Zekaria 7:12 - KITABU KITAKATIFU

¹² kandi vaakora mioyo jaavo kuva midinyu kuli lwanda. Ndaali nu vutima ligali kigira sivali vanyara kuhulira miigizu gandatuma kuvitira mu vaporofeti vaali ho kale mba.

Zekaria 7:12 Iomraidhean Croise

2 Kyetsinyinga 36:13

Zedekia yibaala ku mwami Nebukadineza, uwaali naamunigi yisuhi mu lieta lia Nyasaye ndi alava musuuvirifu kuye. Kigira kirage chiche ya suraa kwiganira kandi kwirana ku Yahova Nyasaye wa Isiraeli.

2 Kyetsinyinga 36:16

Navuzwa vakolera vaporofeti va Nyasaye, kehenyahenye nivahuhiza makuva geege kandi nivavasekeliza, Kuduuka lwu vutima vwa Yahova vwavuukira avandu veve na sihali ho nichokohonyia mba.

Ayubu 9:4

Nyasaye aveeye mugeri kandi aveeye wi zinguru. Nivwaha unyala kuhing'ana na Nyasaye ma aguuti?

Zaburi 50:17

Munyi mwavura kuhulira amigizu gange, kandi mwasuura amalago gange.

Kutwula 7:13

Mwami yadinyia mwoyo gwigwe kandi, navula kuhulira Musa na Haruni kuli Yahova yavoola.

Isaya 46:12

“Mbulirizi munyi avandu vaveeye avahindagirizi, kandi avaveeye ihale kutura ku vohonyi.

Isaya 48:4

Inzi ndaamanya ndi munyi mulaloreka kuva avahindagirizi, kandi avi mitwi midinyu kuli kivia kandi mugasa.

Isaya 6:10

Maku yambolera, “Lomba zing'anagani zia vandu yava kuluha, hanyia amatu gaavo, kandi vakuliza zimoni ziavo, kunangwa vavuli kolola, anoho kuhulira kinga kumanyiriza. Niiva vakakoli ndio, vakagirungani kuuza ku inzi ma vahonywe.”

Isaya 65:12

Munyi vosi muliitwa ni kivavi, mulinama na mulasinzwa, kigira, lwa ndamulanga si mwahaana amativuli mba, kandi lwa ndamoloma ku munyi, simwahulira mba, navuzwa mwakora agaveeye amadamanu imbiri wange, kandi mwatovora agandavula kuyaanzizwa nago.

Jeremia 17:1

Yahova avoora, “Avandu vi Ivuyuda, uvwoni vwinyu vwang'odwa ni kalamu yikivia; vwang'orwa ku mioyo jinyu nesonga yiligina lia limasi kandi vwang'odwa mu zikona ziu vwali vwinyu.

Jeremia 17:23

Avaguuga vaavo siyahulira anoho si vaatia lilago liange mba, navuzwa vaali avadinyu; sivenyaa kutia anoho kwiga kutura ku inzi mba.

Jeremia 26:19

Mwami Hezekia navandu vi Ivuyuda siviita Mika mba. Navuzwa, Hezekia yaaha Yahova luyali kandi nageriza koyeeka kuliyaanzilira lilie. Maku Yahova yagirung'anyia zing'anagani zizie kigira kivi chayaali navooye alaleeta kuvo. Kalunu koveeye ahimbi koleta kivi chilitiihiza kukunyi aveene.”

Jeremia 42:21

Na kalunu mali kovoolera munyi, navuzwa si muhulira amakuva goosi aga Yahova Nyasaye wiitu yaandumi kumuvolera mba.

Jeremia 5:3

Gaveeye agiligali ndi Yahova ahenzaa vusuuvirifu. Yamuha amageri, navuzwa si mwenya kuhulira mba; yaamuduvulanyia, navuzwa mwasuura kwiga. Mwaali nikilage kuli ligina kandi mwasura kwiganira uvwoni vwinyu.

Jeremia 7:20

Kulwayago, inzi Mwami Munene Yahova, ndaviika vutima vwange vululu ku Litembeli yili. Ndaviika kandi ku avandu harara ni zinyama, kali ni misaala harara ni vitagwa viu mumilimi. Vutima vwange vulava kuli muliru gutanyala kusiminywa nu mundu.

Ezekieli 11:19

Inzi ndakavahe mwoyo muhia kandi zing'anagani zimbia. Ndakatulizi muvo mwoyo gwiligina kandi ndakavahe mwoyo gwukutia.

Ezekieli 14:5

Vifananyi yivi viosi vimali kugirung'anyia vandu va Isiraeli kuzia ihale kutura ku inzi, navuzwa kuvitira mumativuli gange mbe nilisuvira ndi valirana ku inzi.

Ezekieli 2:4

Vaveeye avahindagirizi kandi sivambezaa luyali mba. Kunangwa ngutumaa uvavoolere aga inzi, Yahova Wuvunyali mboraa kuvo.

Ezekieli 36:26

Ndamuha umwoyo muhia, kandi ndaviika Roho muhia mu munyi. Ndatuliza mu munyi umwoyo mudinyu gwi ligina na ndaviika mu munyi umwoyo gwi liegehiza.

Zekaria 1:2

Yahova Wovunyali yavolera Zakaria avolere avandu ndi, “Inzi Yahova, ndaali nu vutima vunyingi ligali na vaguuga vinyu,

Zekaria 7:7

Yahova yavoola yaga kuvitira mu vaporofeti vaali ho kale ing'inga lwa Jerusalemi yaali nu vutugi na vandu vanyingi, kandi lwa vandu vavura komenya mu madaala gakumberiza lidaala linene kandi mulosoma lwi Isavaalu, kandi hi vigulu vie madioli vitangira.

Matayo 13:15

kigira mioyo ja vandu yava jigwiyi midamanu kandi amatu gaavo galiduhi ku lihulira kandi vamwolizi zimoni ziavo. Gase vakaloli ni zimoni ziavo kandi vakahuliyi na matu gaavo. Nu kumanya zing'anagani ziu mu mioyo jaavo n nu kwiganira vaaluhi viirane ku inzi, na inzi mbahonyie.’

Marko 4:12

Kunangwa, ‘Lihenza valahenza ligali, navuzwa si valalola mba lihulira valahulira ligali, navuzwa si valamanya mba. Kigira niiva vakakoli ndio, vaali vakagirungani ukwilanira Nyasaye, kandi naye yakavasamiihi uvwoni vwavo.’ ”

Luka 8:12

Uvuguza vwagwa kunzira ni yavo avandu avamali kuhulira, navuzwa Setani yaazaa kandi atulizaa likuva zana mu mioyo jaavo, kunangwa avakole vavuli kusuuvira kandi vavuli kohonywa.

Vikolwa 28:27

Mioyo ja avandu yava jigwiyi midinyu, amatu gaavo gahaani, vamwolizi zimoni ziavo. Galavula ndio, ngano valora ni zimoni ziavo, kandi ngano vahulira na amatu gaavo. Ngano vamanya ni mioyo jaavo nu kwiganira, Mwami avoora, na inze ndavahonyia.’ ”

2 Petro 1:21

Voporofeti si vwaza ku vulaliri vwu mundu, navuzwa avandu vanyoola Roho Mutakatifu lwa vamoloma amakuva gaturaa ku Nyasaye.