१ कोरीन्‍थुपा 1:20 - ॱलोवा

²⁰ मी खेवागो घाना? क्षो़ठीमगी ॱलोपो़नक्‍या घाना? दे धी़रापगी चो़लीङ झ्‍यीगीनक्‍या घाना? को़न्‍क्षोकगी दे जीक्‍तेनगी स्‍येरापगोला ॱलेन्‍दा जेपा मालाक से?

१ कोरीन्‍थुपा 1:20 Iomraidhean Croise

मेथा 13:22

याङ छेम्‍मागी खोकला थोरथोवा साङागो, को़न्‍क्षोकगी कागो ङेन्‍दी हीना जीक्‍तेनगी दुङा धाङ ग्‍युनोरगी ॱली़टेगी का देला ॱनेम्‍दी, होदे ढेबु ॱमेक्षाक्‍कीन मी च्‍योक्‍रे लाक।

योहान्‍ना 12:31

धा जीक्‍तेनगी ठीम चो़गीनगी धी़ भाप दुक। धा दे जीक्‍तेनगी वाङग्‍युर झ्‍यीगीनगो फीला ॱयुक्‍कीलाक।

जेपा 17:18

ईपीकुर धाङ स्‍तोयीकोसगी मी खेवाक्‍याने, रीङगागीयाः पाउलुमुला चो़लीङ झ्‍येवालाक। होदेक्‍याने रीङगागी, “दे खा दीक्‍कीन मी दे घी ॱनाले?” ॱनेरी ॱनेवालाक धेनी रीङगागी, “दे मी धेनी क्षीग्‍यागी ल्‍हाक्‍याई कोरला स्‍येली।” ॱनेरी ॱनेवालाक घीझ्‍येरी ॱनाना पाउलुगी येशु धाङ खोङबा छीवाने याङ सो़न्‍पो झ्‍युङगीनगी कोरला ताम्‍शाङ स्‍येपालाक।

रोमापा 1:20

धेनी जाम्‍बुलीङ दे को़ने ॱहाला, को़न्‍क्षोकगी थोङये मेगीन थामेपे नी़थु धाङ खोङ को़न्‍क्षोक हीन्‍गीन राङश्‍यी नी, खोङगी को़ जेजा दो़न घीरीला सावो थोङालाक। होझ्‍येरी होदे मीक्‍याई को़न्‍क्षोक ङो ॱमेस्‍येहो़क ॱनेरी, ॱनायेगी ग्‍युम्‍जे घीया मेतालाक।

रोमापा 1:22

धेनी खुङक्‍या राङला खेवा हीन ॱनालाक हीना ॱयोल्‍ले ॱलेन्‍दा झ्‍युवालाक।

१ कोरीन्‍थुपा 1:19

घीझ्‍येरी ॱनाना सुङरापला देरे ढीक हो़तालाक, “ङा मी खेवाक्‍याई स्‍येराप मेताला ताङयेहीन, धेनी मी रीक्‍पाचेनक्‍याई रीक्‍पा फाम्‍दु च्‍युक्‍येहीन।”

१ कोरीन्‍थुपा 1:26

पी़नक्‍याओ, खेक्‍याला भो़ली घाङला, खेक्‍या घारे हो़गीनगो ढो़न्‍सो झ्‍यी। जीक्‍तेनगी ताताङला खेक्‍याने माङक्षे खेवा धाङ वाङक्षे धाङ खाक्‍क्षे मेतालाक।

१ कोरीन्‍थुपा 1:27

हीना खेवाक्‍याला ङोजा पाप्‍येगी क्षीदु, को़न्‍क्षोकगी जीक्‍तेनगी ॱलेन्‍दाक्‍याला दामा जेपालाक धेनी वाङक्षेक्‍याला ङोजा पाप्‍येगी क्षीला, जीक्‍तेनगी क्‍योवाक्‍याला दामा जेपालाक।

१ कोरीन्‍थुपा 1:28

को़न्‍क्षोकगी जीक्‍तेनगी ॱमावा धाङ थोङछुङ चीचाक्‍याला दामा जेपालाक। धेनी हो़गीनगोला क्षोमेगीन जेयेगी क्षीदु, चीया ॱमीचीगीनक्‍याला दामा जेपालाक।

१ कोरीन्‍थुपा 11:32

हीना चोवोगी होराङला ठीम्‍चो़ जेदी घाङला, होराङ जीक्‍तेम्‍पाक्‍यामुला थामेपे छेपा ॱमेफोक्‍येगी क्षीदु, खोङगी होराङला ढीक्‍ठीमला श्‍या जेदालाक।

१ कोरीन्‍थुपा 2:6

धा धेपा तेन्‍पो हो़गीनक्‍याई घुङदु हेक्‍या स्‍येरापगी तामक्‍या स्‍येदाहीन हीना स्‍येराप दे नी, दे धी़राप याङना मेताला डोये हीन्‍गीन, दे धी़रापगी वाङ झ्‍यीगीनक्‍याई स्‍येराप मालाक।

१ कोरीन्‍थुपा 2:8

दे धी़रापगी वाङ झ्‍यीगीनक्‍या सी़याः दे स्‍येराप दे ॱहामाघोवालाक। खुङक्‍याई ॱहाघो हो़ना, शीजेगी चोवोला खुङक्‍याई ग्‍याङस्‍यीङदु क्‍याङये मेक।

१ कोरीन्‍थुपा 3:18

मी सु च्‍यीकगीया राङला गोकोर ॱमाताङास्‍योक। दे जीक्‍तेनदु राङला खेवा साम्‍गीनगी, राङ खेवा झ्‍युङयेगी क्षीदु खो ॱलेन्‍दा झ्‍युङघो़।

१ कोरीन्‍थुपा 3:19

घीझ्‍येरी ॱनाना दे जीक्‍तेनगी स्‍येराप नी, को़न्‍क्षोकगी ॱमीक्‍वादु ॱलेन्‍दा लाक। सुङरापला देरे ढीक हो़तालाक, “मी खेवाक्‍याला खोरी चाङग्‍यु नाङलाराङ, खोङबागी शीम्‍गीलाक।”

१ कोरीन्‍थुपा 6:2

याङना को़न्‍क्षोकगी मीक्‍याई जीक्‍तेनगी ठीम चेगीलाक ॱनेरी, खेक्‍या ॱमेस्‍येलाले? धा खेक्‍या जीक्‍तेनगी ठीम चेगीन हीन्‍ना, हुरे ॱङ्योक्‍टा च्‍युङाक्‍याई ठीम चे ॱमीथुक्‍वाले?

याकोब 4:4

खे लोक्‍येम्‍पाक्‍याओ, जीक्‍तेनला क्षाक्‍कीनक्‍या नी को़न्‍क्षोकगी डाला लाङालाक ॱनेरी खेक्‍या ॱमेस्‍येलाले? होझ्‍येरी जीक्‍तेनला क्षाक्‍ङी दो़गीनक्‍याई राङला को़न्‍क्षोकगी डा शोवालाक।