेनी ॱङ्यामच्‍युङ धाङ श्‍यीझाम धाङ शो़गोम घीरीने, झाम्‍पागी गोने च्‍यीकगी च्‍यीकला शो़पा घोम्‍दी,

एफीसुपा 4:32

को़न्‍क्षोकगी मास्‍यीकागी थोक्‍ने, खेक्‍याला घोयाङ ॱनाङगीन च्‍योक्‍रे खेक्‍याः च्‍यीकगी च्‍यीकला घोयाङ तेरती, च्‍यीकगी च्‍यीकला ॱङीङजे धाङ सेमच्‍युङ झ्‍यी।

फीलीप्‍पीपा 1:15

मी रीङगा ठादोक धाङ ढेन्‍दुरगी झ्‍येरी, मास्‍यीकागी कोरला क्षो़ स्‍येदालाक हीना श्‍येम्‍माक्‍या सेम ढाङपोगी थोक्‍ने स्‍येदालाक।

कोलोसेपा 1:11

धेनी को़न्‍क्षोकगी शीजे धाङ धेन्‍पे नी़थुगी तोप घीरीने, शो़पा क्षे धाङ ॱना रीङा झ्‍युरी खेक्‍या स्‍युक्‍क्षे झ्‍युङयेगी क्षीला, हेक्‍या ॱमो़लाम ग्‍यावीहो़क। धेनी खेक्‍या घाटोगी खाङास्‍योक

कोलोसेपा 2:18

धेनी मी सी़या खेक्‍याला ॱङ्यामच्‍युङ झ्‍युङये धाङ नाम्‍खे भाङछेनला क्षाक्‍क्षो़पा पुयेला उजुक ग्‍याप्‍ती, खीकी ज्‍यागा ठोक्‍तु ॱमाच्‍युक। देरे मीक्‍या राङगी थोङनाङगी कोरला, लाब ॱना माङा ताङालाक धेनी राङगी जीक्‍तेनगी साम्‍लो ताङदाङला, खुङक्‍या दो़न्‍मेदु ङागेलगी खाङालाक।

कोलोसेपा 3:12

होझ्‍येरी खेक्‍या को़न्‍क्षोकगी दाम्‍दा, धाम्‍पा धाङ चेवे मीक्‍या हीन्‍गीन झ्‍येरी, राङला ॱङीङजे धाङ काटीन धाङ ॱङ्यामच्‍युङ धाङ श्‍यीवा धाङ शो़पागी घो़ को़न।

१ थेसालोनीकेपा 5:14

पी़नक्‍याओ, लेमेलाम्‍गीनक्‍याला ॱलापच्‍या तेर, ॱङीङ च्‍युङाक्‍याला सेम्‍सो पोर, क्‍योवाक्‍याला रोवा झ्‍यी धेनी घीरीमुला शो़पा घोम ॱनेरी खेक्‍याला कुलाहीन।

१ तीमोथेउ 6:4

खो ङागेलगी खारी घीया ॱमेस्‍येलालाक। खो फेन ॱमेथोक्‍कीन लाबला खा थाबालाक धेनी छीक-छीकला शीम्‍दी धुगा ताङयेगी दो़क्षाक श्‍यालाक। धेनी देरेक्‍याई राङ ठादोक धाङ चो़लीङ धाङ ॱमेबेप धाङ दोक्‍पा ङेन्‍पा साक्‍ये

२ तीमोथेउ 2:25

धेनी राङगी स्‍योकला मेगीनक्‍याला ज्‍याबोमा ॱलोप्‍तो़न झ्‍यी थुप्‍कीन हुङघोवालाक। देरे झ्‍यीना को़न्‍क्षोकगी खुङक्‍याला धीक्‍पा पारी सेम ग्‍युरये धाङ धेन्‍पाला ॱहा घोथुप्‍कीनगी सेम ॱनाङगीलाक।

२ तीमोथेउ 3:10

हीना ख्‍यी़ ङी क्षो़ तो़न्‍गीन धाङ ङी चो़लाम धाङ ङी मीछेगी ॱमीक्‍यु धाङ धेपा धाङ ङी शो़पा धाङ ङी झाम्‍पा धाङ ङा तेन्‍पो हो़गीन,

२ तीमोथेउ 4:2

को़न्‍क्षोकगी का स्‍यो़क, धी़ हीन्‍गीन धाङ मेन्‍गीन ॱङीगाराला डाढीक धो़क। धेनी शो़पा क्षे थोक्‍ने ॱलोप्‍चुङगी थोक्‍ने मीक्‍याला ॱलापच्‍या ग्‍योप, क्‍यो़न तो़न धेनी सेमस्‍युक पोर।

तीतोस 3:3

थेङ च्‍यीकला होराङक्‍याः ॱलेन्‍पो धाङ खाला मेङेन्‍गीन धाङ गो खोरती धेता धाङ दो़पा धाङ दो़ङेन ॱनाछोकगी वाङदु स्‍योरस्‍या धाङ ॱमीच्‍यीकी ङेन्‍पा धाङ ठादोकगी, खाङखा हो़तालाक। मी घीरीगी होराङला दाङा झ्‍येवालाक धेनी होराङ नाङदु च्‍यीकगी च्‍यीकला दाङा झ्‍येवालाक।

याकोब 4:5

याङना “को़न्‍क्षोकगी होरी नाङदु ॱनेरु च्‍युक्‍कीन थुक्‍ङी नी ठादोकगी खाङ हो़तालाक।” ॱनेरी सुङरापगी दो़न्‍मेला देरे सुङवा हीन्‍ढु ॱनेरी, खेक्‍या सामी हो़ती?

१ पेटो 2:1

होझ्‍येरी ङेन्‍सेम धाङ गोकोर धाङ शोक धाङ ठादोक धाङ ॱमेटा ताङये घीरी, खेक्‍याई पोङ।

१ पेटो 3:8

थामाला, खेक्‍या घीरी सेम थी़न्‍पा धाङ ॱङीङजे धाङ फेन्‍छुनला झाम्‍पा धाङ चेसेम धाङ ॱङ्यामच्‍युङ झ्‍युङघो़।

१ पेटो 4:8

दे घीरीने गेक्षेस्‍योकगो, खेक्‍या च्‍यीकगी च्‍यीकला सेम तीङने झाम्‍पा झ्‍यी घीझ्‍येरी ॱनाना झाम्‍पागी धीक्‍पा माङाला काप थुक्‍वालाक।

२ पेटो 1:7

धेनी क्षो़सेमला पी़नक्‍याला झ्‍यीगीन झाम्‍पा धेनी पी़नक्‍याला झ्‍यीगीन झाम्‍पा खाला घीरीला झ्‍यीगीन झाम्‍पागो ॱनो़न्‍गा ग्‍योप।

१ योहान्‍ना 4:11

ङी चेवेक्‍याओ, को़न्‍क्षोकगी होराङला देरे झाम्‍पा जेदा झ्‍येरी, होराङक्‍यागीयाः च्‍यीकगी च्‍यीकला झाम्‍पा झ्‍यीघोगुलाक।