Zekaria 4:14 - KITABU KITAKATIFU

¹⁴ Maku yavoola, “Yava na vasaza 2 va Nyasaye amali kotovola nu kuvavaka maguta vaduuki kutumikira Yahova wi kivala choosi.”

Zekaria 4:14 Iomraidhean Croise

1 Avami 17:1

Muporofeti walangwa Elija, kutura Tishibe mu kivala cha Gileadi, yavolera mwami Ahabu, “Mu lietia lia Yahova, Nyasaye oveeye mwoyo wa Isiraeli, wa inzi ndumikiraa, ngovolera ndi sihalavaho ni lime anoho imbura ku mihiga giviri anoho jivaga kuduuka lwambolera.”

Ezara 5:2

Lwa Zerubabeli mwana wa Shealitieli na Joshua mwana wa Jehozadaki vahulira makuva ga vaporofeti yava, vatanga kwumbaka uvuhia Litembeli mu Jerusalemi. Avaporofeti vaviri yava vakonyana navo.

Zaburi 110:4

Yahova yalomba lisuuvirizwa na sialagirung'anyia zing'anagani zizie mba, “Ivi ulava musaalisi mihiga ni mihiga kolondekana ku ovolohizi vwu vusaalisi vwa Melikizedeki.”

Zaburi 2:6

Yahova avoora, “Mali kwamiihiza mwami wandatovola, ku Ziyoni, kiguru change kitakatifu.”

Zaburi 89:20

Inzi mali kokora mutumikiri wange Daudi kuva mwami, mali kumuvaka amaguta matakatifu.

Kutwula 29:7

Maku uvuguli amaguta gu kuvaka, uzuki ku mutwi gwigwe, ma umuvake.

Kutwula 40:15

Maku uvavake amaguta kuli wavaka baba wavo, kunangwa vaduuki kundumikira kuli avasaalisi. Livaka maguta yili lilavakola vave avasaalisi mihiga ni mihiga, muvisukululwi viavo viosi.”

Isaya 5:1

Huliriza lwa ngwimbira lwimbu yilu. Lwimbu lwu mulina wange harara nu mulimi gwi kizabibu chiche: Mulina wange yaali nu mulimi gwi kizabibu ku kiguru cha malova magunamu.

Isaya 54:5

Umulombi woovo alava kuli musaza woovo. Lieta lilie ni Yahova Wuvunyali. Yahova Mutakatifu wa Isiraeli alakohonyia aveeye Nyasaye wi lirova liosi.

Jeremia 49:19

Kuli isimba itulaanga mu mulitu munene ahimbi ku mugera gwa Jorodani nukuzia mukivala chuvwayiru vuvisi, nonoho inzi ndaaza nzize nokokola avandu va Edomu kunyagula kuzia ihale kutura mukivala chavo. Maku mwimiliri wa nditovoola alakamiihi ihiiri. Nivwaha unyala kufwananywa na inzi? Nivwaha wakaagelani na inzi? Ni mwami ki wakahing'ani ni inzi?

Kyavalevi 8:12

Yavaka Haruni amaguta ku mutwi gwigwe malala ku maguta gu kuvaka, namugasiza kandi namutakasa kigira miyinzi ja Yahova.

Mika 4:13

Yahova avoora, “Avandu vi lidaala linene lia Jerusalemi, muzie ma muhaane amageri ku vasigu vinyu! Ndamukora muve ni zinguru kuli igiriki eveeye ni zinziga zie kivia ne zimbagayu zie migasa. Mulashonoranyia zihiiri zinyingi, na mulaleetera inzi Yahova wi lirova liosi uvutugi vwa vanyoola mulitumikira zinguru.”

Zekaria 6:13

Niye ulakaliumbake kandi alakanyoole luyali luduukanaa mwami; kandi alakamiihi avandu veve. Musaalisi alakave kondeve yu vwami vwivwe, kandi valakakole miyinzi harara naye mu mirembe kandi mu lihambana.’

Zekaria 6:5

Yandivulira, “Yizi nizimbuuza zine zimali kuuza kutura imbiri wa Yahova wikivala choosi.”

Luka 1:19

Engelosi yamutivulira, “Inzi mbeeye Gabirieli usingiraa imbiri wa Nyasaye; na ndumiywi komoloma na ivi, kandi ngoletere makuva malahi yaga.

Kwidzulitsa 10:8

Yahova yatovola avasaza vi ihiiri ya Levi, valindi Lisandugu lia malago ga Yahova, vamutumikiri kuli avasaalisi kandi kugasiza avandu mu lieta lilie. Yiji ni miyinzi jaavo kali kuduuka kalunu.

Joshua 3:11

lwi Lisandugu lia malago ga Yahova wi lirova liosi liambuka mugera gwa Jorodani imbiri winyu

Joshua 3:13

Lwa Avasaalisi vaginga Lisandugu lia malago lia Yahova wi lirova liosi vaseena virenge viavo mu mazi, mugera gwa Jorodani gulasingira kogenda; na amazi gaturaa iluhia galavuunga kitumi lovega lulala.”

Likunula 11:4

Yava vaveeye imisaala giviri ja mizeituni, kandi vinara viviri vie zitaya, visingira imbiri wu Mwami wi lirova.

1 Samweli 10:1

Ahene yaho Samweli yavugula ijuba ya maguta ga muzeituni naazuka ku mutwi gwa Saolo kandi naamuvusa, kandi navoora, “Yahova akuvakaa maguta kuli mwamihi wa vandu veve Isiraeli. Ulamiha vandu veve na uvakingi kutura ku vasigu vaavo. Na yiki kilava kimanyiru ku ivi ndi Yahova umali kokotovolo kuva mwami wa vandu veve.

1 Samweli 16:1

Yahova yavolera Samweli, “Ulasiomera Saolo kuduuka ng'inga ki? Inzi mali kumusuura kuli mwami wa Isiraeli. Navuzwa kalunu vugula maguta ga Muzeituni na uzie Bezelehemu, ho mundu ulangwa Jese, kigira mali kotovola mulala ku vayaayi veve kuva mwami.”