१ कोरीन्‍थुपा 1:27 - ॱलोवा

²⁷ हीना खेवाक्‍याला ङोजा पाप्‍येगी क्षीदु, को़न्‍क्षोकगी जीक्‍तेनगी ॱलेन्‍दाक्‍याला दामा जेपालाक धेनी वाङक्षेक्‍याला ङोजा पाप्‍येगी क्षीला, जीक्‍तेनगी क्‍योवाक्‍याला दामा जेपालाक।

१ कोरीन्‍थुपा 1:27 Iomraidhean Croise

मेथा 11:25

होदे घाङला येशुगी सुवालाक, “के याप, नाम्‍खा धाङ सा ॱङीगी चोवो, खेकी दो़न दे खेपाक्‍या धाङ ॱहाघोगीनक्‍याने ॱयीप जेदी, टुवा च्‍योक्‍रेक्‍याला ॱङो़न्‍दा जेदी, खेराङला ङा तो़पा पुलाहीन।

मेथा 21:16

धेनी खुङक्‍याई येशुला ढीवालाक, “देक्‍याई घी ॱनी ख्‍यी़ घोरी?” धेनी येशुगी खुङक्‍याला सुवालाक, “घोरी। ‘टुवाक्‍या धाङ होमा थुङगीन ॱमाङ्याकक्‍याई खाने, खेराङगी तो़टा झ्‍यीदु च्‍युक्‍दुक।’ ॱनेरी सुङरापला ढीक्‍टागो खेक्‍याई नामा ॱमालोक हो़ती?”

मेथा 9:9

धेनी येशु होदेने ॱहाला फेई घाङला, ठा धुजारु धेता मेथा ॱनागीन मी च्‍यीकला शीक्‍पालाक धेनी खोला “ङी स्‍याबाला डोङ” सुरी सुवालाक। धेनी खो लारी खोङबागी स्‍याम्‍ला डावालाक।

लुका 21:15

घीझ्‍येरी ॱनाना ङा खेक्‍याला देरे छीकक्‍या धाङ स्‍येराप तेरयेहीन, धेनी खेरी डाक्‍याने सी़या ख्‍यो़ला लेन ॱलोक थुक्‍कीमालाक धेनी गाक्‍पा ग्‍याप ॱमीथुक्‍कीलाक।

जेपा 17:18

ईपीकुर धाङ स्‍तोयीकोसगी मी खेवाक्‍याने, रीङगागीयाः पाउलुमुला चो़लीङ झ्‍येवालाक। होदेक्‍याने रीङगागी, “दे खा दीक्‍कीन मी दे घी ॱनाले?” ॱनेरी ॱनेवालाक धेनी रीङगागी, “दे मी धेनी क्षीग्‍यागी ल्‍हाक्‍याई कोरला स्‍येली।” ॱनेरी ॱनेवालाक घीझ्‍येरी ॱनाना पाउलुगी येशु धाङ खोङबा छीवाने याङ सो़न्‍पो झ्‍युङगीनगी कोरला ताम्‍शाङ स्‍येपालाक।

जेपा 7:35

“खुङक्‍याई ‘ख्‍यो़ला हीकी खाला आङजा धाङ ठीम चेयेला सी़ को़जो?’ ॱनेरी ॱनागीन मोशेगो देराङ लाक। मे भारती धेता छेम्‍मा खोक्‍दु मोशेगी थोथा नाम्‍खे भाङछेनने, को़न्‍क्षोकगी खोला खुङक्‍याई गोठी झ्‍यीये धाङ क्‍योप्‍येगी क्षीला झावालाक।

जेपा 7:54

सेतेफेनगी होदे लाबगो घोरती, छोक्‍पा क्षेरु हो़गीन गोठीक्‍या ॱमीच्‍यीकी खोङडो लावालाक धेनी खुङक्‍या खोङडो लारी खोला सो ढीक्‍पालाक।

१ कोरीन्‍थुपा 1:20

मी खेवागो घाना? क्षो़ठीमगी ॱलोपो़नक्‍या घाना? दे धी़रापगी चो़लीङ झ्‍यीगीनक्‍या घाना? को़न्‍क्षोकगी दे जीक्‍तेनगी स्‍येरापगोला ॱलेन्‍दा जेपा मालाक से?

१ कोरीन्‍थुपा 1:21

को़न्‍क्षोकगी स्‍येरापगी नाङ, दे जीक्‍तेनगी मीक्‍याई राङगी स्‍येरापगी गोने, को़न्‍क्षोकला ङो ॱमेस्‍येगीन झ्‍येरी, होरी ताम्‍शाङ स्‍येगीन क्षोमेगीन लेगागी थोक्‍ने धेपा झ्‍यीगीनक्‍याला क्‍योप्‍येला, को़न्‍क्षोक थुक घेवालाक।

१ कोरीन्‍थुपा 2:12

धा हेक्‍याला थोप्‍था सेम्‍ङी नी, जीक्‍तेनगी मालाक हीना को़न्‍क्षोकगी थुक्‍जेगी थोक्‍ने, हेक्‍याला ॱनाङना दो़न घीरी ॱहाघोरास्‍योक ॱनेरी, को़न्‍क्षोकने धाम्‍पे थुक्‍ङी थोप्‍पालाक।

२ कोरीन्‍थुपा 10:10

घीझ्‍येरी ॱनाना “खी़ यीकक्‍या ॱमीच्‍यीकी चुवा धाङ स्‍युक्‍क्षे दुक हीना ङो ठेदाराङ खो क्‍योवा दुक धेनी खी़ लाबक्‍या क्षोमेगीन दुक” ॱनेरी रीङगागी ॱनी।

२ कोरीन्‍थुपा 4:7

हीना पाक्‍तु मेगीन नी़थुगो हेक्‍याई मेन्‍दा, को़न्‍क्षोकगी लाक ॱनेरी तो़न्‍येगी क्षीदु, होदे तेर दे होरी जामागी ॱनो़ नाङदु हो़तालाक।

याकोब 2:5

ङी चेवे पी़नक्‍याओ, ङेन च्‍यीक, को़न्‍क्षोकगी जीक्‍तेनगी उटेक्‍याला धेपाला क्षुक्‍पु जेदी, नाम्‍खे ग्‍यासीगी ग्‍युज्‍यीन जेबा माले? खोङबाला चेवा झ्‍यीगीनक्‍याला ग्‍यासी दे ॱनाङये धाम्‍चा जेपालाक।