१ कोरीन्‍थुपा 11:30 - ॱलोवा

³⁰ होझ्‍येरी खेक्‍याने मी माङा क्‍योवा धाङ नेपा दुक धेनी रीङगा स्‍यीछादुक।

१ कोरीन्‍थुपा 11:30 Iomraidhean Croise

जेपा 13:36

“दे लाबगो दावीदगी खोरी कोरला ॱनेवामालाक। घीझ्‍येरी ॱनाना खोरी धी़चो़ला, को़न्‍क्षोकगी दो़पाने लेगा झ्‍येसारती, खो नी स्‍यीवालाक धेनी खोरी धाङबी फामामुला कुङदी रुवालाक।

जेपा 7:60

खी़ पीमु चुक्‍ती केक ग्‍याप्‍ती ॱनेवालाक, “चोवो, दे धीक्‍पागी छेपागो खुङक्‍याला ॱमाफोक्‍वास्‍योक।” हो़जो़ ॱनेरी खी़ उप छेपालाक।

१ कोरीन्‍थुपा 11:29

घीझ्‍येरी ॱनाना चोवोगी कुली़ला ॱमीचीला, शागीन धाङ थुङगीनक्‍याई राङगी शा-थुङ झ्‍यीगीनगी राङला छेपा फोक्‍तु च्‍युक्‍कीलाक।

१ कोरीन्‍थुपा 11:31

हीना होराङगी राङ-राङला ॱङोन्‍ने ताक्‍चा झ्‍येहो़ना, होराङला ठीम्‍चो़ फोक्‍की मालाक।

१ कोरीन्‍थुपा 11:32

हीना चोवोगी होराङला ठीम्‍चो़ जेदी घाङला, होराङ जीक्‍तेम्‍पाक्‍यामुला थामेपे छेपा ॱमेफोक्‍येगी क्षीदु, खोङगी होराङला ढीक्‍ठीमला श्‍या जेदालाक।

१ कोरीन्‍थुपा 15:51

ङेन्‍दाङ, ङी खेक्‍याला साङवे लाब च्‍यीक ॱनाउ, होराङ घीरी स्‍यीगीमालाक हीना होराङ घीरी थेङ च्‍यीक धाङ ॱमीक चुम झ्‍यीगीन च्‍यीकला, धेनी दुङगी थामे केकला ग्‍युरवा थेप्‍कीलाक। घीझ्‍येरी ॱनाना दुङकेक ग्‍याप्‍कीलाक धेनी स्‍यीम्‍पोक्‍या मेताला मेडोगीन छेला सो़न्‍गीलाक। धेनी होराङ ग्‍युरकीलाक।

१ थेसालोनीकेपा 4:14

घीझ्‍येरी ॱनाना येशु ढोरी कुसो़न्‍पो श्‍याङवालाक ॱनेरी, होराङ यीच्‍चे झ्‍यीदालाक धेनी धेपा झ्‍यीगीन ढोङगीनक्‍याला को़न्‍क्षोकगी येशुमुला ठीया जेगीलाक ॱनेरी, होराङ धेपा झ्‍यीदालाक।

ॱङो़न्‍पा 3:19

ङी झाम्‍पा झ्‍यीगीनक्‍याला, ङा आङजी ताङाहीन धेनी ची़न्‍दाहीन। होझ्‍येरी ढाङपो झ्‍युरी राङगी धीक्‍पा पारी, सेम ग्‍युरवा तोङ।