Zekaria 6:6 - KITABU KITAKATIFU

⁶ Zibarasi zimwamu ziang'usaa ligare ziaziza Ivaale wa Babiloni, zibarasi zindavu ziaziza Imadioli kandi zibarasi zio vodondonye ziaziza mukivala chi Isavaalu.

Zekaria 6:6 Iomraidhean Croise

Isaya 30:6

Yili ni Likuva lia Nyasaye ku zinyama zimenyi mu changarangwi chi Isavaalu kilangwa Negebu, “Avatumwa vagenda kuvitira mu vivara viveeye nu vuhimwa, wi Zisimba zimenyaa kandi wi Vihirigoma kandi Zinzoka ziburukaa ziuvusungu zimenyaa. Avatumwa yava vagingira uvutugi vwavo ku zibunda kandi zing'amia kuhilira ihiiri itaveeye novokonyi kuvo.

Isaya 43:6

Ndavolera vandu va Ivaale, vatuli vazie! Kandi ndavolera Isavaalu, vataviigalira mba! Leki avandu vange viirane kutura muvivala vie ihale, kandi kutura mu vuli keheri chi lirova.

Jeremia 25:9

‘Ndatuma na avandu vosi kutura Ivaale harara nu mutumikiri wange, mwami Nebukadineza wa Babiloni. Valaza kulwaana avandu vi Ivuyuda, harara ni zihiiri ziosi ziveeye ahimbi. Ndadiviza ihiiri yiyi harara ni zihiiri zindi zimenyi ahimbi nayo, na zilatigala hazwa, kilava kindu chokogenyia kandi chukutiihiza ligali mihiga ni mihiga. Inzi Yahova mali kovora.

Jeremia 4:6

Muvuki muzie Ziyoni! Mwiruki muhonywe! Mutalindagira mba! Yahova aletaa kivi kandi ilidivizwa linene kutura Ivaale.

Jeremia 46:10

Yili nilidiku liu Mwami munene Yahova Wuvunyali: kalunu alavaanza kisaalia; kalunu alahaana amageri ku avasigu veve. Kivavi chiche kilavalia kuduuka lwa chizula, kandi kilanwa masahi gaavo kuduuka lwa chiguta. Kalunu Wuvunyali alahaana kisiuviriru mu kivala chi Ivaale ku mugera gwa Efurate.

Jeremia 51:48

Vindu viosi viveeye muligulu kandi mu lirova, viliimba nuvusangali lwa Babiloni igumilwa nu kudivizwa na vandu, kutura Ivaale!

Jeremia 6:1

Avandu va Benjamini, mwiruki munyore lihonywa! Muhononoke kutura ku avandu va Jerusalemi! Mukubi kisiriva mu Tekoa kandi mwumbake kimanyiru chu muliru mu Bezi Hakeremi. Kivi ni liononyia viveeye ahimbi kuuza kutura Ivaale.

Ezekieli 1:4

Ndahenza igulu na ndaalora kihuzuzi nikihuuzaa kutura Ivaale. Uvwaku vwahemahema kutura mu malesi, kandi kisundi chakumbiriza iligulu. Mu lihemahema liu vwaku yivwo, kindu chaloreka kuli uvwakanyu vwu mugasa.

Danyeli 11:40

“Lwi ing'inga yu mwami wa Siria yu kumalirika iliva ahimbi kuduuka, mwami wa Egebeti alakamwingiliri, na mwami wa Siria alakamulwaane ni zinguru zizie ziosi. Alakatumikiri magare gu vulwani, zibarasi, kandi zimeri zinyingi Alakingiliri vivala vinyingi kuli amazi gi migelera.

Danyeli 11:9

mwami wa Siria alakingiliri Egebeti, navuzwa alakanigwi kwirana inyima mu kivala chiche.

Likunula 6:5

Maku Mwana wi Ligondi yaavoholora umuhuri gwa kavaga, kandi ndaahulira kelombe keveeye mwoyo cha kavaga nikevoola, “Hamba!” Ndaalora ibarasi imwamu. Umuhiri wayo yaali ni kibimiru mu mukono gwigwe.