१ कोरीन्‍थुपा 12:27 - ॱलोवा

²⁷ धा खेक्‍या मास्‍यीकागी कुली़ लाक धेनी खेक्‍या रे-रे खोङगी येन्‍लाकक्‍या लाक।

१ कोरीन्‍थुपा 12:27 Iomraidhean Croise

रोमापा 12:5

होराङ माङा हो़गीनक्‍याः मास्‍यीका नाङ, होराङ ली़ च्‍यीक लाक धेनी होराङ घीरी होदेगी येन्‍लाकक्‍या लाक।

१ कोरीन्‍थुपा 1:2

कोरीन्‍थुरु हो़गीन, को़न्‍क्षोकगी क्षो़छोक धाङ मास्‍यीका येशुगी थोक्‍ने, को़न्‍क्षोकगी धाम्‍पा जेजा धाङ धाम्‍पे मी झ्‍युङयेला भो़पाक्‍यामुला साजा हो़लेने, खुङक्‍या धाङ होरी चोवो हीन्‍गीन होरी चोवो येशु मास्‍यीकागी छेन भो़गीन घीरीला,

१ कोरीन्‍थुपा 10:17

घीझ्‍येरी ॱनाना ग्‍याङगागो च्‍यीकराङ हो़तालाक धेनी होराङ घीरी ग्‍याङगा च्‍यीक्‍नेराङ शागीन झ्‍येरी, होराङ माङा हो़गीनक्‍या ली़ च्‍यीक लाक।

१ कोरीन्‍थुपा 12:12

ली़ च्‍यीकला येन्‍लाक माङा हो़गीन धाङ येन्‍लाक माङा हो़ना ली़ च्‍यीक हीन्‍गीन च्‍योक्‍रे, मास्‍यीकाः दे च्‍योक्‍रेराङ लाक।

१ कोरीन्‍थुपा 12:26

येन्‍लाक च्‍यीक दुक्‍पु ङ्याङना, येन्‍लाक घीरीमुला दुक्‍पु ङ्याङालाक। याङना येन्‍लाक च्‍यीकगी घुस्‍याप झ्‍युङना, येन्‍लाक घीरीमुला घाटो झ्‍यीदालाक।

१ कोरीन्‍थुपा 6:15

खीकी ली़ नी मास्‍यीकागी येन्‍लाकक्‍या हीन्‍गीनगो, खेक्‍याला स्‍येये मेते? धा ङा मास्‍यीकागी येन्‍लाकक्‍या खेरती, श्‍याङचोङगीनगी येन्‍लाक शोये? देरे फुक्‍की माझ्‍युङास्‍योक।

एफीसुपा 1:23

दे क्षो़छोक नी, खोङबागी कुसोक च्‍योक्‍रे लाक धेनी घीरी खाङा जेगीन, मास्‍यीकागी थोक्‍नेराङ क्षो़छोक फी़न्‍सुम छोक्‍पा जेपालाक।

एफीसुपा 4:12

मास्‍यीकागी क्षो़छोक यारके ताङयेगी क्षीला श्‍याप्‍ची श्‍युयेगी लेगाक्‍याला, मी धाम्‍पाक्‍या डाढीक झ्‍यीयेला लाक।

एफीसुपा 5:23

घीझ्‍येरी ॱनाना क्षो़छोक नी, मास्‍यीकागी कुली़ झ्‍येरी मास्‍यीका नी, क्षो़छोकगी उ धाङ खोङबाराङ होदेगी क्‍याम्‍गो़न हीन्‍गीन च्‍योक्‍रे, ख्‍योवागो केमीगी गोवा हीन।

एफीसुपा 5:30

घीझ्‍येरी ॱनाना होराङ खोङबागी कुली़गी येन्‍लाकक्‍या लाक।

कोलोसेपा 1:18

खोङ राङगी कुसोक हीन्‍गीन, क्षो़छोकगी उ लाक। खोङ थोक्‍मागो लाक धेनी घीरीगी थोकला खोङ थोस्‍योक झ्‍युङयेला, खोङ छीवाने सो़न्‍गीन गोमागो लाक।

कोलोसेपा 1:24

धा ङी खेक्‍याई दो़नला ङ्याङगीन काङेला, ङा घाटो झ्‍यीदीहो़क। मास्‍यीकागी कुसोक हीन्‍गीन क्षो़छोकगी क्षीदु खोङगी दुक्‍ङेल ल्‍हाक्‍मा दे, ङी ली़ला जोक्‍वा झ्‍यीदाहीन।

कोलोसेपा 2:19

देरेक्‍या नी, कुली़गी उ हीन्‍गीन मास्‍यीकाने, खा डा हो़तालाक। दे उ नेराङ शु घीरीला री़छीक धाङ ग्‍युपागी थोक्‍ने, च्‍यी़ जोरती मुला ढीक्‍ती, को़न्‍क्षोकने झ्‍युङगीन छारलुङला केरी डोवालाक।