१ कोरीन्‍थुपा 1:12 - ॱलोवा

¹² ङी ॱनागीनगो घी लाक ॱनाना, खेक्‍याने रीङगागी “ङा पाउलुगी हीन” धेनी रीङगागी “ङा आपोल्‍लोसगी हीन” धेनी रीङगागी “ङा केफासगी हीन” धेनी रीङगागी “ङा मास्‍यीकागी हीन” ॱनेरी ॱनी।

१ कोरीन्‍थुपा 1:12 Iomraidhean Croise

मेथा 23:8

“हीना खे घीरी पी़न्‍दा च्‍यीक लाक धेनी खेक्‍याला ॱलोपो़न च्‍यीकराङ झ्‍येरी, खेक्‍याला सी़या ‘राब्‍बी’ ॱमानास्‍योक।

योहान्‍ना 1:42

धेनी खी़ सीमोनला येशु डुङदु ठीक्‍ती होवालाक। येशुगी खोला शीक्‍ती सुवालाक, “ख्‍यो़ योहान्‍नागी भीजा सीमोन लाक धेनी ख्‍यो़ला केफास ॱनेरी भो़गीलाक।” (केफासला पेटो ॱनालाक धेनी होदे मीङ ॱङीगारागी दो़नगो “फोङगीङ” लाक।)

जेपा 18:24

होदे घुङला आलेक्‍जेन्‍डीयागी मी आपोल्‍लोस ॱनागीन, याहुदापा च्‍यीक एफीसुदु ॱलेप्‍पालाक। खो ॱमीच्‍यीकी घा लाब ताङ थुप्‍कीन धाङ क्षो़ठीमगी कोरला ॱमीच्‍यीकी खेवा हो़तालाक।

जेपा 19:1

आपोल्‍लोस कोरीन्‍थुरु हो़ती घाङला, पाउलु एशीयागी घुङने झ्‍युरी एफीसु ग्‍याजाला ॱलेप्‍पालाक। होदुरु खी़ धेपा-झ्‍यीगीन रीङगा थुक्‍पालाक।

१ कोरीन्‍थुपा 1:11

घीझ्‍येरी ॱनाना ङी पी़नक्‍याओ, खेक्‍या ठुक्‍ती धेदुक ॱनेरी, ङाला क्‍लोईगी नाङमीक्‍याई स्‍येजुङ।

१ कोरीन्‍थुपा 15:5

धेनी खोङ केफासचारु ॱङो़न जेदी धेनी कुछाप च्‍युङ-ॱङीपाक्‍याला ॱङो़न जेपालाक।

१ कोरीन्‍थुपा 15:50

धा पी़नक्‍याओ, ङा खेक्‍याला ॱनाहीन स्‍याठाकला को़न्‍क्षोकगी ग्‍यासीगी थोप्‍ताङ ॱमेथोबालाक धेनी मेताला डुगीन ली़ला मेताला मेडोगीनगी थोप्‍ताङ ॱमेथोबालाक।

१ कोरीन्‍थुपा 16:12

धा होरी पी़न आपोल्‍लोसगी कोरला ॱनाना, खोला पी़न श्‍येम्‍माक्‍यामुला खीकीचारु डोयेला, ङी ॱमीच्‍यीकी उजुक ग्‍याप्‍पी हीना धान्‍दा खो डोयेला फुक्‍की दो़पा मीझ्‍यीदा। धेनी घुकाप जोराराङ खो हुङगीलाक।

१ कोरीन्‍थुपा 4:6

धा पी़नक्‍याओ, खेक्‍याला फेन्‍येगी क्षीदु, ङी ङाराङ धाङ आपोल्‍लोसगी पे श्‍याक्‍ती, हेक्‍याने खेक्‍याई सुङराप नाङदु ढीक्‍टा च्‍योक्‍रे मीछे पी़येगो ज्‍याङयेला तो़न हो़क। धेनी खेक्‍या च्‍यीकला ङोम्‍सो झ्‍येरी श्‍येम्‍माला दाङा झ्‍यीगीमालाक।

१ कोरीन्‍थुपा 7:29

पी़नक्‍याओ, ङी ॱनागीनगी दो़न्‍दाकगो दे लाक। धी़चो़ तुङा दुक। धा देने ॱहाला केमी हो़गीनक्‍या केमी मेगीन च्‍योक्‍रे, झ्‍येरी मीछे क्‍याघो़।

१ कोरीन्‍थुपा 9:5

श्‍येम्‍मा कुछापक्‍या धाङ चोवोगी नोक्‍या धाङ केफास च्‍योक्‍रे, हेक्‍याला धेपा झ्‍यीगीन केमी ठीक्‍ती डोयेगी आङजा मेताले?

२ कोरीन्‍थुपा 10:7

खेक्‍याई ॱमीकगी दोङदु हो़गीनगोला तो़। धेनी राङला मास्‍यीकागी हीन्‍गीनगोला यीच्‍चे तेन्‍पो हो़ना, खी़ राङला मास्‍यीकागी हीन्‍गीन च्‍योक्‍रे हेक्‍याः मास्‍यीकागी लाक ॱनेरी, ढेन्‍सो ॱलाङघो़।

२ कोरीन्‍थुपा 9:6

ङी ॱनागीनगी दो़न नी दे लाक, साङा ङ्युङा ताप्‍कीनगी लोदोक ङ्युङा दुवालाक धेनी साङा माङा ताप्‍कीनगी लोदोक माङा दुवालाक।

गालातीयापा 2:9

धेनी क्षो़छोकगी कावा चीगीन, याकोब धाङ पेटो धाङ योहान्‍नागी को़न्‍क्षोकगी ङाला ॱनाङगीन क्षाक्‍लेगो ॱहाघोरती, ङा धाङ बारनाबाला खुङक्‍याई लेरोक झ्‍यीयेला खेलेन्‍जुङ। धेनी हेक्‍या याहुदापा मेन्‍गीन मीरीकक्‍या चारु धाङ खुङक्‍या याहुदापाक्‍या खोक्‍दु डोये थाक चो़पालाक।

गालातीयापा 3:17

ङी ॱनागीन लाबगी दो़न्‍दाकगो दे लाक, लो श्‍यीपग्‍या सुमच्‍यु स्‍याम्‍ला होवा क्षो़ठीम दी, को़न्‍क्षोकगी थाक चेगीन धाम्‍चा देला मेताला डोगीन झ्‍येरी स्‍यीक ॱमीथुक्‍कीलाक।