Zekaria 3:7 - KITABU KITAKATIFU

⁷ Yahova Wuvunyali umali kovora: “Niiva ulatia malago gange kandi okole miyinzi ja ndakuuha, ulazizagilira kuva munene mu Litembeli harara ni ving'oze via lio. Ndahulira lisaala liilio, kuli mbulira lisaala lie zingelosi vaveeye imbiri wange.

Zekaria 3:7 Iomraidhean Croise

Litanga 26:5

Ndakagasizi ivi, kigira Aburahamu yatia kandi yalonda malago gange.”

1 Avami 2:3

na okole icha Yahova Nyasaye woovo akulagaa okole. Uhuliri malago geege goosi, ni miima jije, nilikalaga lilie liosi, kuli gang'odwa mu Lilaga lia Musa; kunangwa hoosi ha uzia uduuki kugasizwa mu viosi via okola.

1 Avami 3:14

Na ulambulira nukugumira malago gange kandi miima jange kuli baba woovo Daudi yakola, ndakuha livamwoyo litambi.”

1 Kyetsinyinga 23:32

Vahevwa miyinzi ju kusingilira nu kulinda Lihema liu kuvuganira mu na Yahova kandi Litembeli, kandi ji likonyelera aviiko vaavo, avasaalisi, avaveeye visukululwi via Haruni, mu lisigamira liu mu Litembeli.

Isaya 62:9

Navuzwa munyi avamiiza uvuswage kandi ni mugesa, mulalia nu kwizominya Yahova; Kandi yavo avalindaa nu kuvungiza amazabibu, valanwa iwaini yago mu mugizi gwi Litembeli liange Litakatifu.”

Ezekieli 44:8

Sivalinda vindu viange vitakatifu mu Litembeli liange mba, navuzwa muvogono yivwo, vaavugura vandu vageni nivavaviika mu vunyali vwu kulinda vindu viange vitakatifu mu Litembeli.

Ezekieli 48:11

Kidieli yiki na keve cha vasaalisi vatakaswa, avaveeye visukululwi va Zadoku: Yava vandumikira nu vusuuvirifu kandi si vahambana na vandu va Isiraeli mu likora uvudamanu, kuli avandu vi ihiiri ya Levi vaakora.

Kyavalevi 10:3

Maku, Musa yavolera Haruni, “Yiki nicho kindu cha Yahova yamoloma ku lwa yavoola, avandu vosi vandumikira, kuduuka vahane luyali ku vutakatifu vwange; inzi indavuula vukumi vwange ku avandu vange!” Navuzwa Haruni yachiring'ana.

Kyavalevi 8:35

Kuduuka mumenye ha vwingiliru vwi Lihema liukuvuganira mu na Yahova mbasu nu vudiku ku madiku saba, na mukore ga Yahova amali kulaga. Ni mutakola ndio, mulakuza. Yaga nigo ga Yahova amali kundaga.”

Zekaria 3:6

Maku engelosi yavolera Joshua ndi,

Zekaria 4:14

Maku yavoola, “Yava na vasaza 2 va Nyasaye amali kotovola nu kuvavaka maguta vaduuki kutumikira Yahova wi kivala choosi.”

Zekaria 6:15

Avasaza vamenyi ihale valakaze kokonyana kwumbaka vuhia Litembeli lia Yahova. Lwa navave ni vakumbaka Litembeli vuhia, ulakamanye ndi Yahova Wuvunyali yanduma kuivi. Yaga galakakoleke goosi niiva mulakatie ligali malago ga Yahova Nyasaye winyu.

Zekaria 6:5

Yandivulira, “Yizi nizimbuuza zine zimali kuuza kutura imbiri wa Yahova wikivala choosi.”

Matayo 19:28

Yeso yavavolera, “Muvooleraa agiligali ndi, lwu Umwana wa Adamu alikala ku endeve yu vwami yu vukumi vwivwe mu Likula Lihia, hene yaho, munyi avalondi vange likomi na vaviri mulikala ku zindeve ziu vwami likomi na vaviri, ukwaamiiha izihiiri likomi na ziviri zia Isiraeli.

Luka 22:30

Munyi mulalia nukunwa komesa yange mu Vwami vwange. Mulikala ku zindeve ziu Vwami ukwamiiha zihiiri likomi na ziviri zia Isiraeli.

Yohana 14:2

Munyumba mwa Baba wange, muveeye novomenyo vunyingi. Nigataveeye ndio, ngano sindamuvolera, nziza kumulombera ovogono mba.

Likunula 3:21

Yavo avaguutaa, ndavaha uvunyali vwu kwikala ahimbi ninzi mu endeve yange yu vwami, kuli inzi ndaguuta, nu kwikala harara na Baba mu endeve yeeye yu vwami.