१ कोरीन्‍थुपा 1:1 - ॱलोवा

¹ को़न्‍क्षोकगी थुकोङ थोक्‍ने, मास्‍यीका येशुगी कुछाप झ्‍युङयेला भो़पा, ङा पाउलु धाङ होरी पी़न सोस्‍थेनेसने,

१ कोरीन्‍थुपा 1:1 Iomraidhean Croise

लुका 6:13

धेनी ॱङारोकगो खोङबागी खोरी ङेनेक्‍याला भो़या जेदी, होदेक्‍याने च्‍युङङीला दाम्‍दी, देक्‍याला कुछाप ॱनेरी मीङ ता जेपालाक।

योहान्‍ना 15:16

खेक्‍याई ङाला दाम्‍बामेन हीना ङी खेक्‍याला दाम्‍बाहीन। धेनी खेक्‍या सोरी ढेबु क्षाक्‍ये धाङ ढेबु दे ताक्‍दु ॱनेयेला, ङी खेक्‍याला को़वाहीन। होझ्‍येरी खेक्‍याई ङी मीङगी थोक्‍ने यापला घी श्‍यी़ना, खोङबागी खेक्‍याला ॱनाङगीलाक।

योहान्‍ना 20:21

धेनी याङ येशुगी खुङक्‍याला सुवालाक, “खेक्‍याला श्‍यीदे हुङास्‍योक। यापगी ङाला ॱङाक्‍कीन च्‍योक्‍रे ङा खेक्‍याला ॱङाहीन।”

जेपा 1:15

श्‍याक्‍मो तीते स्‍याम्‍ने येशुला धेपा-झ्‍यीगीन मी ग्‍याराङ ङीउ चो़गी खोक्‍दु, पेटो लारी देरे ॱनेवालाक,

जेपा 1:2

येशुगी नाम्‍खे श्‍यीङखाम फेप्‍ये एन्‍ला राङगी दाम्‍दावा कुछापक्‍याला, धाम्‍पे थुक्‍ङीगी स्‍युकने का ॱनावालाक।

जेपा 18:17

धेनी देक्‍या घीरीगी छोक्‍खाङगी पो़न्‍पो सोसथेनेला शीम्‍दी, होदे ठीम चेजा साजागी दोङलाराङ खोला दुवालाक। हीना गाल्‍यो़नगी घीया या माझ्‍येवालाक।

जेपा 22:21

हीना चोवोगी ङाला सुजुङ, ‘ख्‍यो़ सोङ, ङा ख्‍यो़ला ॱमीच्‍यीकी थाक्‍रीङा याहुदापा मेन्‍गीन मीरीकक्‍या चारु झाङयेहीन।’”

रोमापा 1:1

येशु मास्‍यीकागी ढेन्‍योक, ङा पाउलु कुछाप झ्‍युङयेला भो़पा धाङ को़न्‍क्षोकगी ताम्‍शाङ दे स्‍येयेगी क्षीदु को़वाहीन।

रोमापा 1:5

धेनी खोङगी छेनगी क्षीदु, याहुदापा मेन्‍गीन घीरीगी धेपा झ्‍यीये धाङ खोङगी काला ङेन्‍येगी क्षीला, खोङगी थोक्‍ने हेक्‍याला को़न्‍क्षोकगी थुक्‍जे धाङ कुछापगी लेगेनगो थोप हो़तालाक।

१ कोरीन्‍थुपा 15:9

घीझ्‍येरी ॱनाना कुछापक्‍या घीरीने, ङा ॱमास्‍योकगो हीन धेनी ङा कुछाप ॱनेरी मीङ श्‍येरीन खाये मेक घीझ्‍येरी ॱनाना ङी को़न्‍क्षोकगी क्षो़छोकला दुक्‍पु तावी।

१ कोरीन्‍थुपा 3:9

घीझ्‍येरी ॱनाना हेक्‍या नी, को़न्‍क्षोकगी लेरोकक्‍या हीन धेनी खेक्‍यागो को़न्‍क्षोकगी श्‍यीङ धाङ श्‍युक्‍खाङ लाक।

२ कोरीन्‍थुपा 1:1

को़न्‍क्षोकगी थुकोङ थोक्‍ने, मास्‍यीका येशुगी कुछाप, ङा पाउलु धाङ हीकी पी़न तीमोथेउने, कोरीन्‍थुरु हो़गीन को़न्‍क्षोकगी क्षो़छोक धाङ आकाईया नाङ घीरीरु हो़गीन धाम्‍पे मी घीरीला,

२ कोरीन्‍थुपा 11:5

ङी साम्‍लोला ङा “चाक्षे कुछापक्‍या” ने घीन्‍गी थोक्‍नेया ॱमास्‍योक मेक।

२ कोरीन्‍थुपा 12:12

खेक्‍याई घुङदु कुछाप ॱङोन्‍नेगी ताकक्‍या, ङी शो़पा क्षे झ्‍येरी ताकक्‍या धाङ ॱहाङसागीनक्‍या धाङ नी़थुक्‍याई लेगाक्‍याई थोक्‍ने, तो़न्‍बालाक।

२ कोरीन्‍थुपा 8:5

धेनी हीकी रेवा झ्‍येजाने ल्‍हाक, खुङक्‍याई एन्‍ला राङ-राङला चोवोला पुवालाक धेनी को़न्‍क्षोकगी थुकोङला तेन्‍ती, खुङक्‍याई राङ-राङला हेक्‍याई लागला ची ग्‍याप्‍पालाक।

गालातीयापा 1:1

मीक्‍याने मेन्‍दा धेनी मीगी थोक्‍ने मेन्‍दा, हीना येशु मास्‍यीका धाङ खोङबाला छीवाने श्‍याङा जेगीन याप को़न्‍क्षोकगी कुछाप, ङा पाउलु

एफीसुपा 1:1

को़न्‍क्षोकगी थुकोङ थोक्‍ने, मास्‍यीका येशुगी कुछाप ङा पाउलुने, येशु मास्‍यीकाला धेपा झ्‍यीगीन एफीसु ग्‍याजारु हो़गीन धाम्‍पे मीक्‍याला;

एफीसुपा 4:11

धेनी मास्‍यीका राङगी ॱनाङना ॱनाङज्‍यीनक्‍या, रीङगा कुछापक्‍या, रीङगा ॱङो़नस्‍येखेनक्‍या, रीङगा ताम्‍शाङ स्‍येगीनक्‍या, रीङगा क्षो़पो़न धाङ ॱलोपो़नक्‍या झ्‍युरी

कोलोसेपा 1:1

को़न्‍क्षोकगी थुकोङ थोक्‍ने, मास्‍यीका येशुगी कुछाप, ङा पाउलु धाङ होरी नो तीमोथेउने,

१ तीमोथेउ 1:1

होरी क्‍याम्‍गो़न को़न्‍क्षोक धाङ होरी रेवा मास्‍यीका येशुगी काला तेन्‍ती, मास्‍यीका येशुगी कुछाप ङा पाउलुने,

१ तीमोथेउ 2:7

देगी क्षीलाराङ, ङा धेपा धाङ धेन्‍पाला याहुदापा मेन्‍गीन मीरीकक्‍याई ॱलो का थुप्‍कीन ॱलोपो़न, धेनी क्षो़ स्‍येगीन च्‍यीक धाङ कुछाप ॱनेरी को़वालाक। (ङा शोक ॱमेस्‍येदा, धेन्‍पाराङ ॱनाहीन।)

२ तीमोथेउ 1:1

मास्‍यीका येशुगी नाङ हो़गीन छेगी धाम्‍चा च्‍योक्‍रे, को़न्‍क्षोकगी थुकोङ थोक्‍ने, मास्‍यीका येशुगी कुछाप ङा पाउलुने,