Zekaria 4:6 - KITABU KITAKATIFU

⁶ Maku engelosi yambolera kuhaana makuva yaga ku Zerubabeli kutura ku Yahova: “Ulanyaliza, na si gaveeye kigira vunyali vuvwo anoho kigira zinguru zizio mba, navuzwa gaveeye kigira Roho wange Yahova wamahi avoora.

Zekaria 4:6 Iomraidhean Croise

Litanga 41:16

Josefu yativulira Mwami, “Mwami wu luyali, inzi si nyara mba, navuzwa Nyasaye alahaana livaala lilahi ku ivi.”

1 Avami 19:12

Inyima wi lidegera lie lirova, haali ho nu muliru; navuzwa Yahova siyaali mu muliru mba. Kandi inyima wu muliru, haali ho nu mwoyo gwa monya galaha.

2 Kyetsinyinga 14:11

Mwami Asa yanira Yahova Nyasaye weve na saala navoora, “O, Yahova, siaveeye ho nu mundu wundi unyala kokonya kunyi nataveeye ivi mba, hagati ha uyu oveeye ni zinguru kandi hagati ha uyu utaveeye ni zinguru. Okokonye O, Yahova Nyasaye wiitu, kigira ni ivi wakwiidiraa ku, na mu lieta liilio kulalwana na kulaguuta muganda gwa vasigu yava. O, Yahova, niivi Nyasaye wiitu, mundu atakuguuta mba!”

Ezara 2:2

Aviimiliri vaavo vaali harara na: Zerubabeli, Joshua, Nehemia, Seraya, Reelaya, Modekai, Bilishani, Misipa, Bigivai, Rehumu na Baana. Livaliza lia vasaza mu vandu va Isiraeli liali kuli ndi:

Ezara 3:10

Lwa avandu vatanga kuviika muse gwi Litembeli, avasaalisi niviviiki zinguvu ziavo vaali muvogono vwavo nikisiriva mumakono gaavo. Avandu vinyumba ya Levi avihiiri ya Asafu vasingira ho nivikuli. Vizominya Yahova kolondekana amalago gavaahevwa kutura ing'inga yu Mwami Daudi wa Isiraeli.

Ezara 5:2

Lwa Zerubabeli mwana wa Shealitieli na Joshua mwana wa Jehozadaki vahulira makuva ga vaporofeti yava, vatanga kwumbaka uvuhia Litembeli mu Jerusalemi. Avaporofeti vaviri yava vakonyana navo.

Zaburi 33:16

Mwami sianyala kuguuta mu vulwani kigira iliihi lilie lie zinguru mba, musikari sianyala kuguuta avasigu veve kigira zinguru zizie mba.

Kohelethu 9:11

Ndaamanyiriza kindu kindi ndi, mu kivala yiki, avandu vanyagura vwangu, sivaveeye vosi avagutaa mu zimbiru mba, kandi avandu vaveeye valuviriri sivagutaa mu vulwani ing'inga yoosi mba. Avandu vageri sivanyoolaa chukulia mba kandi avandu vilimanya sivanyoola vutugi kazozo mba. Avandu vinyaliza sivanenehizwa vuli ing'inga kuva igulu wa vandi mba. Inga indamanu yiza ku vuli mundu.

Isaya 30:1

Yahova umali kovora, “Kivi keveeye ku yavo avamiiha Ivuyuda kigira vamali kwibaala ku inzi. Valonda liloohiza lia inzi mburi kolomba, kandi valomba livugilizana liavo vugira inzi, nivameeda uvwoni ku vundi.

Isaya 32:15

Navuzwa ing'inga yindi kandi Nyasaye alakuhanira Roho viamo. Kivala chi changarangwi kilava mulimi mugunamu gwi viavo.

Isaya 34:16

Mwenyelerizi mu kitabu cha Yahova ma musome icha kevoolaa. Virombe viosi viang'odwa mu kitabu yiki, kikali ni kisaza. Yahova umali kulaga yaga gave ndio; oyo mwene alavungiza virombe viosi harara.

Isaya 59:19

Sa mulala alatia lieta lia Yahova nizinguru zizie kutura Ivugwi kuduuka Imadioli, kandi alamanya uvukumi vwivwe kutura ing'inga yiliuva litongaa. Alaza kuli mugera gutulikaa nizinguru zinene ligali; ugwa imbuza kandi kuli ihuuzaa.

Danyeli 2:34

Lwa waali nohenza kifananyi yiki, ligina linene liadika kutura ku lwanda vugira mundu kulidiira; liaduya vilenge vie kivia kandi zinduvatiru zie kifananyi yiki, kandi liavisionoranyia ligali.

Hosea 1:7

Navuzwa ndava nuvuyanzi ku avandu vi Ivuyuda. Inzi Yahova, Nyasaye wavo, ndavahonyia, navuzwa si ndavahonyia nu vuta, anoho ni kivavi, anoho nu vulwani anoho ni zibarasi kinga navasaza vi zibarasi mba.”

Haggai 1:1

Mulidiku liu kutanga liu mweli gwa sitamu muhiga gwa kaviri gwi liamiiha liu mwami Dariasi wa Pasia, Yahova yamoloma kuvitira ku muporofeti Hagai, ku Zerubabeli mwana wa Shealitieli, mwamihi wivuyuda, kandi ku Joshua mwana wa Jehozadaki, musaalisi munene.

Haggai 2:21

avolere Zerubabeli, mwami wi Ivuyuda: “Mbeeye himbi kodegeriza ligulu ni lirova

Zekaria 6:12

Mumuvolere ndi Yahova Wuvunyali avoora, ‘Mundu ulangwa Ulusia alavilukila havundu ha aveeye, kandi alumbaka vuhia Litembeli lia Yahova.

Livalidza 27:16

“Yahova Nyasaye, ivi oveeye vutangiliru vwe livamwoyo liosi, ngusaala otovole mundu unyala kwimilira vandu

Vafeso 6:17

Mwiviki igudwa yo vohonyi, kandi muvuguli kivavi cha Roho Mutakatifu, nacho ke veeye likuva lia Nyasaye.

1 Petro 1:12

Nyasaye yavulira avaporofeti yava ndi, miyinzi jaavo sijali kigira madanyi gaavo aveene mba, navuzwa kigira munyi, kandi kuli mwahulira vatumwa avamwilwazira Makuva Malahi mu zinguru zia Roho Mutakatifu uwatumwa kutura mwigulu. Ivindu yivi nivio vie zingelosi venyeleriza nu vuha kuvimanya.

1 Samweli 14:6

Jonazani yavolera musoleri zana, “Genda kwambuki kuzie mu hokososa ha vandu va Filisitia vasindi yavo. Hawundi Yahova alakokoonya; niiva akola ndio, sikeveeye ho kindu kimwigalira avuli kuha kunyi liguuta, kali nikoveeye vakekeeke kuli ndi!”

1 Samweli 17:47

Kandi avandu vosi avavungi hano valalola ndi Yahova siyeenyaa ivivavi na matimu, okohonyia avandu veve mba. Aveeye muguuti mu vulwani kazozo, na alaviika munyi mwosi mu zinguru zietu.”