१ कोरीन्‍थुपा 12:11 - ॱलोवा

¹¹ दे क्षाक्‍ले घीरी धाम्‍पे थुक्‍ङी च्‍यीकगी राङ जेदालाक धेनी खोङगी राङगी थुकोङगी थोक्‍ने मी रे-रेला देक्‍या ॱनाङालाक।

१ कोरीन्‍थुपा 12:11 Iomraidhean Croise

मेथा 11:26

लाक याप, खेराङगी थुकोङ देरेलाराङ ग्‍येवालाक।

मेथा 20:15

ङी हीन्‍गीनगोला ङा घी झ्‍यीङी दो़गीनगो, ङा झ्‍यी ॱमेक्षोक्‍वाले? ङी ॱङीङजे झ्‍यीदाङगोला ख्‍यो़ ठादोक लाङाले?’

योहान्‍ना 3:27

योहान्‍नागी लेन तेरपालाक, “नाम्‍खे श्‍यीङखामने को़न्‍क्षोकगी दे ॱमानाङगीन थुक्‍पे, मी सुलाः घीया थोप ॱमीथुप्‍कीलाक।

योहान्‍ना 3:8

ॱलुङ दे राङगी थेछो़ला ग्‍यावालाक धेनी होदेगी केकगो घोरालाक हीना होदे घाने हुङगीन धाङ घारु डुगीनगो, ख्‍यी़ ॱमेस्‍येलालाक। धेनी थुक्‍ङीने केगीन घीरीलाः देरेराङ झ्‍युङालाक।”

योहान्‍ना 5:21

घीझ्‍येरी ॱनाना यापगी स्‍यीम्‍पोक्‍याला सो़न्‍पो जेदी छे ॱनाङगीन च्‍योक्‍रे, सेगीयाः राङगी ग्‍येवे मीक्‍याला छे ॱनाङगीलाक।

रोमापा 12:6

होराङ रे-रेला ॱनाङना थुक्‍जेगी लेगेनला तेन्‍दी, होराङक्‍याला ॱनाङज्‍यीन ढामेढाक्‍या हो़तालाक। धा ख्‍यी़ ॱनाङज्‍यीनगो ॱङोई स्‍येये हीन्‍ना ख्‍यो़री धेपाला तेन्‍दी ॱङोई स्‍यो़क,

रोमापा 9:18

होझ्‍येरी को़न्‍क्षोकगी सुला ॱङीङजे जेङी दो़दी, होदेला ॱङीङजे ॱनाङालाक धेनी सुला सेम ग्‍योङा जेङी दो़दी होदेला ग्‍योङा जेदालाक।

१ कोरीन्‍थुपा 12:18

हीना को़न्‍क्षोकगी राङगी थुकोङगी थोक्‍ने येन्‍लाक रे-रेला ली़गी मीरी-मीरी ॱनेसारु श्‍याक जे हो़तालाक।

१ कोरीन्‍थुपा 12:4

धा ॱनाङज्‍यीनक्‍या ॱना माङा हो़तालाक हीना देक्‍या ॱनाङगीन, धाम्‍पे थुक्‍ङीगो च्‍यीकराङ हो़तालाक।

१ कोरीन्‍थुपा 12:6

धेनी लेगाक्‍या ॱना माङा हो़तालाक हीना घीरीला राङ-राङगी लेगा झ्‍यीयेगी नी़पा ॱनाङगीनगो, को़न्‍क्षोक च्‍यीकराङ लाक।

१ कोरीन्‍थुपा 7:17

चोवोगी मी रे-रेला घी को़का धाङ ॱनेछु घारेला, को़न्‍क्षोकगी खेक्‍याला भो़ ॱनाङगीन मीछेगो, मी रे-रेगी पी़घो़। क्षो़छोक घीरीगी क्षीदु, ङी ठीम नी देराङ लाक।

१ कोरीन्‍थुपा 7:7

मी घीरी ङा च्‍योक्‍रे हो़गीनगो ङा दो़दीहो़क। हीना को़न्‍क्षोकने मी घीरीला राङगी ॱनाङज्‍यीन थोप हो़तालाक। च्‍यीकला ॱना च्‍यीक धेनी श्‍येम्‍माला ॱना श्‍येम्‍मा।

२ कोरीन्‍थुपा 10:13

हीना हेक्‍या छे ग्‍याप्‍कागोने दारी, ङोम्‍सो मीझ्‍यी हीना खेक्‍या चारुराङ ॱलेप थुक्‍येगी क्षीदु, को़न्‍क्षोकगी हेक्‍याला ॱनाङना छे नाङदुराङ हेक्‍या धेदाहीन।

एफीसुपा 1:11

राङगी थुकोङला तेन्‍ती क्षाक्‍ले घीरी डुप्‍कीन को़न्‍क्षोकगी, मास्‍यीकागी गोने होराङला खोङबा राङगी मी दामा जेपालाक घीझ्‍येरी ॱनाना देराङ थोक्‍माने, खोङबागी थाक चो़चा राङगी क्षास्‍यी लाक।

एफीसुपा 4:7

हीना थुक्‍जेगो होराङ रे-रेला मास्‍यीकागी ॱनाङज्‍यीनगी, छेला तेन्‍दी ॱनाङ हो़तालाक।

ईब्‍रीपा 2:4

धेनी को़न्‍क्षोकगीयाः ताकक्‍या धाङ ॱहाङसागीन क्षाक्‍लेक्‍या धाङ नी़थु ॱनाछोकगी क्षाक्‍लेक्‍या धाङ राङगी थुकोङला तेन्‍ती टामा जेजा, धाम्‍पे थुक्‍ङीगी ॱनाङज्‍यीनक्‍याई थोक्‍ने होदेगी धेन्‍पाङ जेपालाक।

याकोब 1:18

खोङबागी को़पा घीरीने, लोदोक फी़गो होराङ झ्‍युङास्‍योक ॱनेरी, खोङबाराङगी थुकोङगी धेन्‍पे का थोक्‍ने, होराङला केवा साबा ॱनाङा जेपालाक।