Zekaria 3:8 - KITABU KITAKATIFU

⁸ Joshua huliriza, ivi oveeye musaalisi munene, kandi hulirizi munyi avasaalisi vache, avaveeye kimanyiru kilahi cha madiku gaaza. Ndakamuvuuliri mutumikiri wange wagulikwa ulusia!

Zekaria 3:8 Iomraidhean Croise

Zaburi 71:7

Livamwoyo liange iveeye kelolero ku avanyingi; kigira ivi oveeye mukingi wange wizingulu.

Isaya 11:1

Avinyumba yu vwami vwa Daudi vaveeye kuli umusaala gumali kotemagwa; navuzwa kuli visivu visivukaa kutura ku kitinya, nindio mwami muhia alasingira kutura hagati hi visukululwi via Daudi.

Isaya 20:3

Lwi lidaala linene lia Ashidodi liagumirwa, Yahova yavoola, “Mutumikiri wange Isaya yageendi ni chahonyo kandi ni virenge viere ku mihiga jivaga. Yiki ni kelolero ku agalikoleka ku vandu va Egebeti kandi Ezopia.

Isaya 4:2

Ing'inga yiza lwa Yahova alakakole vuli kitagwa kandi umusaala mu kivala kuviruka ligali nukuva umulahi. Avandu vosi va Isiraeli, avatigara, valalia nu kusangalira amakuyu malahi gi lirova.

Isaya 42:1

Yahova avoora, “Uyu nu mutumikiri wange, wa inzi mali kuha zinguru, kandi wamali kotovola wu mwoyo gwange gusangaliraa. Mali kumukola mugulu, kandi mali kuviika muye Roho gwange; alareta likalaga lirungi mu zihiiri ziosi.

Isaya 49:3

Yambolera, “Isiraeli Ivi oveeye mutumikiri wange, avandu valanzizominya kigira munyi.”

Isaya 49:5

Inzi ningikiri kwivulwa, Yahova yandovola, yangola kuva mutumikiri weve, kwilanyia kuye avandu veve Isiraeli harara navaari ni vasalanywa. Kunangwa Yahova ahaanaa uluyali ku inzi, kandi aveeye zinguru ziange.

Isaya 52:13

Yahova avoora, “Mutumikiri wange alaguuta mu miyinzi jije midinyu. Alahevwa luyali lonene; kandi alanenehizwa ligali.

Isaya 53:11

Inyima wi limenya liu vusaliri alirana kuva nuvusangali; alamanya ndi siyasaaliraa vugira kivuni mba. Mutumikiri wange mulungi uwa inzi nyanzizangwa naye, alagiinga amageri ga vanyingi, na kigira ye ndasamiiha uvwoni vwavo.

Isaya 53:2

Vwali uvulariri vwa Yahova ndi umutumikiri weve aduuki kuviruka kuli kitagwa kedoto ikihilaa imiri hasi mu kivala chumu. Siyaali nuvukumi anoho ligondo lilahi, okokora kunyi kumukayirwi mba. Sichali ho ni kindu kuye chukuyaanziza, sichali ho ni kindu ichakakungusi kunyi kuye mba.

Isaya 8:18

Inzi harara na vana vange koveeye kuli kelolero chi lieganihiza kutura ku Yahova Wuvunyali omenya ku kiguru cha Ziyoni. Yakutuma kuli makuva gaveeye mwoyo ku vandu va Isiraeli.

Jeremia 23:5

Yahova avoora, “Ku ing'inga yiza lwa nandovole mwami mulungi mu kisukururwi cha Daudi. Mwami mwene oyo nayamiihi novogeri kandi yaza akole agaveeye malahi kandi malungi mukivala choosi.

Jeremia 33:15

Ing'inga yene yeyo ndakatovole kisukururwi kilungu cha Daudi kuva umwami. Mwami oyo alakakole agaveeye amalungi kandi likalaga lirungi mukivala choosi.

Ezekieli 12:11

Uvavoolere ndi, aga umali kokora nikelolero ku agaza gekoleke kuvo. Navazie mulihaminywa kuli avatugwa.

Ezekieli 12:6

Leka vakolole nuviika misigo jijo kumavega kandi nuzizaa ichova mu kisundi na mumoni mumwo nimukunikiywi, kunangwa uvuli kolola wa uzizaa. Aga okolaa galakave lieganihiza ku vandu va Isiraeli.”

Ezekieli 24:24

Maku ndakave kelolero ku munyi; na mulakakole vuli kindu choosi cha mali kokora. Yahova avoora ndi, lwa yaga galakekoleke, mulakamanye ndi aveeye Yahova.”

Ezekieli 34:29

Inzi ndaaza ngole milimi jaavo kuva ni ligesa linyingi, kunangwa si navave ninzara anoho kokolelwa kehenyahenye ni zihiiri mba.

Ezekieli 37:24

Mwami kuli mutumikiri wange Daudi naave mwami wavo. Vosi valakave nu mwami mulala kandi navatie malago gange Mu vusuuvirifu.

Zekaria 6:12

Mumuvolere ndi Yahova Wuvunyali avoora, ‘Mundu ulangwa Ulusia alavilukila havundu ha aveeye, kandi alumbaka vuhia Litembeli lia Yahova.

Luka 1:78

Nyasaye wiitu aveeye wi zimbavasi kandi umulahi. Alalomba vulavu vwovohonyi vwake ku kunyi kutura mwigulu.