Zekaria 8:6 - KITABU KITAKATIFU

⁶ “Gaamanya galoleke gokogenyia ku vandu vahononoka mu madiku yaga, si galava gokogenyia ku inzi mba.

Zekaria 8:6 Iomraidhean Croise

Litanga 18:14

Inzi mbeeye Yahova! Sihaveeye ho ni kindu keveeye kidinyu ku inzi mba. Ndirana muhiga guuzaa kuli mali kulaga, na Sara alakave naveeye nu mwana muyaayi.”

2 Avami 7:2

Munene wu mwami wa himbi ligali yavolera muporofeti Elisha, “Yago siganyala kwekoleka ku mba kali niiva Yahova mwene yakatumi uvuswage kuli imbura ku ing'inga ndala!” Navuzwa Elisha yamuvolera, “Ivi ulagalola nigekolekaa, navuzwa si ulalia ku chukulia yicho kali hakuzu mba.”

Zaburi 118:23

Yahova yakola yaga, gaveeye makuva gokogenyia imbiri wiitu.

Jeremia 32:17

“Mwami munene Yahova, ivi walomba ligulu ni lirova kuzinguru zizio zinene kandi ku vunyali vuvwo. Si keveeyeho kindu kinyala kutama ivi mba.

Jeremia 32:27

“Inzi mbeeye Yahova, Nyasaye wa avandu vosi. Keveeyeho ni kindu kinyala kutama inzi?

Matayo 19:26

Navuzwa Yeso yavahenza navoora, “Ku vandu, likuva yili silinyalika mba, navuzwa ku Nyasaye, ivindu viosi vinyalikaa.”

Luka 1:20

Hulira, ulava idimbidi, kandi siulamoloma mba, kuduuka lwayaga galakekoleke, kigira siwasuuvira makuva gange ivi siulamoloma mba kuduuka lwa malago gaange gali twekizwa.”

Luka 1:37

Kigira ku Nyasaye, si keveeye ho kindu ikitanyalikaa mba.”

Luka 18:27

Yeso yamutivulira, “Agatanyalika ku avandu, ganyalika ku Nyasaye.”