१ कोरीन्‍थुपा 12:18 - ॱलोवा

¹⁸ हीना को़न्‍क्षोकगी राङगी थुकोङगी थोक्‍ने येन्‍लाक रे-रेला ली़गी मीरी-मीरी ॱनेसारु श्‍याक जे हो़तालाक।

१ कोरीन्‍थुपा 12:18 Iomraidhean Croise

लुका 10:21

होदे घाङला येशु धाम्‍पे थुक्‍ङीगी थोक्‍ने ङ्यामो घेरी सुवालाक, “नाम्‍खा धाङ जाम्‍बुलीङगी चोवो, ङी याप, खेराङला ङा तो़टा पुलाहीन। घीझ्‍येरी ॱनाना खेराङगी दे लाबक्‍या खेवाक्‍या धाङ रीक्‍पा च्‍याङाक्‍याने साङा जेदी, टुवाक्‍याला तो़न जेपालाक। लाक याप, देराङ खेराङगी थुकोङ शाङपोगो लाक।

लुका 12:32

“ख्‍ये ख्‍यु च्‍युङाक्‍याओ, माजीक घीझ्‍येरी ॱनाना ग्‍यासीगो खेक्‍याला ॱनाङयेला खीकी याप थुक्‍ङेउ जेदालाक।

रोमापा 12:3

ङाला ॱनाङना थुक्‍जेगी लेगेनगी गोने, ङा खेक्‍या रे-रेला ॱनाहीन, राङ घारे हो़गीनने ल्‍हाक थोवा राङला ॱमासाम। हीना को़न्‍क्षोकगी खेक्‍याला ॱनाङना धेपागी छेला तेन्‍ती, साम्‍लो ढाङपो तोङ।

रोमापा 12:6

होराङ रे-रेला ॱनाङना थुक्‍जेगी लेगेनला तेन्‍दी, होराङक्‍याला ॱनाङज्‍यीन ढामेढाक्‍या हो़तालाक। धा ख्‍यी़ ॱनाङज्‍यीनगो ॱङोई स्‍येये हीन्‍ना ख्‍यो़री धेपाला तेन्‍दी ॱङोई स्‍यो़क,

१ कोरीन्‍थुपा 12:11

दे क्षाक्‍ले घीरी धाम्‍पे थुक्‍ङी च्‍यीकगी राङ जेदालाक धेनी खोङगी राङगी थुकोङगी थोक्‍ने मी रे-रेला देक्‍या ॱनाङालाक।

१ कोरीन्‍थुपा 12:17

धेनी ली़ घाङजाङ ॱमीक च्‍यीक हीन्‍ना, ङेन्‍येगो घाने? धेनी ली़ घाङजाङ आमच्‍योक हीन्‍ना, ॱनुम्‍येगो घाने?

१ कोरीन्‍थुपा 12:19

धा येन्‍लाक घीरी च्‍यीक्‍पाराङ झ्‍युङये हीन्‍ना ली़गो घाने झ्‍युङये?

१ कोरीन्‍थुपा 12:24

धेनी तो़न थुक्‍कीन येन्‍लाकक्‍याला हुरे दाक्‍पो ग्‍याप मेघोवालाक। हीना को़न्‍क्षोकगी होरी ली़गी येन्‍लाक ॱमा चीचाक्‍याला कुरती क्षे जेदी, होरी ली़गी येन्‍लाकक्‍या मुला ढीक जे हो़तालाक।

१ कोरीन्‍थुपा 12:28

को़न्‍क्षोकगी क्षो़छोक नाङला धाङपो कुछापक्‍या, ॱङीवा ॱङो़नस्‍येखेनक्‍या, सुम्‍बा ॱलोपो़नक्‍या धेनी ॱहाङसागीन लेगा झ्‍यीगीनक्‍या धेनी नेपा सोगीन ॱनाङज्‍यीन थोप्‍थाक्‍या धेनी रोक्‍राम झ्‍यीगीनक्‍या धेनी गोठी झ्‍यीगीनक्‍या धेनी केरीक ढामेढा स्‍येगीनक्‍या को़ जे हो़तालाक।

१ कोरीन्‍थुपा 15:38

हीना को़न्‍क्षोकगी राङगी थुकोङगी थोक्‍ने, होदेला ली़ च्‍यीक ॱनाङगीलाक धेनी साङा ॱना रे-रेला होदेगीराङ ली़ ॱनाङगीलाक।

१ कोरीन्‍थुपा 3:5

धा ॱहाना, आपोल्‍लोस सुले? धेनी पाउलु सुले? खुङक्‍या नी चोवोगी रे-रेला को़ ॱनाङना धाङ खुङक्‍याई थोक्‍ने, खेक्‍याई धेपा झ्‍येजा श्‍याप्‍चीपा च्‍यीका लाक।

एफीसुपा 1:5

को़न्‍क्षोकगी थुकोङ धाङ घावाला तेन्‍ती, येशु मास्‍यीका थोक्‍ने, खोङबागी होराङला राङगी से धाङ सेमो झ्‍युङयेला, एम्‍माने झाम्‍पागी थोक्‍ने थाक्‍चो़ जेपालाक।

एफीसुपा 1:9

मास्‍यीका खाला ॱनेना, खोङबागी क्षास्‍यीला तेन्‍ती, राङगी थुकोङगी साङवा दे होराङला ॱङो़न्‍तु जेपालाक।

ॱङो़न्‍पा 4:11

“होरी चोवो धाङ को़न्‍क्षोक, खेराङला शीजे धाङ कुरती धाङ वाङ थोप घोयेदुक। घीझ्‍येरी ॱनाना हो़गीन घीरी खेराङगी को़ जेपालाक, धेनी खेराङगी थुकोङला तेन्‍ती, होदेक्‍या झ्‍युवालाक धेनी को़पालाक।”