6 Maku engelosi yavolera Joshua ndi,
Mu lidambizwa liavo liosi, yaasalirizwa, na engelosi yeye yavahonyia; mu vuyanzi ni zimbavasi zizie, yavasoola; yavadenda kutura kale.
Lwa ndaaleeta avaguuga vaavo kutura mukivala cha Egebeti, ndaaviganihiza vatie inzi. Ndaazizagilira ku viganihiza kali kuduuka na kalunu.
Yalwana nengelosi kandi naguuta. Yalira kandi nateeva ligasizwa. Nyasaye yaza ku guuga wiitu Yakobo ha Bezeli kandi namoloma naye.
Maku Yahova yamanyia Joshua musaalisi munene nasingi imbiri we engelosi yeeye. Setani yaali nasingi ku mukono gwigwe mulungi ni yenya kumuyaara.
Yahova yalaga vatumikiri kuviika Joshua kelemba kinifu kumutwi gwigwe; vakora ndio, kandi vamuvika zinguvu zimbia lwengelosi wa Yahova yaali na siingi hene yaho.
Yahova Wuvunyali umali kovora: “Niiva ulatia malago gange kandi okole miyinzi ja ndakuuha, ulazizagilira kuva munene mu Litembeli harara ni ving'oze via lio. Ndahulira lisaala liilio, kuli mbulira lisaala lie zingelosi vaveeye imbiri wange.
