१ कोरीन्‍थुपा 13:1 - ॱलोवा

¹ ङी मीक्‍या धाङ नाम्‍खे भाङछेनक्‍याई केरीकला लाब ताङनाः, हीना ङी नाङ झाम्‍पा मेना, ङा ढाकेक ग्‍याप्‍कीन ॱङा याङना तीङढा तो़न्‍गीन रोल्‍मो च्‍यीक च्‍योक्‍रे लाक।

१ कोरीन्‍थुपा 13:1 Iomraidhean Croise

मेथा 25:45

धेनी खोङगी खुङक्‍याला लेन दे ॱनाङगीलाक, ‘ङा खेक्‍याला धेन्‍पाराङ ॱनाहीन, ङी पी़नक्‍याने च्‍युङस्‍योक च्‍यीकला खीकी देरे माझ्‍येवाला, खीकी होदे ङाला माझ्‍येवालाक।’

मारकु 16:17

धेपा झ्‍यीगीनक्‍याला दे ताकक्‍या झ्‍युङगीलाक। ङी मीङने, खुङक्‍याई डेक्‍या तो़न्‍गीलाक धेनी केरीक श्‍येम्‍माक्‍या ताङगीलाक।

रोमापा 14:15

धा ख्‍यी़ घी शागीनगी ख्‍यी़ पी़नगी सेम ठुक्‍तु च्‍युक्‍ना, ख्‍यी़ दे झाम्‍पागी थोक्‍ने मीझ्‍यीदालाक। पी़न दी क्षीदु मास्‍यीका ढोङटा झ्‍येरी, खेक्‍याई शागीनगी खोला मेताला डोरु ॱमाचुक।

१ कोरीन्‍थुपा 12:10

धेनी श्‍येम्‍माक्‍याला ॱहाङसागीन लेगाक्‍या झ्‍यीये धेनी रीङगाला ॱङो़न स्‍येये धेनी रीङगाला सेम्‍ङीक्‍या ॱयेवा चेये धाङ रीङगाला ढामेढा केकक्‍या ग्‍याप्‍ये धाङ रीङगाला, होदे केकक्‍याई दो़न टोयेगी नी़पाक्‍या ॱनाङ हो़तालाक।

१ कोरीन्‍थुपा 12:16

धेनी आमच्‍योकगी, “ङा ॱमीक मेन्‍गीन झ्‍येरी, ङा नी ली़गी येन्‍लाक मेन” ॱनेरी ॱनाना, होदे ली़गी येन्‍लाक मेयोङालाक से?

१ कोरीन्‍थुपा 12:8

होझ्‍येरी धाम्‍पे थुक्‍ङीगी गोने रीङगाला स्‍येरापगी ताम स्‍येये धेनी रीङगाला दे थुक्‍ङीगी गोनेराङ स्‍येयो़नगी ताम स्‍येये,

१ कोरीन्‍थुपा 13:8

झाम्‍पाला जोक्‍येगी था मेयोङालाक। हीना ॱङो़नस्‍येक्‍या मेताला डुगीलाक धेनी केरीकगी ॱनाङज्‍यीनक्‍या गाक्‍कीलाक धेनी स्‍येयो़नक्‍या मेताला डुगीलाक।

१ कोरीन्‍थुपा 14:2

घीझ्‍येरी ॱनाना केरीक श्‍येम्‍मागी थोक्‍ने लाब ताङगीनक्‍या मीमुला मेन्‍दा, को़न्‍क्षोकमुला ताङालाक। खी़ घी ॱनागीनगो सी़याः ॱहामेघोरालाक हीना खो धाम्‍पे थुक्‍ङीगी थोक्‍ने साङवागी लाबक्‍या स्‍येदालाक।

१ कोरीन्‍थुपा 14:4

केरीक श्‍येम्‍मा स्‍येगीनगी राङला यारके ताङालाक हीना ॱङो़न स्‍येगीनगी क्षो़छोकला यारके ताङालाक।

१ कोरीन्‍थुपा 14:5

खेक्‍या घीरी केरीक श्‍येम्‍मागी थोक्‍ने, लाब ताङगीनगो ङा दो़दीहो़क हीना देले ल्‍हाक ॱङो़न स्‍येगीनगो दो़दीहो़क। क्षो़छोक यारके ताङयेगी क्षीदु केरीक श्‍येम्‍मा स्‍येगीनगी दो़न सी़या ॱमेटोना, केरीक श्‍येम्‍माला स्‍येगीन ने, ॱङो़न स्‍येगीनगो खाक्‍क्षे लाक।

१ कोरीन्‍थुपा 8:1

धा ल्‍हाकुन्‍डाला पुपा शामागी कोरला, ङा ॱनाहीन। होराङ घीरीला स्‍येयो़न हो़गीनगो, होराङला स्‍येये हो़तालाक। स्‍येयो़नगी ङागेल केरु च्‍युक्‍वालाक हीना झाम्‍पागी च्‍यीकगी च्‍यीकला यारके ताङालाक।

२ कोरीन्‍थुपा 12:4

धेनी होदुरु खी़ छीकला तो़न ॱमीथुक्‍कीन लाबक्‍या घोरपालाक धेनी होदे नी, मी सी़या ॱना मेछोक्‍वालाक।

गालातीयापा 5:22

हीना धाम्‍पे थुक्‍ङीगी ढेबुगो झाम्‍पा धाङ घाटो धाङ श्‍यीदे धाङ शो़पा धाङ ॱङीङजे धाङ शाङपो धाङ ॱलो का थुप्‍कीन धाङ

गालातीयापा 5:6

घीझ्‍येरी ॱनाना मास्‍यीका येशुगी दोङदु पाउ चेगीन ॱरो चीगीन हीन्‍ना लाक, ॱमीचीगीन हीन्‍ना घीया फेन मेतालाक हीना झाम्‍पागी थोक्‍ने लेगा झ्‍यीगीन धेपा च्‍यीगा फेन थोक्‍वालाक।

१ तीमोथेउ 1:5

होरी ॱलापच्‍यागी ॱमीक्‍यु नी, सेम चाङमा धाङ स्‍येराप शाङपो धाङ धेन्‍पा धेपाने झ्‍युङगीन झाम्‍पा लाक।

१ पेटो 4:8

दे घीरीने गेक्षेस्‍योकगो, खेक्‍या च्‍यीकगी च्‍यीकला सेम तीङने झाम्‍पा झ्‍यी घीझ्‍येरी ॱनाना झाम्‍पागी धीक्‍पा माङाला काप थुक्‍वालाक।

२ पेटो 2:18

देक्‍याई दो़न मेगीन धाङ ङागेलगी तामक्‍या स्‍येये धेनी ङेन्‍पे मीछे पी़गीनक्‍याने, धान्‍दाका थारती होवा मीक्‍याला, ली़गी दो़छाकक्‍याई गोने ॱली़लालाक।

ॱङो़न्‍पा 14:2

धेनी नाम्‍खे श्‍यीङखामने ग्‍युक्‍क्षु क्षेगी हुरडा धाङ डुक्‍डा क्षेगी केक च्‍योक्‍रे, थो़न्‍गीन सुङकेक च्‍यीक ङी घोरजुङ। ङी घोरका सुङकेक दे, पीवाङ ताङगीनक्‍याई पीवाङ ताङगीन ढा च्‍योक्‍रे दुक।