१ कोरीन्‍थुपा 1:23 - ॱलोवा

²³ हीना याहुदापाक्‍याई क्षीदु काक्‍दो धाङ याहुदापा मेन्‍गीनक्‍याई क्षीदु क्षोमेगीन लाब हीन्‍गीन, ग्‍याङस्‍यीङ खाला क्‍याङक्‍या मास्‍यीकाला, होराङ सेटाक झ्‍यीदालाक।

१ कोरीन्‍थुपा 1:23 Iomraidhean Croise

मेथा 11:6

ङाला तेरी धेपाने मेलोक्‍कीनक्‍या, झ्‍यीलाप क्षे हीन।”

मेथा 13:57

धेनी खुङक्‍याई येशुला ॱमाचीवालाक। येशुगी खुङक्‍याला सुवालाक, “ॱङो़नस्‍येखेन च्‍यीकला राङगी फायु धाङ राङगी नाङमीक्‍याई माना, श्‍येम्‍मा घीरीदु चीलालाक।”

लुका 2:34

धेनी सीमेयोनगी खोङ ॱङीउला झ्‍यीलाप ॱनाङदी, भीजी आमा मीरीयामला ॱनेवालाक, “दे भीजा दे ईस्‍राएलदु मी माङाला जोक्‍तु च्‍युक्‍ये धाङ मी माङाला क्‍योप्‍येला, को़न्‍क्षोकगी दामा जेपालाक। धेनी ङोलोक झ्‍यीगीनगी ताकगी क्षीला दामा जेपालाक।

१ कोरीन्‍थुपा 1:18

घीझ्‍येरी ॱनाना मेताला डोये हीन्‍गीनक्‍याई क्षीदु ग्‍याङस्‍यीङगी ताम नी, क्षोमेगीन लाक हीना होराङ थारपा थोप्‍यी हो़गीनक्‍याई क्षीदु होदे को़न्‍क्षोकगी नी़थु लाक।

१ कोरीन्‍थुपा 1:21

को़न्‍क्षोकगी स्‍येरापगी नाङ, दे जीक्‍तेनगी मीक्‍याई राङगी स्‍येरापगी गोने, को़न्‍क्षोकला ङो ॱमेस्‍येगीन झ्‍येरी, होरी ताम्‍शाङ स्‍येगीन क्षोमेगीन लेगागी थोक्‍ने धेपा झ्‍यीगीनक्‍याला क्‍योप्‍येला, को़न्‍क्षोक थुक घेवालाक।

१ कोरीन्‍थुपा 1:28

को़न्‍क्षोकगी जीक्‍तेनगी ॱमावा धाङ थोङछुङ चीचाक्‍याला दामा जेपालाक। धेनी हो़गीनगोला क्षोमेगीन जेयेगी क्षीदु, चीया ॱमीचीगीनक्‍याला दामा जेपालाक।

१ कोरीन्‍थुपा 2:14

धाम्‍पे थुक्‍ङीला ॱमेतेन्‍गीन मीक्‍याई, को़न्‍क्षोकगी थुक्‍ङीगी लाबक्‍याला खेलेन मीझ्‍यीदालाक घीझ्‍येरी ॱनाना होदे लाबक्‍या खुङक्‍याई क्षीदु क्षोमेगीन लाक धेनी खुङक्‍याई होदे ॱहाघो ॱमीथुक्‍वालाक। घीझ्‍येरी ॱनाना हुरे लाबक्‍या धाम्‍पे थुक्‍ङीगी गोने च्‍यीगा स्‍येलालाक।

१ कोरीन्‍थुपा 2:2

घीझ्‍येरी ॱनाना ङा खीकीमुला हो़ताराङ, येशु मास्‍यीका धाङ खोङगी ग्‍याङस्‍यीङगी लाब माना, श्‍येम्‍मा घीरी ढेन्‍बा ज्‍येयेला ङी थाक चेवी।

१ कोरीन्‍थुपा 4:10

मास्‍यीकागी दो़न्‍दु हेक्‍या ॱलेन्‍पा धाङ खेक्‍या मास्‍यीकागी नाङ खेवा दुक। हेक्‍या नी, क्‍योवा हो़क हीना खेक्‍या स्‍युक्‍क्षे दुक। धेनी खेक्‍याला कुरती धाङ हेक्‍याला ॱमेबेप थोप्‍दुक।

२ कोरीन्‍थुपा 4:5

घीझ्‍येरी ॱनाना हेक्‍या राङगी कोरला मेन्‍दा, हीना हेक्‍या येशुगी क्षीदु खेक्‍याई श्‍याप्‍चीपा झ्‍युरी, येशु मास्‍यीकाराङ चोवो हीन ॱनेरी सेटाक झ्‍यीदाहीन।

गालातीयापा 3:1

गालातीयापा ॱलेन्‍पाक्‍याओ, खेक्‍याला सी़ थी़ ग्‍याप्‍जो? येशु मास्‍यीका ग्‍याङस्‍यीङ खाला ढोङगीनगो, खीकी ॱमीकगी दोङदु ङी सावो तो़न्‍गीनगो ढेन्‍बा मीदुई?

गालातीयापा 5:11

हीना पी़नक्‍याओ, ङा धोराङा पाउ चेगीन ॱरोगो ची घोगीलाक, ॱनेरी स्‍येना ङाला श्‍येम्‍माक्‍याई घीझ्‍येरी ॱनो़ क्‍याला ले? देगी कोरला ङी स्‍येहो़नाः, मास्‍यीकागी ग्‍याङस्‍यीङगी कोरला ङी स्‍येगीनगी घीया ॱनो़ क्‍याये मेतालाक।

गालातीयापा 6:14

ङा राङ-राङला चोवो येशु मास्‍यीकागी ग्‍याङस्‍यीङला माना, श्‍येम्‍मा घीला ङोमग्‍यु ॱमीझ्‍युङास्‍योक। खोङबागी ग्‍याङस्‍यीङगी गोने ङी क्षीला जीक्‍तेन धाङ ङा जीक्‍तेनगी क्षीला स्‍यीवा हीन।

एफीसुपा 3:8

ङा को़न्‍क्षोकगी धाम्‍पा मीक्‍याने ॱमास्‍योकगो हीन्‍नाः मास्‍यीकागी ढाङमेगी शीजेक्षेगी ताम्‍शाङगो, याहुदापा मेन्‍गीनक्‍याला स्‍येये धाङ धेनी घीरी को़ ॱनाङगीन, को़न्‍क्षोकगी एम्‍मा धी़रापने बेरी श्‍याक जेजा साङवा दे, मी घीरीला ॱङो़न्‍दु च्‍युक्‍येगी दे थुक्‍जे दे ङाला ॱनावालाक।

ईब्‍रीपा 12:2

होरी धेपागी गोचुक जेगीन धाङ था ख्‍यो़ला जेगीन, येशुला होराङ ताघो़। खोङबागी राङगी दोङदु श्‍याकश्‍या घाटोगी क्षीदु, ग्‍याङस्‍यीङगी दुक्‍पुगो शो़पा झ्‍येरी, खुरा जेपालाक धेनी क्षालेला थोङच्‍युङ जेपालाक। धेनी खोङ को़न्‍क्षोकगी श्‍युक्‍ठीगी ॱये स्‍योकला श्‍युक हो़तालाक।

१ पेटो 2:8

धेनी, “थोक्‍ती गेगीन धोरुक धाङ घेरु च्‍युक्‍कीन फोङगीङला ग्‍युर।” खुङक्‍या गेलालाक घीझ्‍येरी ॱनाना खुङक्‍या काला मेङेन्‍दालाक। धेनी खुङक्‍याई क्षीला देरेराङ झ्‍युङयेला, एम्‍मानेराङ थाक्‍चो़ जे हो़तालाक।