१ कोरीन्‍थुपा 12:10 - ॱलोवा

¹⁰ धेनी श्‍येम्‍माक्‍याला ॱहाङसागीन लेगाक्‍या झ्‍यीये धेनी रीङगाला ॱङो़न स्‍येये धेनी रीङगाला सेम्‍ङीक्‍या ॱयेवा चेये धाङ रीङगाला ढामेढा केकक्‍या ग्‍याप्‍ये धाङ रीङगाला, होदे केकक्‍याई दो़न टोयेगी नी़पाक्‍या ॱनाङ हो़तालाक।

१ कोरीन्‍थुपा 12:10 Iomraidhean Croise

मारकु 16:17

धेपा झ्‍यीगीनक्‍याला दे ताकक्‍या झ्‍युङगीलाक। ङी मीङने, खुङक्‍याई डेक्‍या तो़न्‍गीलाक धेनी केरीक श्‍येम्‍माक्‍या ताङगीलाक।

मारकु 16:20

धेनी ङेनेक्‍या साज्‍या घीरीदु सोरी, ताम्‍शाङ स्‍येपालाक। चोवोगी खुङक्‍यामुला क्षाक्‍ले जेपालाक धेनी ॱहालेगीन ताकक्‍या तो़न जेदी, ताम्‍शाङ धेन्‍पा हीन्‍गीनगी पाङपो जेपालाक।]

लुका 24:49

तो़, ङा ङी यापगी धाम्‍चा जेजागो, खेक्‍याचारु झाङयेहीन हीना तो़ने वाङगो खेक्‍याई खाला माभाप्‍कीन थुक्‍पे, खेक्‍या दे ग्‍याजारु राङ धो़क।”

योहान्‍ना 14:12

“ङा खेक्‍याला धेन्‍पा धेनक्‍याङ ॱनाहीन, ङाला धेपा झ्‍यीगीनगी़ ङी घी झ्‍यीगीन लेगाक्‍याः झ्‍यीगीलाक धेनी देले क्षे लेगाक्‍या खी़ झ्‍यीगीलाक। घीझ्‍येरी ॱनाना ङा यापगी डुङदु डी़हो़क।

योहान्‍ना 16:13

धेनी धेन्‍पागी थुक्‍ङी फेई घाङला, खोङगी खेक्‍याला धेन्‍पा घीरी नाङदु ठीया जेगीलाक। खोङबागी राङगी थोक्‍ने सुङगीमालाक हीना खोङगी घी सेन्‍गीनगो सुङा जेगीलाक धेनी माउपारगी दो़नक्‍या खेक्‍याला स्‍येगीलाक।

जेपा 1:8

हीना धाम्‍पे थुक्‍ङी खेराङक्‍याई खाला फेप्‍ती, खेक्‍याला स्‍युक जोरकीलाक। होदे स्‍याम्‍ने, खेक्‍या येरुसालेम धाङ युदेया धाङ सामारीयागी साजा घीरीला धेनी जाम्‍बुलीङगी था थुक्‍पे, ङी पाङपो झ्‍युङगीलाक।”

जेपा 11:27

होदे घाङला येरुसालेमने आन्‍तीयोकदु, ॱङो़नस्‍येखेन रीङगा फेप्‍पालाक।

जेपा 11:28

आगाबु ॱनागीन ॱङो़नस्‍येखेन च्‍यीक छोक्‍पागी खोकला लारी, धाम्‍पे थुक्‍ङीने साजा घीरी ॱमीच्‍यीकी क्षे मुगेला स्‍योरकीलाक ॱनेरी ॱङो़न खेन्‍बालाक। (कालोदेहु ग्‍यावुगी धी़चो़ला ॱङो़नस्‍ये दे डुप्‍पालाक।)

जेपा 19:6

धेनी पाउलुगी खोरी लाक्‍पा खुङक्‍या खाला श्‍याक्‍पालाक धेनी धाम्‍पे थुक्‍ङी खुङक्‍या खाला फेप्‍पालाक। धेनी खुङक्‍याई ॱमेस्‍येगीन केक्‍या ग्‍याप धेनी ॱङो़नस्‍ये स्‍ये झ्‍येवालाक।

जेपा 5:3

धेनी पेटोगी ॱनेवालाक, “आनानीया, ख्‍यो़री सेम धी़कगी आङजाला तेरती, धाम्‍पे थुक्‍ङीमुला घीझ्‍येरी शोक स्‍येदा? सा चोचाने आले तीते च्‍यीक ख्‍यो़रीमुला घीझ्‍येरी बो़री श्‍याकआ?

रोमापा 12:6

होराङ रे-रेला ॱनाङना थुक्‍जेगी लेगेनला तेन्‍दी, होराङक्‍याला ॱनाङज्‍यीन ढामेढाक्‍या हो़तालाक। धा ख्‍यी़ ॱनाङज्‍यीनगो ॱङोई स्‍येये हीन्‍ना ख्‍यो़री धेपाला तेन्‍दी ॱङोई स्‍यो़क,

१ कोरीन्‍थुपा 11:4

ॱमो़लाम ग्‍याराङ याङना लुङ तेन्‍दाराङ, राङगी गोवा तुम्‍गीन केवे-भुगी राङगी उला ॱमेबेप ताङालाक।

१ कोरीन्‍थुपा 13:8

झाम्‍पाला जोक्‍येगी था मेयोङालाक। हीना ॱङो़नस्‍येक्‍या मेताला डुगीलाक धेनी केरीकगी ॱनाङज्‍यीनक्‍या गाक्‍कीलाक धेनी स्‍येयो़नक्‍या मेताला डुगीलाक।

१ कोरीन्‍थुपा 14:13

होझ्‍येरी केरीक श्‍येम्‍माला लाब ताङगीनक्‍याई, होदेगी दो़न्‍दाक टोयेगी नी़पा थोप्‍येला ॱमो़लाम ग्‍याप्‍घो़।

१ कोरीन्‍थुपा 14:39

होझ्‍येरी पी़नक्‍याओ, ॱङो़न स्‍येयेला दो़पा क्षे झ्‍यी धेनी केरीक श्‍येम्‍मागी थोक्‍ने, लाब ताङगीनक्‍याला ॱमाकाक।

गालातीयापा 3:5

खेक्‍याला धाम्‍पे थुक्‍ङी ॱनारी, खेक्‍या खोक्‍दु ॱहाङसागीन लेगाक्‍या जेगीन को़न्‍क्षोकगी, दे लेगा घीरी खीकी क्षो़ठीमगी लेगा गोने ले याङमेना ताम्‍शाङ ङेन्‍दी, धेपा झ्‍येरी ले?

१ थेसालोनीकेपा 5:20

ॱङो़नस्‍येक्‍याला ॱनाङमे माझ्‍यी,

ईब्‍रीपा 2:4

धेनी को़न्‍क्षोकगीयाः ताकक्‍या धाङ ॱहाङसागीन क्षाक्‍लेक्‍या धाङ नी़थु ॱनाछोकगी क्षाक्‍लेक्‍या धाङ राङगी थुकोङला तेन्‍ती टामा जेजा, धाम्‍पे थुक्‍ङीगी ॱनाङज्‍यीनक्‍याई थोक्‍ने होदेगी धेन्‍पाङ जेपालाक।

१ योहान्‍ना 4:1

ङी चेवेक्‍याओ, सेम्‍ङी हो़लेला धेपा माझ्‍यी हीना होदे सेम्‍ङीक्‍या को़न्‍क्षोकने हीन याङना मेन ॱनेरी, छो़ता झ्‍यी घीझ्‍येरी ॱनाना जीक्‍तेनदु ॱङो़नस्‍येखेन शोक्‍पो माङा थो़न्‍सादुक।

ॱङो़न्‍पा 2:2

ख्‍यी़ लेगाक्‍या धाङ काल्‍लेक्‍या धाङ शो़पाक्‍या, ङाला स्‍येयेहो़क। मी ङेन्‍पाक्‍याला, ख्‍यी़ शो़पा घोम ॱमीथुक्‍कीन धाङ कुछाप मेन्‍दाला हीन ॱनागीनक्‍याला, ख्‍यी़ छो़ता झ्‍येरी शोक्‍पो हीन्‍गीनगो, ख्‍यी़ ॱङेपालाक ॱनेरी ङाला स्‍येयेहो़क।