Zekaria 2:6 - KITABU KITAKATIFU

⁶ Yahova yavolera vandu veve, “Hambi! Mwiluki kutura mu kivala chi Ivaale kigira inzi mali kumusalanyia mu zimbega ziosi zie kivala.

Zekaria 2:6 Iomraidhean Croise

Litanga 19:17

Maku mulala ku zingelosi yava yavavolera, “Mwiruki muhonyie livamwoyo lienyu! Mutikivuka mba, kandi mutasingira mu livona mba. Mwiruki muzie ku vigulu, kunangwa muvuli kwitwa.”

Zaburi 44:2

Wakunga zihiiri ni zinguru ziu mukono gugwo. Maku wavika avandu vovo mu kivala chavo; kandi wahaana amageri ku zihiiri zindi kandi wahaana ku vandu vovo linyola lie miandu minyingi.

Isaya 48:20

Muzie muturi mu kivala cha Babiloni, mulandizi ku vandu vosi ha vundu hoosi amakuva amalahi gu vusangali: “Yahova umali kohonyia avatumikiri veve Isiraeli!”

Isaya 55:1

Yahova avoora; “Hambi, sa mulala oveeye nuvuluhu, mazi gaveeye hano! Hambi munyi avatali namabesa, muguli vuswage ma mulie! Hambi! Guli iwaini na maveere, simulatunga kindu mba!

Jeremia 1:14

Hene yaho, Yahova yambolera, “Kivi kutura Ivaale kiladuuka ku avandu vosi avamenyi mukivala yiki,

Jeremia 15:4

Ndakora vandu vu mukivala choosi kuva nu vuti ovonene ligali kigira vindu vidamanu via Manase mwana wa Hezekia yakola mu Jerusalemi lwa yaali mwami wi Ivuyuda.”

Jeremia 3:18

Avandu va Isiraeli valahaambana harara na vandu vi Ivuyuda, navosi harara valatura muvuhambe mukivala cha Ivaale navalilana mukivala chandaha avaguuga vaavo kuva imiandu ji mihiga ni mihiga.”

Jeremia 31:10

Yahova avoora, “Zihiiri mumbulirizi, kandi mulandizi makuva gange muvisuru vie ihale. Inzi ndasalanyia avandu vange, navuzwa ndavavungiza kandi ndavalinda kuli mwayi alindaa chayo chiche.

Jeremia 31:38

Yahova avoora, “Ing'inga yiza, lwa Jerusalemi yoosi lilakumbakwe vuhia kuli lidaala liange, kutura ku munara gwa Hananeli kuduuka ku kirivwa chu mukoona.

Jeremia 31:8

Inzi ndavaleta kutura Ivaale kandi ndavavungiza kutura mukeheri chi lirova. Avavoku navalema valakaze navo, avakali vaveeye nizinda navo avaveeye himbi kwivura, navirane kuli ihiiri enene ligali.

Jeremia 50:8

“Avandu va Isiraeli mwiruki kutura ku Babiloni! Muturi mukivala! Muve avukutanga kutura!

Jeremia 51:45

Avandu va Isiraeli, mwiruki kutura mu lidaala yili! Mwesoole kutura ku vutima vwange vululu!

Jeremia 51:50

Yahova avooreraa avandu veve mu Babiloni ndi, “Munyi mumali kohononoka kutura mu likuza! Kalunu muzie, na mutalindagira mba! Kali niiva muveeye ihale kutura yengo, muganagane inzi, Yahova winyu, kandi mwizurizi Jerusalemi.

Jeremia 51:6

Mwiruki kutura mukivala cha Babiloni! Vuli mundu yehonyie umwene! Mutitwa kigira uvwoni vwa avandu va Babiloni mba. Kalunu mbanzaa kisaalia kandi mbana amageri ku vandu yava kuli gavadukiraa.

Ezekieli 11:16

“Kalunu ovoolere avandu vilihaminywa vache agambooraa. Ni inzi wavahila komenya mu zihiiri zie ihale kandi nimbasalanyira muvivala vindi. Nitali, ku ing'inga engekeeke ndava harara navo muvivala via vazia mu.

Ezekieli 17:21

Avasikari veve avalahi vosi valitirwa mu liihi, nayavo avalihona valakasalanywe havundu hoosi. Maku mulakamanye ndi inzi Yahova mali kovora.”

Ezekieli 5:10

Kigira yaga, avababa valalia avana vaavo kandi avana valalia avababa vaavo. Ndahaana mageri ku munyi kandi ndasalanyia vosi avalitigala mwoyo.

Ezekieli 5:12

Kedonye chu kutanga cha vandu vovo valakuza kigira vulwaye kandi inzara mu lidaala; kedonye kindi cha kaviri valitirwa mu vulwani ichova wi Lidaala, Kedonye cha kavaga chu kumaliriza ndakisalanyia mu imbuza kandi ndavakunga ni kivavi.

Danyeli 11:4

Navuzwa mu ing'inga yu lusuma lwi zinguru zizie, vwamihi vwivwe vulakavukane mu vidonye vine. Avami valiamiiha ha vogono vwivwe si valakatuli mu visukululwi vivie mba, kandi si valakave ni zinguru kuli zia yaali nazio mba.

Amosi 9:9

“Ndalaga, na ndasesa avandu va Isiraeli kuli uvuswage vosesaa koloderu. Ndavasesa hagati hi zihiiri nduuki kutuliza ho vosi avataveeye avalahi avatakonya kindu.

Zekaria 1:16

Kunangwa inzi mali kwirana mu Jerusalemi no kovererera lidaala linene. Litembeli liange lilumbakwa vuhia. Lidaala linene lilumbakwa kandi.”

Zekaria 2:7

Mwiluki kutura Babiloni na mwilane Jerusalemi.

Matayo 24:31

Naye alatuma zingelosi veve ni kisiriva chu mwoyo munene, navo valavungiza avatovole veve vatuli zimbega zine ziosi zie lirova, kutura ku keheri yiki kuduuka ku keheri kindi chi lirova.

Marko 13:27

Maku Kristo alatuma zingelosi veve kuvungiza avatovole veve kutura mu zimbega ziosi zine zie lirova kutura ku keheri chi lirova kuduuka ku kindi.

Kwidzulitsa 28:64

“Yahova alamusalanyia hagati hi zihiiri ziosi kutura kolovega lulala lwe keheri chi lirova kuduuka kolovega lundi, kandi uwene yeyo mulatumikira avanyasaye valombwa kutura ku misaala na magina, avanyasaye va munyi anoho avaguuga vinyu vavura kusigamira amaziambiri.

Likunula 18:4

Maku ndaahulira mwoyo gundi gutulaa mwigulu, nigovoora, “Avandu vange, muturi mulio! Mutava ni lisanga nalio muvwoni vwalio mba! Mutava ni lisanga ku maduywa galio mba.

Ruth 4:1

Boazi yazia kwikala havundu hu kuvuganira ha kirivwa chi lidaala. Lwu mwiko wa himbi wa Elimeleki, wa Boazi yaali naatalangi ku, yavitira hazana yaho. Boazi yamulanga, “Hamba wikale hano, mulina wange!” Na yazia niyikara hasi.