१ कोरीन्‍थुपा 1:24 - ॱलोवा

²⁴ हीना याहुदापा हीन्‍ना याङना गीरीक हीन्‍ना, को़न्‍क्षोकगी भो़पाक्‍याई क्षीदु मास्‍यीकाराङ को़न्‍क्षोकगी नी़थु धाङ स्‍येरापगो लाक।

१ कोरीन्‍थुपा 1:24 Iomraidhean Croise

लुका 11:49

होझ्‍येरी को़न्‍क्षोकगी स्‍येरापगीयाः सुवालाक, ‘ङा खुङक्‍याचारु ॱङो़नस्‍येखेनक्‍या धाङ कुछापक्‍या झाङाहीन। खुङक्‍याने रीङगाला सेगीलाक धेनी रीङगाला दुक्‍पु तेरकीलाक।’

लुका 7:35

हीना स्‍येराप याङदाक्‍पा हीन्‍गीनगो, दी टुवाक्‍याई खुङ क्‍यालालाक।”

रोमापा 1:16

ङा नी ताम्‍शाङगी क्षीदु ङोजा मीझ्‍यीहो़क घीझ्‍येरी ॱनाना ताम्‍शाङ दे नी, धेपा झ्‍यीगीन घीरीगी थारपागी क्षीदु को़न्‍क्षोकगी नी़थु लाक। धाङपो याहुदापा धेनी याहुदापा मेन्‍गीनक्‍याई थारपागी क्षीदु लाक।

रोमापा 1:4

येशु मास्‍यीका होरी चोवो नी, छीवाने ॱलार सो़न्‍पो श्‍याङा जेदी, धाम्‍पे थुक्‍ङीगी गोने नी़थुगी नाङ को़न्‍क्षोकगी से को़वालाक।

रोमापा 1:7

खे रोम ढोङखेरदु हो़गीन, को़न्‍क्षोकगी झाम्‍पा जेजाक्‍या धाङ को़न्‍क्षोकगी मी झ्‍युङयेला भो़पा घीरीला, होरी याप को़न्‍क्षोक धाङ चोवो येशु मास्‍यीकाने, खेक्‍याला थुक्‍जे धाङ श्‍यीदे थोप्‍पास्‍योक।

रोमापा 9:24

धेनी होराङक्‍यालाः भो़ जेपालाक। धेनी याहुदापाक्‍याला च्‍यीगा मेन्‍दा याहुदापा मेन्‍गीनक्‍यालाः भो़ जेपालाक।

१ कोरीन्‍थुपा 1:18

घीझ्‍येरी ॱनाना मेताला डोये हीन्‍गीनक्‍याई क्षीदु ग्‍याङस्‍यीङगी ताम नी, क्षोमेगीन लाक हीना होराङ थारपा थोप्‍यी हो़गीनक्‍याई क्षीदु होदे को़न्‍क्षोकगी नी़थु लाक।

१ कोरीन्‍थुपा 1:2

कोरीन्‍थुरु हो़गीन, को़न्‍क्षोकगी क्षो़छोक धाङ मास्‍यीका येशुगी थोक्‍ने, को़न्‍क्षोकगी धाम्‍पा जेजा धाङ धाम्‍पे मी झ्‍युङयेला भो़पाक्‍यामुला साजा हो़लेने, खुङक्‍या धाङ होरी चोवो हीन्‍गीन होरी चोवो येशु मास्‍यीकागी छेन भो़गीन घीरीला,

१ कोरीन्‍थुपा 1:30

मास्‍यीका येशुगी नाङ खेक्‍या हो़गीन दे, को़न्‍क्षोकगी झ्‍येरी लाक। धेनी मास्‍यीका नी, होरी दो़नला को़न्‍क्षोकने होरी स्‍येराप धाङ होरी ढाङतेन धाङ होरी धाम्‍पा धाङ होरी थारलाम झ्‍युवालाक।

१ कोरीन्‍थुपा 1:9

को़न्‍क्षोक नी ॱलोते छोक्‍पा हो़तालाक। धेनी खोङगीराङ खेक्‍याला राङगी से, होरी चोवो येशु मास्‍यीकामुला ङ्याम्‍ढेल जेयेगी क्षीला भो़ जेपालाक।

कोलोसेपा 2:3

मास्‍यीकागी नाङ, स्‍येराप धाङ रीक्‍पागी तेर घीरी बे हो़तालाक।