Zekaria 8:12 - KITABU KITAKATIFU

¹² Valakatage vitagwa viavo mu mirembe, mizabibu jaavo jilakame makuyu, kivala kilakave ni vitagwa kandi imbura ilakakubi inyingi. Ndakahaane vugasu yivu ku vandu avikivala change valiva nivahononoki.

Zekaria 8:12 Iomraidhean Croise

Litanga 26:12

Isaka yamiiza vuguza mukivala yicho, kandi ku muhiga mulala mwere yigwo yagesa haali mia ku vwayaali niyamiiza, kigira Yahova yaali na mugasizi.

Litanga 27:28

Nyasaye ayaanze ahaane ku ivi imbura kutura mu ligulu, kokora mulimi gugwo kuva munolu! Ahaane liama linyingi liu vuswage kandi makuyu manyingi iwaini.

1 Avami 17:1

Muporofeti walangwa Elija, kutura Tishibe mu kivala cha Gileadi, yavolera mwami Ahabu, “Mu lietia lia Yahova, Nyasaye oveeye mwoyo wa Isiraeli, wa inzi ndumikiraa, ngovolera ndi sihalavaho ni lime anoho imbura ku mihiga giviri anoho jivaga kuduuka lwambolera.”

Zaburi 72:3

Leka kivala keve nu uvutugi, leka vigulu vileetere avandu uvulungi; utugulu twizuli uvulungi.

Zaburi 85:12

Yahova alahaana uvugasu ku kunyi, kandi kivala chiitu kilava niligesa linyingi.

Tsing'ano 19:12

Vutima vwu mwami voveeye kuli lifuuma lie isimba, navuzwa liyaanza lilie liveeye kuli liza lie imbura.

Isaya 30:23

Yahova alakubiza imbura ku vitagwa mu milimi jinyu, vilamera kandi vilava ni liama linyingi kandi mulava ni ligesa lilahi. Mitugu jinyu jilava nu vwayiru vunyingi.

Isaya 61:7

Zisoni zienyu ziduuki ku keheri. Munyi namumenye mukivala chiinyu aveene, kandi uvuhinda vwinyu vulamedeka; kandi mulava nu vusangali mihiga ni mihiga.

Jeremia 31:12

Valakaze kandi valakimbi nuvusangali ku kiguru cha Ziyoni kandi valayanzilira vihaanwa viange - vihaanwa viu vuzwage ni iwaini na maguta, vihaanwa via amagondi ni zing'ombe. Navave kuli mulimi gwa samwa vulahi; valanyora vuli kindu choosi cha venya.

Ezekieli 34:28

Zihiiri si zilavalanya kandi mba, anoho zinyama ziu muvulimu si zilavadiviza kandi mba. Valamenya mu mirembe, kandi mundu kali mulala sinavatiihizi mba.

Ezekieli 36:12

Ndamuleeta munyi, avandu vange Isiraeli, kwirana komenya mu kivala yiki kandi. Kilava chiinyu, kandi si ndaleka vana vinyu vakuzi kigira inzara mba.

Ezekieli 36:30

Ndakameeda liama lie misaala ja makuyu kandi ni milimi jinyu, kunangwa inzara silivaho ilimukola kuva nizisoni hagati hi zihiiri mba.

Ezekieli 36:9

Inzi mbeeye harara ni munyi, na kuduuka mulalima milimi jinyu kandi mulataga.

Hosea 13:3

Kulwayago, avandu yava valakama kuli malesi kandi kuli iliime likamaa mugambazuri. Valava kuli mukuzi gwi imbuza ihilaa kutura Koloze, kandi valava kuli umwochi guvitiraa mu muluhu.

Hosea 14:5

Inzi ndava ku avandu va Isiraeli kuli imbura mu kivala chumu. Valalaviza vimuli kuli amaua; valahila miri kuli misaala ja Lebanoni.

Joeli 2:19

Yavativulira: “Kalunu ndamuha vuswage, iwaini na maguta ga muzeituni, na muliigutizwa ligali. Zihiiri zindi siziramulegeriza kandi mba.

Joeli 2:22

Zinyama, mutatia mba. Uvwayiru vusivuki; misaala jamaa makuyu gajo, mikuyu na mizabibu jiveeye ho muvunyingi.

Kyavalevi 26:3

“Niiva mulamenya kolondekana na malago gange kandi muhuliri gamulagaa,

Zefania 3:13

Avandu va Isiraeli avahononoka sialakakole vudamanu na vache mba, sivalakavoole vovehi anoho uvugadi mba. Valakanyore miandu kandi valakave ni likingwa. Sivalakave nu vuti vwosi kandi mba.”

Haggai 1:10

Yiki nicho kigira imbura nivula kukuba, kandi kindu si kinyala komera mba.

Haggai 2:18

Kalunu ni lidiku lia 24 liu mweli gwa tisa, lidiku liu muse gwi Litembeli gumaliriki. Heenzi kizizaa kwekoleka ku munyi kutura kalunu.

Haggai 2:19

Kali niiva si koveeye nu vuswage vutigaye, kandi amakuyu, mizabibu, mukomanga, kandi misaala ja muzeituni gitatulizaa makuyu, navuzwa kutura kalunu kuzizagilira, ndamugasiza.”

Zekaria 8:6

“Gaamanya galoleke gokogenyia ku vandu vahononoka mu madiku yaga, si galava gokogenyia ku inzi mba.

Malaki 3:11

Sindalekazingeza ziononye vitagwa vienyu mba, kandi ji mizabibu jinyu jilama makuyu manyingi.

Matayo 6:33

Kunangwa mwenye kutanga uvwami vwa Nyasaye, nu vulungi vwivwe; na ivindu yivi viosi muladasirwa.

1 Vakorintho 3:21

Kunangwa, mundu woosi atiyizominya ku cha vandu vanyara kokora mba. Vindu viosi viveeye vienyu.

Kwidzulitsa 32:2

Amigizu gange galakuba kuli zingelegeliza ziembula kandi limoloma liange litonyatonye ku lirova kuli lime, Makuva gange galaaza kuli lunyilira ku vitagwa vidoto, kuli ulunyilira ku uvunyasi vodotodoto.

Kwidzulitsa 33:13

Yavoola ku ihiiri ya Josefu: “Yahova agaasizi kivala chavo niimbura Kandi na mazi gaturaa isi wi lirova.

Kwidzulitsa 33:28

Kunangwa visukululwi via Yakobo viamenya mu mirembe vilava nu vweremerizi mu kivala ichizula uvuswage ni iwaini, lime kutura muvwerefu liletaa amazi ku lirova!

Yakobo 3:18

Ligesa lia amakuyu gu vulungi limizwa mu mirembe na yavo avayaanzaa koleta mirembe.