Zekaria 8:3 - KITABU KITAKATIFU

³ Inzi ndirana mu Jerusalemi lidaala liange litakatifu nokomenya mulio. Lilakalangwe lidaala lisuuvirifu kandi kiguru cha Yahova Wuvunyali, kilakalangwe kiguru kitakatifu.

Zekaria 8:3 Iomraidhean Croise

Zaburi 2:6

Yahova avoora, “Mali kwamiihiza mwami wandatovola, ku Ziyoni, kiguru change kitakatifu.”

Zaburi 48:1

Yahova aveeye munene, kandi wukwizominywa ligali, mu lidaala linene lia Nyasaye kandi ku kiguru chiche kitakatifu.

Kutwula 29:45

Ndamenya hagati ha vandu vange Isiraeli, kandi ndava Nyasaye wavo.

Isaya 1:21

Lidaala linene iliali ing'inga indala lisuuvirifu kalunu liveeye ni miima kuli ji liraya! Ing'inga ndala liizula vandu valungi, navuzwa kalunu avalumindi vatigaye mulio.

Isaya 1:26

Ndamuha avamihi na vahaani vi zing'anagani kuli yavo ava mwali navo maziambiri. Maku Jerusalemi, ilalangwa lidaala linene lirungi kandi lisuuvirifu.”

Isaya 11:9

Ku Ziyoni, kiguru kitakatifu cha Nyasaye, sihalava nikindu chukusaliriza anoho kidamanu. Kivala kilizula limanya lia Yahova kuli zinyanza zizura amazi.

Isaya 12:6

Vuli mundu woosi umenyaa mu Ziyoni ahanzuki kandi yimbi! Nyasaye Mutakatifu wa Isiraeli aveeye munene; kandi amenyaa hagati ha vandu veve.”

Isaya 32:16

Vuli havundu mu kivala, likalaga liu vulungi nu vusuuvirifu lilavaho.

Isaya 60:14

Avana avayaayi va yavo avamudambizaa valaza, kandi valinama imbiri winyu nu kumanyia luyali lwavo ku munyi. Yavo vosi avamuchaya maziambiri, valaza nu kwinama imbiri winyu nu kumusigamira. Valamulanga ‘Lidaala linene lia Yahova,’ ‘Ziyoni, Lidaala linene liu Mutakatifu wa Isiraeli.’

Isaya 65:25

Vivwi na amagondi vilaaya harara, zisimba zilaaya uvunyasi kuli zigiriki, kandi zinzoka zilakomba uluguchi. Si vilasalirizana kandi si viladivizana mu kiguru change kitakatifu mba.”

Isaya 66:20

Valaleta avamwavo vinyu vosi kutura mu zihiiri ziosi vave kuli kihanwa ku inzi. Valaletwa ku kiguru change kitakatifu mu Jerusalemi, ni vagingiywi ku zibarasi, amagare gu vulwani, zibunda, zisukiri, kandi zing'amia, kuli avandu va Isiraeli valeta uvuswage mu viju ivilahi kuli kihanwa mu litembeli liange.

Isaya 8:18

Inzi harara na vana vange koveeye kuli kelolero chi lieganihiza kutura ku Yahova Wuvunyali omenya ku kiguru cha Ziyoni. Yakutuma kuli makuva gaveeye mwoyo ku vandu va Isiraeli.

Jeremia 14:9

Kigira ki oveeye kuli mundu oveeye mu ligenya, kuli musikari utaveeye ni zinguru kokonya? O, Yahova, ligali ivi oveeye harara ni kunyi! Kunyi koveeye avandu vovo; utakoleka mba.’ ”

Jeremia 26:18

“Lwa Hezekia yaali mwami wi Ivuyuda, muporofeti Mika wa Moreshezi yavolera avandu vosi ndi Yahova Wuvunyali amali kovora, ‘Ziyoni yaza ilimwi kuli mulimi, Jerusalemi neeve kuli kitumi cha mang'anye, kandi kiguru chi Litembeli nakigwi mulitu!’

Jeremia 31:23

Yahova Wuvunyali, Nyasaye wa avandu va Isiraeli avoora, “Lwa naziranyie avandu mukivala chavo, vaza viraniri kovora mukivala chi Ivuyuda kandi namadaala gayo gene, ‘Yahova agaasizi kiguru kitakatifu cha Jerusalemi, havundu hatakatifu ahamenyaa.’

Jeremia 33:16

Avandu vi Ivuyuda na Jerusalemi valahonywa kandi valamenya mu mirembe. Lidaala linene yili lilangwa ‘Yahova Muhonyi Wiitu.’

Ezekieli 48:35

Uvutambi vwosi vwi lidigi lie lidaala zimbega ziosi zine ni zimita 9,000. Lieta lie Lidaala yili kutura kalunu lilalangwa, “Yahova Aveeye Hano!”

Danyeli 9:16

O, Yahova, kolondekana ni vikolwa vivio viu vulungi, tuliza vutima vwuvwo ku lidaala lia Jerusalemi, kiguru kitakatifu. Jerusalemi harara na vandu vovo vaduuki mulichaywa hagati hayavo vosi avamali ku kukumberiza.

Joeli 3:17

“Maku, munyi Isiraeli mulamanya ndi inzi mbeeye Yahova Nyasaye winyu. Menyaa mu Ziyoni, kiguru change Kitakatifu. Jerusalemi lilava lidaala Litakatifu; avageni sivalaliguuta kandi mba.

Joeli 3:21

Inzi ndatungiza kisaalia kigira yavo avamala kwitwa, kandi sindatulizaho mahiolo gaavo mba, kigira inzi Yahova menyaa mu Ziyoni.”

Mika 4:1

Mu madiku gaaza mukigulu chi Litembeli liumbakwa, kilakave kiguru kitambi ligali kuvita vigulu vindi viosi. Zihiiri zinyingi zilangunyana kuzia mu kiguru yiki,

Zefania 3:13

Avandu va Isiraeli avahononoka sialakakole vudamanu na vache mba, sivalakavoole vovehi anoho uvugadi mba. Valakanyore miandu kandi valakave ni likingwa. Sivalakave nu vuti vwosi kandi mba.”

Zekaria 1:16

Kunangwa inzi mali kwirana mu Jerusalemi no kovererera lidaala linene. Litembeli liange lilumbakwa vuhia. Lidaala linene lilumbakwa kandi.”

Zekaria 12:6

“Ing'inga yene yeyo ndakakole zihiiri zie Vuyuda kuva kuli inyingu eveeye ku lomemo liumuliru hagati hu mulitu, anoho kuli muliru hagati hu mulimi gwu vuswage vwumu; muliru gulakadivizi zihiiri ziosi ziavakumberiza. Avandu va Jerusalemi valakamenye mu mirembe mu lidaala linene.

Zekaria 14:10

Losoma lwosi kutura Geba kolovega lwi Ivaale wa Rimoni kolovega lwi Isavaalu vilakaleng'anywe. Jerusalemi ilakave igulu wi kivala cha kikumbeliza; lidaala liene yili lilakatuli mu kirivwa cha Benjamini kuduuka ha kirivwa chu mukoona, hi kirivwa kindi chaalange; kandi hu munara gwa Hananeli kuduuka ha vaminiraa iwaini yu vwami.

Zekaria 8:16

Yivi ni vindu viduukana mukore: Muvoore agaveeye giligali mundu nu wache. Muhaane likalaga liagiligali nokoleta mirembe.

Zekaria 8:19

“Lihonga kulia liu mweli gwa 4, mweli gwa 5, mweli gwa 7 kandi mweli gwa 10, ilakave ing'inga ya masavo gu vuyanzi harara nu vusangali ku vandu vi Ivuyuda. Gamuduukira muyanze kokora giligali kandi mirembe.”

Yohana 1:14

Likuva liagwa mundu, namenya hagati hiitu; niyizuuyi zimbavasi na agiligali. Nakunyi kumali kolola uvukumi uvwa yanyoora kuli vwu muyaayi muderwa wa Baba.

Yohana 14:23

Yeso yamutivulira, “Mundu nanyaanza, alagumira amigizu gange. Baba wange alamuyaanza, kandi Baba wange harara nainzi kulaaza kuye, na kulamenya naye.

2 Vakorintho 6:16

Litembeli lia Nyasaye liveeye ni livugilirizana ki ni vifananyi? Kunyi koveeye Litembeli lia Nyasaye oveeye mwoyo! Kuli Nyasaye mwene amali kovora, “Ndakalombe hango hange harara na vandu vange nokomenya hagati haavo ndakave Nyasaye wavo, navo valava avandu vange.”

Vakolosai 2:9

Muye, koveeye ni liiva lio vuduukiru vwosi vwu uvunyasaye, vomenyaa mu Kristo, mu muviri,

Likunula 21:10

Ndaali kandi mu Roho, na engelosi yang'inga nimbila mu kiguru kenene kandi kitaambi. Yamanyia Jerusalemi, Lidaala Litakatifu likaa kutura mwigulu ku Nyasaye.

Likunula 21:27

Kindu choosi kitaveeye kinifu kandi kitaveeye kesereze, anoho umundu okolaa ivindu vie voheyi kandi vovehi, sivalingira mu lidaala linene zana. Navuzwa yava avang'odwa mu kitabu chi livamwoyo chu Mwana wi Ligondi, nivo avalingira mu veng'ine.

Likunula 21:3

Ndaahulira umwoyo munene nigutura mundeve yu vwami vwa Nyasaye, ni govoora, “Kalunu ovomenyo vwa Nyasaye voveeye harara na avandu! Alamenya navo, navo valava avandu veve. Nyasaye mwene alava harara navo, kandi alava Nyasaye wavo.