१ कोरीन्‍थुपा 1:21 - ॱलोवा

²¹ को़न्‍क्षोकगी स्‍येरापगी नाङ, दे जीक्‍तेनगी मीक्‍याई राङगी स्‍येरापगी गोने, को़न्‍क्षोकला ङो ॱमेस्‍येगीन झ्‍येरी, होरी ताम्‍शाङ स्‍येगीन क्षोमेगीन लेगागी थोक्‍ने धेपा झ्‍यीगीनक्‍याला क्‍योप्‍येला, को़न्‍क्षोक थुक घेवालाक।

१ कोरीन्‍थुपा 1:21 Iomraidhean Croise

मेथा 11:25

होदे घाङला येशुगी सुवालाक, “के याप, नाम्‍खा धाङ सा ॱङीगी चोवो, खेकी दो़न दे खेपाक्‍या धाङ ॱहाघोगीनक्‍याने ॱयीप जेदी, टुवा च्‍योक्‍रेक्‍याला ॱङो़न्‍दा जेदी, खेराङला ङा तो़पा पुलाहीन।

लुका 10:21

होदे घाङला येशु धाम्‍पे थुक्‍ङीगी थोक्‍ने ङ्यामो घेरी सुवालाक, “नाम्‍खा धाङ जाम्‍बुलीङगी चोवो, ङी याप, खेराङला ङा तो़टा पुलाहीन। घीझ्‍येरी ॱनाना खेराङगी दे लाबक्‍या खेवाक्‍या धाङ रीक्‍पा च्‍याङाक्‍याने साङा जेदी, टुवाक्‍याला तो़न जेपालाक। लाक याप, देराङ खेराङगी थुकोङ शाङपोगो लाक।

लुका 12:32

“ख्‍ये ख्‍यु च्‍युङाक्‍याओ, माजीक घीझ्‍येरी ॱनाना ग्‍यासीगो खेक्‍याला ॱनाङयेला खीकी याप थुक्‍ङेउ जेदालाक।

योहान्‍ना 12:31

धा जीक्‍तेनगी ठीम चो़गीनगी धी़ भाप दुक। धा दे जीक्‍तेनगी वाङग्‍युर झ्‍यीगीनगो फीला ॱयुक्‍कीलाक।

रोमापा 1:28

धा खुङक्‍याई को़न्‍क्षोकला ची घोगीनगो क्षा माश्‍याक्‍पा, को़न्‍क्षोकगी खुङक्‍याला खोरी साम्‍लो ॱलेन्‍दा नाङला, झ्‍यी ॱमेछोक्‍कीन लेगाक्‍या झ्‍यीदु च्‍युक जेपालाक।

रोमापा 11:33

आहा! को़न्‍क्षोकगी नोर धाङ स्‍येराप धाङ स्‍येयो़न घीन्‍गी तीङ रीङा। खोङगी ठीम्‍चो़ ढेस्‍ये ग्‍याप ॱमीथुप्‍कीन, धाङ खोङगी लाम ॱहाघो ॱमीथुप्‍कीन दुक।

१ कोरीन्‍थुपा 1:18

घीझ्‍येरी ॱनाना मेताला डोये हीन्‍गीनक्‍याई क्षीदु ग्‍याङस्‍यीङगी ताम नी, क्षोमेगीन लाक हीना होराङ थारपा थोप्‍यी हो़गीनक्‍याई क्षीदु होदे को़न्‍क्षोकगी नी़थु लाक।

१ कोरीन्‍थुपा 1:23

हीना याहुदापाक्‍याई क्षीदु काक्‍दो धाङ याहुदापा मेन्‍गीनक्‍याई क्षीदु क्षोमेगीन लाब हीन्‍गीन, ग्‍याङस्‍यीङ खाला क्‍याङक्‍या मास्‍यीकाला, होराङ सेटाक झ्‍यीदालाक।

१ कोरीन्‍थुपा 1:24

हीना याहुदापा हीन्‍ना याङना गीरीक हीन्‍ना, को़न्‍क्षोकगी भो़पाक्‍याई क्षीदु मास्‍यीकाराङ को़न्‍क्षोकगी नी़थु धाङ स्‍येरापगो लाक।

१ कोरीन्‍थुपा 1:25

घीझ्‍येरी ॱनाना को़न्‍क्षोकगी ॱलेन्‍दा नी, मीगी स्‍येरापले क्षे हो़तालाक धेनी को़न्‍क्षोकगी तोप क्‍योवा नी, मीगी तोप क्षेने ल्‍हाक क्षे हो़तालाक।

१ कोरीन्‍थुपा 1:27

हीना खेवाक्‍याला ङोजा पाप्‍येगी क्षीदु, को़न्‍क्षोकगी जीक्‍तेनगी ॱलेन्‍दाक्‍याला दामा जेपालाक धेनी वाङक्षेक्‍याला ङोजा पाप्‍येगी क्षीला, जीक्‍तेनगी क्‍योवाक्‍याला दामा जेपालाक।

१ कोरीन्‍थुपा 11:32

हीना चोवोगी होराङला ठीम्‍चो़ जेदी घाङला, होराङ जीक्‍तेम्‍पाक्‍यामुला थामेपे छेपा ॱमेफोक्‍येगी क्षीदु, खोङगी होराङला ढीक्‍ठीमला श्‍या जेदालाक।

१ कोरीन्‍थुपा 2:14

धाम्‍पे थुक्‍ङीला ॱमेतेन्‍गीन मीक्‍याई, को़न्‍क्षोकगी थुक्‍ङीगी लाबक्‍याला खेलेन मीझ्‍यीदालाक घीझ्‍येरी ॱनाना होदे लाबक्‍या खुङक्‍याई क्षीदु क्षोमेगीन लाक धेनी खुङक्‍याई होदे ॱहाघो ॱमीथुक्‍वालाक। घीझ्‍येरी ॱनाना हुरे लाबक्‍या धाम्‍पे थुक्‍ङीगी गोने च्‍यीगा स्‍येलालाक।

१ कोरीन्‍थुपा 4:10

मास्‍यीकागी दो़न्‍दु हेक्‍या ॱलेन्‍पा धाङ खेक्‍या मास्‍यीकागी नाङ खेवा दुक। हेक्‍या नी, क्‍योवा हो़क हीना खेक्‍या स्‍युक्‍क्षे दुक। धेनी खेक्‍याला कुरती धाङ हेक्‍याला ॱमेबेप थोप्‍दुक।

१ कोरीन्‍थुपा 6:2

याङना को़न्‍क्षोकगी मीक्‍याई जीक्‍तेनगी ठीम चेगीलाक ॱनेरी, खेक्‍या ॱमेस्‍येलाले? धा खेक्‍या जीक्‍तेनगी ठीम चेगीन हीन्‍ना, हुरे ॱङ्योक्‍टा च्‍युङाक्‍याई ठीम चे ॱमीथुक्‍वाले?

गालातीयापा 1:15

हीना ङा ॱमाकेगीन एन्‍लाराङ ङाला राजा पेरी दामा जेगीन, धाङ राङगी थुक्‍जे थोक्‍ने भो़ जेगीन को़न्‍क्षोकगी थुक्‍ङेउ जेदी,

गालातीयापा 4:8

एम्‍मा खेक्‍या को़न्‍क्षोकला ङो ॱमेस्‍येली घाङला, को़न्‍क्षोक मेगीन ल्‍हाक्‍याला ॱयोक्‍पो ग्‍युक्‍वालाक।

एफीसुपा 1:9

मास्‍यीका खाला ॱनेना, खोङबागी क्षास्‍यीला तेन्‍ती, राङगी थुकोङगी साङवा दे होराङला ॱङो़न्‍तु जेपालाक।

एफीसुपा 3:10

दे नी, क्षो़छोकगी गोने नाम्‍खे श्‍यीङखामदु हो़गीन पो़न्‍पोक्‍या धाङ वाङ झ्‍यीगीनक्‍याला, को़न्‍क्षोकगी स्‍येराप ॱनाम्‍पा ॱनाछोक धान्‍दा ॱङो़न्‍दु जेयेगी क्षीला लाक।

कोलोसेपा 1:19

घीझ्‍येरी ॱनाना को़न्‍क्षोकगी फी़न्‍सुम छोक्‍पा घीरी खोङगी नाङ ॱनेयेला, को़न्‍क्षोक थुक घेवालाक।

ईब्‍रीपा 1:14

होदे नाम्‍खे भाङछेन घीरी थारपा थोप्‍ये हीन्‍गीनक्‍याई क्षीदु, श्‍याप्‍ची श्‍युयेला ॱङाक्‍ङा सेम्‍ङीक्‍या मालाक से?

ईब्‍रीपा 2:3

धा होरी देरे थारपा क्षेला दो़नाङ ॱमेतेरना, होराङ घाङगी झ्‍येरी थारये? थारपा दे गोमागो चोवो राङगी सेटाक जेपालाक धेनी खोङने ङेन्‍गीनक्‍याई, होराङक्‍याला होदेगी धेन्‍पाङ झ्‍येवालाक।

ईब्‍रीपा 7:25

होझ्‍येरी येशुगी थोक्‍ने को़न्‍क्षोकगी डुङदु हुङगीनक्‍याला, खोङबागी धी़ तेनगी क्षीदु थारपा जे थुक्‍वालाक घीझ्‍येरी ॱनाना खोङबा खुङक्‍याई दो़न्‍दु श्‍योवा पुयेला च्‍योई सो़न्‍पो ॱनेलालाक।

याकोब 4:4

खे लोक्‍येम्‍पाक्‍याओ, जीक्‍तेनला क्षाक्‍कीनक्‍या नी को़न्‍क्षोकगी डाला लाङालाक ॱनेरी खेक्‍या ॱमेस्‍येलाले? होझ्‍येरी जीक्‍तेनला क्षाक्‍ङी दो़गीनक्‍याई राङला को़न्‍क्षोकगी डा शोवालाक।

याकोब 5:15

धेनी धेपे ॱमो़लामगी होदे नेपाला क्‍योप्‍कीलाक धेनी चोवोगी होदेला ढाक्‍सो़ ॱनाङगीलाक। धेनी खी़ धीक्‍पा झ्‍येहो़ना, खोला घोयाङ थोप्‍कीलाक।

याकोब 5:20

होदे नोरवा लामने छुला ॱलोक्‍ती ठीक्‍ती हुङगीनगी, होदे मीगी सेम छीवाने क्‍योप्‍कीलाक धेनी खी़ धीक्‍पा माङा सेगीलाक ॱनेरी, खेक्‍याई स्‍येघो़।