Zekaria 7:10 - KITABU KITAKATIFU

¹⁰ Mutadambizi vakunzakali, vavisandu, vageni vamenyi hagati hinyu, anoho ku woosi oveeye ni lienya vokonyi mba. Mutalohizi zinzira ziokwenya kusaliriza vache mba.’

Zekaria 7:10 Iomraidhean Croise

Zaburi 140:2

Vaganagana kongolera uvudamanu mu vwivisu kazozo. Vagemehiza uvulwani kazozo.

Zaburi 21:11

Valomba lilohiza liavo, nukumuganaganira uvudamanu. Navuzwa sivalaguuta mba.

Zaburi 36:4

Alombaa lilohiza liu uvudamanu lwa agonaa ku kidali chichie; ichakolaa choosi sikeveeye kilahi mba, navuzwa akolaa uvudamanu vuli kazozo.

Zaburi 72:4

Leka mwami akalagiri avadaka vulahi; leka akonye avilienya kandi aguuti avadambizi vaavo.

Kutwula 23:9

“Mutadambizi mugeni mba; munyi mumanya vulahi kuli liiva liu kuva mugeni liveeye, kigira munyi mwaali avageni mu kivala cha Egebeti.

Tsing'ano 3:29

Utalohiza kindu choosi kinyala kusaliriza mutende woovo omenyi himbi nivi kandi wakusuuvira mba.

Tsing'ano 6:18

kuganagana kolohizi uvuchamu, kunyagula kokora uvudamanu;

Isaya 1:23

Aviimiliri vovo vaveeye aviibaali kandi avalina va aviivi; vuli kazozo vavugilira kuvugura vihaanwa kandi viambeti. Sivakingaa avavisandu mu viyaalo mba anoho lwa avakunzakali vahaana livaala lie kiyaalo chavo mba.

Jeremia 18:18

Maku avandu vavoola, “Hambi, gendi kolohizi mu vwivisu kwingilira Jeremia; kigira liegiza lielilaga navasaalisi, anoho konyoora amigizu kutura ku vageri, anoho makuva kutura ku vaporofeti sigalagota mba. Kunangwa hambi, kumwingiliri namang'ana giitu malulu kandi kuvuli kuhuliriza ku kindu choosi cha avoora.”

Jeremia 21:12

O, Ivisukulurwi via Daudi, yaga nigo aga Yahova avoora: Mukore vulungi vuli lidiku ohonyie oyo umali kunuurwa kutura mu zinguru ziavadambizi, gase vutima vwange vulaloleka kandi vulaaka kuli muliru kigira uvudamanu vwamumali kokora. Namusambwe nasialavaho na mulala ulisiminya mba.

Jeremia 49:11

Muleke avavisandu vinyu, inzi ndavalinda kandi muleke avakunzakali vinyu veleede kuinzi.

Jeremia 5:28

kandi kigira vaveeye avakomeru ligali kandi avanifu. Si vaveeye nekeheri ku vikolwa viavo vidamanu mba. Sivahaana ku avavisandu agadukanaa navo mba, anoho si vamanyia likalaga lirungi ku avadambi mba.

Jeremia 7:6

Niiva mulaleka kudambiza avageni, avavisandu kandi avakunzakali, anoho kwita avandu vatali nimbala mukivala yiki, kandi nimuleka kusigamira avanyasaye vandi ku lisalira lienyu aveene,

Ezekieli 18:12

kudambiza vadaka, kwiva, kuvula kutunga magovi, nu kuzia kusigamira misambwa kandi vifananyi viu kuvihiliriza

Ezekieli 22:12

Valala ku munyi vahevwa mitungu vaduuki kwita. Valala vatungiza vukala vunyingi kuliegobiza liavakola ku vandu va Isiraeli nokonyoora vutugi kigira litungiza linyingi kuvo. Vamali kunzivilira.” Yahova Wuvunyali umali kovora.

Ezekieli 22:29

Avandu vi kivala yiki vamali kudambiza nu kunuura. Vamali kudambiza avadaka na vageni, kandi si vavakolera likalaga liveeye lirungi mba.

Ezekieli 22:7

Baba na mama si vahevwa luyali mba. Avageni vadambizwa kandi avavisandu na vakunzakali vakolerwa vudamanu.

Amosi 4:1

Muhuliri likuva yili, munyi vakali va Samaria, avaveeye vakomelu kuli zing'ombe zia Bashani; avanyangizaa avadedekere nu kudambiza avadaka, avavoolera avasaza vaavo, “Muleete malwa kunwi kuhambiki!”

Zekaria 8:17

Mutaganagana kokora vudamanu ku mundu mulala nu wache mba, kandi mutayanzilira kwisuuha nu vugadi mba. Kigira vindu yivi viosi ndaavisula.”

Malaki 3:5

Yahova Wuvunyali avoora, “Ndakaaze hagati hinyu vwangu kukalagira yavo vakora vukumu, avaheyi, kandi avagaadi, kandi yavo vagada vayinziri vaavo ku mitungu jaavo, kandi yavo avatavelereraa vakunzakali, vavisandu na vageni kandi yavo vosi vatahaana luyali ku inzi.

Matayo 23:13

“O, vayaye, kilaamo keveeye ku munyi, avigizi vi Lilaga kandi Avafarisayo! Avagaadi munyi! Kigira muhanaa ikiliango chingira mu Vwami vwu mwigulu mu zimoni zia avandu, navuzwa munyi aveene si mwingira mu mba, anoho si muhaanaa uvwiyangu ku yavo avagerizaa kwingira mu mba!

1 Vakorintho 6:10

anoho avanuuri, anoho avahuvali, anoho avahambiki, anoho yavehi, anoho aviivi; yava vosi sivalinyoola Uvwami vwa Nyasaye mba.

Kwidzulitsa 27:19

“ ‘Alaamwe oyo uchaminyaa likalagirwa liu mugeni, muvisandu numukunzakali.’ “Avandu vosi valavoora, ‘Amini!’

Yakobo 5:4

Mukikiri kutunga imituungu josi ja avandu avayinziraa mu milimi jinyu. Huliri ku lielilira liavo kigira munyi! Lilira liayavo avagesaa mumilimi jinyu, Nyasaye Wuvunyali kuhulira.

1 Yohana 3:15

Mundu woosi udunyiraa amwavo weve aveeye umurumindi, kandi munyi mumanyi vulahi ndi umurumindi kali mulala siaveeye ni livamwoyo litahera mba.