Zekaria 9:12 - KITABU KITAKATIFU

¹² Mwilane, munyi avandu vazia mu vuhaambe vamuveeye ni lisuuvirizwa kalunu; mwilane mu kivala chiinyu chi mirembe. Kalunu muvooleraa, ndakahaane kandi madanyi ku munyi kuvita haali kaviri nu vugasu kolondekana nu vusaliri vwinyu.

Zekaria 9:12 Iomraidhean Croise

Ayubu 42:10

Maku, lwa Ayubu yaali ni yakasaala valina veve vavaga, Yahova yamugasiza kandi naamuha ivindu haali kaviri kuvita ivia yaali navio maziambiri.

Isaya 24:22

Nyasaye alavungiza avami harara kuli avahambe mu vogo. Alavahanira muvuhambe kuduuka ing'inga yi lihevwa mageri gaavo iliduuka.

Isaya 38:18

Siaveeye ho mundu kali mulala mu kivala cha vakuzu unyala kwizominya ivi mba; avakuzu sivanyala kusuuvira mu vusuuvirifu vuvwo mba.

Isaya 40:2

mudinyirizi avandu va Jerusalemi. Muvavoolere ndi uvusaaliri vwavo vumali kohera na kalunu mali kuvasamiiha uvwoni vwavo vwosi, kandi mali kuhaana mageri gange kuvo kigira uvwoni vwavo vwosi.”

Isaya 49:9

Ndavolera avahambe ndi, ‘Muve avavoholore!’ Kandi ndavolera yavo avaveeye mu kisundi ndi, ‘Hambi mu vulavu!’ Valakave kuli amagondi gaveeye nu vwayiru ku vigulu.

Isaya 52:2

Mwevoholole munyi aveene, O, avandu va Jerusalemi! Singiri muturi mu luguchi na mwikale kondeve yinyu yu vwami! Mwevoholole minyororo jimuvohaa mwigoti, munyi avandu vahambe va Ziyoni!

Isaya 61:7

Zisoni zienyu ziduuki ku keheri. Munyi namumenye mukivala chiinyu aveene, kandi uvuhinda vwinyu vulamedeka; kandi mulava nu vusangali mihiga ni mihiga.

Jeremia 14:8

Ivi wengine oveeye lisuuvirizwa lia avandu va Isiraeli, niivi wengine ohonyia kunyi kutura mu kivi. Kigira ki oveeye kuli mugeni mu kivala chietu, kandi kuli mundu oveeye kologendo uwenyaa hokogona ku vudiku vulala vweng'ine?

Jeremia 16:19

Yahova, ivi niyie ukingaa inzi kandi ombeezaa zinguru; ongonyaa mu ing'inga yuvudinyu. Zihiiri zilaza ku ivi kutura ku zinduru zielirova nokovoora, “Avaguuga viitu valii vuzwa navanyasaye vuvugadi kandi nivifananyi viavuzwa.

Jeremia 17:13

O, Yahova, ivi oveeye lisuuvirizwa lia avandu va Isiraeli; yavo vosi avalekaa ivi valaduuka mu zisoni. Valagota kuli amita gahandikwa hasi mu luguchi, kigira vamali koleka ivi, Yahova, oveeye kisinukiru cha mazi gi livamwoyo.

Jeremia 31:17

Lisuuvirizwa liveeyeho ku ing'inga yinyu yiza; avana vinyu valakirane hango haavo. Inzi, Yahova mali kovora.

Jeremia 31:6

Yee, ing'inga yiza lwa avasikari valakalangiliri ku vigulu via Efuraimu, ‘Gendi kuzie Ziyoni, ku Yahova Nyasaye wiitu.’ ”

Jeremia 50:28

Avahaali virukanga kutura Babiloni kuzia Jerusalemi, ma vavoola kuli Yahova Nyasaye wiitu yaavanza kisaalia ku aga vandu va Babiloni vaali nivakoli ku Litembeli.

Jeremia 51:10

Yahova avoora, “Avandu vange vahanzuka, ‘Yahova amali kumanyia ndi kunyi koveeye mu vulungi. Gendi kuzie kovolere avandu mu Jerusalemi aga Yahova Nyasaye wiitu amali kokora.’ ”

Ezekieli 37:11

Nyasaye yambolera, “Mwana wu Mundu, avandu va Isiraeli vaveeye kuli vigumba yivi. Vavola ndi vaveeye avahangalalu, kandi vaveeye vugira lisuuvirizwa, kandi vadiviziywi.

Hosea 2:15

Wene yeyo, inzi ndamwiranyira milimi jije jie mizabibu, kandi ndakora Livona liu vudinyu kuva kiliango chi Lisuuvirizwa. Wene yeyo alakandivuliri kuli yativura lwa yaali nakikiri musoleri kandi lwa yaza kutura mu kivala cha Egebeti.

Joeli 3:16

Yahova ahuumaa kutura mu kiguru cha Ziyoni; mwoyo gwigwe gwatuluruka kutura mu Jerusalemi; lirova ni ligulu videgera. Navuzwa alakinga vandu veve.

Mika 4:8

Na Jerusalemi lidaala linene, ha Nyasaye aveeye kuli mwayi kulinda avandu veve, halava kandi lidaala linene lio vwami vwali uvwinyu.

Nahum 1:7

Yahova aveeye mulahi; akingaa vandu veve mu ing'inga yu vudinyu alindaa yavo avaazaa kuye.

Vahebraina 6:18

Kunangwa koveeye ni vindu viviri; lisuuvirizwa ni liesuuha ivitanyala kugirung'ana, kandi Nyasaye avula kovora vovehi kulio. Kunangwa kunyi avakumali konyoora mirembe naye kuzuvwa ligali kugumiri vudinyu lisuuvirizwa liviikiywi imbiri wiitu.

Vahebraina 6:19

Koveeye ni lisuuvirizwa yili kuli itiiru yi mioyo jietu. Lisuuvirizwa lizizaa kuduuka ku vwali inyima wisuka yi Litembeli liu mwigulu.