Zekaria 9:11 - KITABU KITAKATIFU

¹¹ Yahova avoora, “Kigira lilagana liange na munyi liakunikwa na masahi gi visiuviliru, ndakahaane vovoholore ku vandu vinyu vaduuki kutura mu liliina liovuhaambe litaveeye na mazi.

Zekaria 9:11 Iomraidhean Croise

2 Samweli 13:13

Galava ndi ku inzi? Ndatuliza ndi zisoni ziange. Na ku ivi, galava ndi, ulava mulala ku avasiru vadamanu mu Isiraeli. Moloma nu mwami. Sialanzigalira mburi koleetwa nivi mba.”

2 Kyetsinyinga 7:17

Niiva ulandumikira nu vusuuvirifu vwosi kuli baba woovo Daudi yakola, nukuhulira malago gange nokokola vindu viosi via mali kukulaga,

Ayubu 33:30

Nyasaye ahonyia livamwoyo liu mundu kutura mu vogo, kandi aduuki kolola uvulavu vwi livamwoyo.

Zaburi 30:3

O, Yahova, ivi umali kombonyia kutura mu kihadisi; umali kunziranyira livamwoyo kandi umali kunduliza hagati ha yavo avaziizaa mu kilindwa.

Zaburi 40:2

Yang'usa kutura mu vogo vwuvuhimwa kandi kutura mu vodohi vwe kedende. Yasingiriza ku lwanda mu mirembe; kandi nandinyiriza kusingira vudinyu.

Zaburi 69:33

Yahova ahulirizaa lisaala lia yavo avaveeye vadaka, kandi si yiviliraa avandu veve avaveeye mu vuhambe mba.

Kutwula 24:8

Maku Musa yavugula masahi gaali kubakuli niyuha ku vandu navoora, “Yaga na masahi gahambanyia lilagana lia Yahova yalomba ni munyi lwa yahaana amalago yaga.”

Isaya 24:22

Nyasaye alavungiza avami harara kuli avahambe mu vogo. Alavahanira muvuhambe kuduuka ing'inga yi lihevwa mageri gaavo iliduuka.

Isaya 42:22

Navuzwa kalunu avandu va Nyasaye vamali kulanywa, vamali kotegwa nu kugumirwa kandi vavikiywi mu vuhambe, Siyaali ho nu mundu kali mulala uwaali anyala kuvahonyia mba, anoho kwilanyia ivilanye viavo mba.

Isaya 42:7

Ulahonyia yavo avaveeye avavoku, kandi ndatuliza muvuhambe mu vogo kandi ndatuliza mujera yavo aviikalaa mu kisundi.

Isaya 49:9

Ndavolera avahambe ndi, ‘Muve avavoholore!’ Kandi ndavolera yavo avaveeye mu kisundi ndi, ‘Hambi mu vulavu!’ Valakave kuli amagondi gaveeye nu vwayiru ku vigulu.

Isaya 51:14

Yavo avaveeye vahambe valava vavoholole vwangu; valamenya madiku, manyingi nukuva nichukulia kinyingi ichavalia.

Isaya 58:12

Avandu vinyu valumbaka vuhia vianyi vienyu via kale, valaviumbaka kandi ku mise ja kale. Na munyi mulagulikwa avandu vumbaka vuhia madigi gasasuguka, kandi avandu valalomba zinzira zie lidaala zivitiki kandi harara ni zinyumba iziali vianyi.”

Isaya 61:1

Roho wa Yahova Nyasaye aveeye harara na inzi, kigira umali kondovola kandi kunduma; kwilwaza makuva amalahi go vohonyi ku vadaka, kwahila nokohonyia mioyo jiveeye midedekere, kandi nduuki kulandiza ovovoholore ku avahambe, kandi kulandizira avavofwa vaduuki kovoholorwa.

Jeremia 38:6

Kunangwa vambugura ni vamboha ku migoye ma nivanzikiza mu vogo vwa Malikia mwana wu mwami, uvwali mu mugizi gwi inyumba yu vwami. Amazi sigali mu vogo yivu mba, navuzwa ovodohi uvwere, na ndiyina musi mu vodohi.

Danyeli 2:29

“O, Mwami wiitu, lwa waali nogonaa, walota kigira madiku gaaza: Nyasaye uvula viokogenyia vie mbisu, umali kukumanyia kizizaa kwekoleka.

Matayo 26:28

yaga na masahi gange, agaveeye umuhuri gwi lilagana lia Nyasaye, agasundurwa kigira ilisamiifa liu uvwoni vwa vanyingi.

Marko 14:24

Yeso yavavolera, “Yaga na masahi gange gi lilagana, agasunduliywi kigira avandu vanyingi.

Luka 16:24

Kunangwa, yahanzuka, ‘Baba Aburahamu! Omberere! Tuma Lazaro yiini esonga ye kedete chiche mu mazi na akindizi lulimi lwange, kigira mbeeye mu vusaliri vonene ligali mu lemo lwu muliru yilu.’

Luka 22:20

Munzira ndala nzere, nivakamara lilia mugadi, Yeso yavugula kekombe chi iwaini navoora, “Kekombe yiki keveeye Lilaga Lihia lia Nyasaye mu masahi gange, agasundulwa kigira munyi.]”

Luka 4:18

“Roho wu Mwami aveeye ku inzi, kigira umbaki maguta kwilwazira avadaka Makuva Malahi ga Nyasaye. Yaanduma kulandizira avavofa ndi valanyora livoholorwa liavo, avavoku valanyora lilora kandi kovoholora yavo avadambizwa.

1 Vakorintho 11:25

Kandi ndio munzira ndala nzere, nivakamara lilia viukulia, yavugula kekombe navoora, “Yiki keveeye kekombe chi lilagana lihia lia Nyasaye mu masahi gange. Mukore ndi zing'inga ziosi lwa munwezaa kunzizuliza.”

Kwidzulitsa 5:31

Navuzwa ivi, Musa, utigale hano harara ninzi, na Inzi ndakuha malago gange goosi, namalagano. Wigizi avandu malago yaga kunangwa vaduuki kugalonda mu kivala cha mbahezaa.’

Vahebraina 10:2

Ni gataveeye ndio, ngano si vialekwa kuhaanwa? Kigira niiva avandu vasigamira Nyasaye valava nivatakasiywi ligali kutura muvwoni vwavo lulala, ngano sivakaveeye niliiva liu kumanya mahiolo gaavo kandi mba, kandi visiuviliru viosi viakaheriziywi.

Vahebraina 10:29

Kunangwa galava ki ku mundu uchayaa Mwana wa Nyasaye? Galava ki ku okolaa amasahi gi lilagana lia Nyasaye ga mutakasaa kutura muvwoni kuva gaveeye kindu vuzwa? Galava ki ku oyo onyegaa Roho wi zimbavasi? Gamudukira ahevwe amageri malulu ligali kuvita agadukanaa naye.

Vahebraina 13:20

Nyasaye umali kusimugukiza Mwami wiitu Yeso Kristo kutura mu vakuzu, oveeye Mwayi Munene wa magondi kigira lisundula lia masahi geege agadinyirizaa lilagana lie mihiga ni mihiga.

Likunula 20:3

Engelosi zana yaagusiuva mu gehena ma naagikunika vudinyu, kandi naduya ku umuhuri, kunangwa guvuli kugaada zihiiri kandi mba kuduuka lwi mihiga elefu ndala jitweka. Navuzwa inyima wayaga gulakavohololwe, ku ing'inga engekeeke.