Zekaria 2:8 - KITABU KITAKATIFU

⁸ Mundu woosi ukuduka amanyirizi ndi aduyaa endolero yemoni yeeye.” Kunangwa Yahova Wuvunyali yanduma na makuva yaga ku zihiiri ziali ni zialanya vandu veve.

Zekaria 2:8 Iomraidhean Croise

Litanga 20:6

Maku Nyasaye yamuvolera mu maloto ndi, “Yee, Inzi manya ndi ivi wakola yaga mu vulungi vwu mwoyo gwugwo; kunangwa inzi ndaakugaya uvuli kokora uvwoni, kandi ndaakwigalira kuva harara naye.

2 Avami 24:2

Yahova yatuma miganda ji liihi lia vandu va Babiloni, Vasiria, Vamoabu, Vamoni kuzia kulwaana Jehoyakimu nu kudiviza kivala chi Ivuyuda, kuli Yahova yaali navooye kuvitira mu vatumikiri veve avaporofeti, gayenyaa kokora.

Zaburi 17:8

Uniindi kuli unyala kulinda emoni yooyo mwene. Umbisi kuli engoko ivisaa ivimiinyu viayo isi wi zimbaha

Tsing'ano 7:2

Okole cha mboraa, na ulahindira. Ulindi nokolonda miigizu gange kuli ulindaa endolero ye emoni yooyo.

Isaya 49:19

“Kivala chiinyu chononywa kandi ni kitigara ichele. Navuzwa kalunu kilava kekekeeke ligali, ku vandu vaza nokomenya mucho. Avasigu vinyu valahirwa ihale kutura ku munyi.

Jeremia 12:14

Yahova avoora, “Inzi mbeeye nichokovoola ku vatende va Visiraeli avamali kwononyia kivala chandaha avandu vange Isiraeli. Ndahira avandu vachamu yavo ihale kutura muvivala viavo kuli musaala gwihiywi, kandi ndasoora avandu vi Ivuyuda kutura muvo.

Jeremia 27:7

Zihiiri ziosi ziramutumikira, kandi ziratumikira muyaayi weve kandi nu mwisukulu veve kuduuka lwa ing'inga iduuka lwa kivala chiche umwene kilakahele. Hene yaho, zihiiri zinyingi harara na avami vanene ligali valakamukole kuva avatugwa vaavo.

Ezekieli 25:12

Yahova Wuvunyali yavoola, “Avandu va Edomu vavaanzaa kisaalia kidamanu ku vandu vi Ivuyuda; akisaalia yicho chakola vandu va Edomu kuva nilihiolo liemihiga ni mihiga.

Ezekieli 25:15

Yahova Wuvunyali avoora, “Avandu va Filisitia vamali kuvanza kisaalia nu mwoyo gwu kusaliriza ku vasigu vaavo vakale kandi ku vadiviza mulivihilirizwa liavo.

Ezekieli 26:2

Yavoola, “Mwana wu Mundu,” Yiki nicho kigira vandu va Tiro vasangala. Vahanzuka nivavoora, “Jerusalemi imali kudivizwa! Likiranyia lialio lie zinguru limali kohera! Si valahingana kandi nikunyi mba.”

Ezekieli 26:20

Ndamutuma muzie hasi mu kivala cha vakuzu muvugane harara na vandu vamenya muzing'inga ziakale. Ndamukora mumenye mu kivala chahasi yicho mihiga ni mihiga numuganda gwa vandu vakuzu. Kulwa gene yago si mwaza mumenye mu kivala cha vandu vaveeye mwoyo mba.

Ezekieli 35:5

“Munyi mwali avasigu kazozo ku vandu va Isiraeli, kandi mwaleka avandu nivaviita mu ing'inga yi kivi, ing'inga yu kumaliriza kuhaana mageri kigira uvwoni vwavo.

Ezekieli 36:11

Ndakora vandu kandi zing'ombe komedeka. Mulava avanyingi kuvita maziambiri. Ndaleka mumenye mu kivala yiki kuli mwamenyaa mucho maziambiri; kandi ndamukora kuva vatugi kuvita ing'inga yindi yoosi. Maku mulakamanye ndi inzi mbeeye Yahova.

Ezekieli 38:11

Notovole kwingilira kivala kitinyaliza wa vandu vamenyi mu mirembe kandi mulikingwa, mu madaala gataveeye na madigi kandi vugira likingwa.

Ezekieli 38:14

Kunangwa Yahova Wuvunyali yanduma mbolere Goga aga yavoola kuye: “Kalunu lwa vandu vange Isiraeli vamenyi mu likingwa, ulatula

Amosi 1:11

Yahova avoora, “Avandu vi kivala cha Edomu vamali kokora uvwoni haali kanyingi, na kigira yaga ndavaha amageri. Vaahiima avamwavo vaavo vandu va Isiraeli ni kivavi, na sivaveererera mba. Vutima vwavo sivwaali ne keheri mba. Sivaaloleka vahomati mba.

Amosi 1:13

Yahova avoora, “Avandu va Amoni vamali kokora uvwoni haali kanyingi, na kigira yaga ndavaha amageri ligali. Vatanyia zinda avakali vaali ni vavereka mu Gileadi muvulwani nivenya okomeeda zinzako ziekivala chavo.

Amosi 1:9

Yahova avoora, “Avandu vi lidaala linene lia Tiro vamali kokora uvwoni haali kanyingi, na kigira yaga ndavaha amageri ligali. Vaahira ihiiri yoosi mu vuhambe mu kivala cha Edomu, nasivalinda lilagana liu vulina lia vaomba mba.

Mika 4:11

Zihiiri zinyingi zievungikizi ku mwingiliraa. Zivoolaa, “Lidaala linene lia Jerusalemi kuduuka liduuki kudivizwa! Kulalola lidaala linene yili ni ligwiyi amang'anye!”

Mika 5:6

Valakamihi kivala cha Asiria nikivavi; kandi kivala cha Nimurodi ni kivavi chetegeki kotema. Valakakohonye kutura ku vandu va Siria lwa valingila kivala chietu, nukogenda mu zinzako zietu.

Mika 7:10

Hene yaho avasigu vange valalola yaga kandi valava mu zisoni; Oyo owavoolera kuinyi, “Yahova Nyasaye woovo aveeye haliha?” Zimoni ziange zilarora liigwa liu musigu wange. Kalunu valaduvagirwa hasi kuli ovodohi kuzinzira.

Habakuk 2:17

Mwatema militu ja Lebanoni; kalunu na munyi mulatemwa. Mwitaa zinyama zimenyi mu; kalunu zinyama yizio zilamutihiza. Yaga galakekoleke kigira vwiti vwa mumali kokora kandi kigira kivihiri chiinyu cha mukoleraa vandu vi kivala na madaala manene.

Habakuk 2:8

Mwalanya vandu vi zihiiri zinyingi, navuzwa kalunu yavo avamali kohononoka valamulanya kigira vulumindi vwamwakola kandi kigira kivihiri cha mukoleraa vandu vi kivala na madaala manene.

Zefania 2:8

Yahova Wuvunyali avoora, “Inzi mali kuhulira vandu vi kivala cha Moabu na Amoni, vagemehiza kandi vaageriza kokora vandu vange kuva vu vutima, kandi vigingira ndi vanyara kuvugura kivala chavo.

Zekaria 2:11

Ing'inga yeyo, zihiiri zinyingi zilakaze ku Yahova kandi zilakave avandu veve. Alakamenye hagati hinyu, kandi mulakamanye ndi yanduma ku munyi.

Zekaria 2:9

“Yahova mwene alamulwaana, kandi avandu vaali vatumikiri vovo maziambiri, valamuhira mu vuhambe.” Lwayaga galiekoleka, vuli mundu alakamanye ndi Yahova Wuvunyali yanduma.

Zekaria 8:5

Zinzira zie lidaala zilakizuli vayaayi na vakana nivakinaa.

Malaki 3:1

Yahova Wuvunyali yativura navoora, “Ndakatumi mutumwa wange konombera inzira. Maku Mwami wa mulindiliraa alakaze mu Litembeli lilie vwangu lwa mutamanyi; mutumwa wa mwegomba kolola alakaze kulandiza lilago liange.”

Matayo 25:40

Mwami alakavativuliri, ‘Muvooleraa, choosi cha mwakolera mulala ku avamwavo vange avakeekeke yava, mwakolera inzi!’

Matayo 25:45

Umwami alakavavoolerc, ‘Muvooleraa, choosi cha mwavura kokolera mulala ku vakekeeke yava, mwavura kokolera inzi.’

Yohana 14:26

Navuzwa, uyu Mukonyi, Roho Mutakatifu, wa Baba alituma mu lieta liange, alakamwigizi vindu viosi kandi kumwizuliza goosi aga ndamuvolera.

Yohana 17:18

Kuli ivi wanduma kuzia mu kivala, nindio inzi kandi mbatumanga mu kivala;

Vikolwa 9:4

Yagwa hasi naahulira mwoyo nigumuvoolera, “Saolo, Saolo! Kigira ki undambizaa?”

Kwidzulitsa 32:10

“Yavanyoola nivagendagendaa mu changalangwe, mwigendanyama mwe kesoma kenene ni mbuuza yavakinga kandi yavalinda, kuli anyala kukinga endolero yemoni yeeye.

2 Vatesalonike 1:6

Nyasaye alakola agaveeye malungi: Alatungaa ikivi ku yavo avamukubizaa ikivi

1 Yohana 4:14

Kunyi kumali kolola kandi kololekiza ndi, Baba yatuma umwana weve ave Muhonyi wa avumukivala.