Zekaria 2:4 - KITABU KITAKATIFU

⁴ Engelosi wukutanga yavolera engelosi ya kaviri, “Nyagura, ovoolere musoleri oveeye nu mugoye gwo kogera ndi kuziiza kuva na vandu vanyingi kandi ni mitugu minyingi mu Jerusalemi; kandi lidaala lilava linene ligali. Sinalive namadigi gu kulikinga mba.

Zekaria 2:4 Iomraidhean Croise

Esther 9:19

Yiki nicho kivuni kigiranga Avayuda vamenyi mu madaala makekeeke vizuliza lidiku lia 14 mu mweli gwa Adari kuva lisosa liu vusangali. Ing'inga yiyi yaali yi lilia kandi kuhaanirana vihaanwa vie viukulia vilahi.

Isaya 33:20

Heenzi ku Ziyoni, lidaala linene ha kolombera masavo giitu agidiini. Heenzi ku Jerusalemi! Lidaala linene lio komenya mu, ni mirembe! Lilava kuli lihema ilitanyala kusundwa kali hakuzu, ilie vivambo vialio vitanyala kwifwa, kandi lie migoye jalio jinyala kukalika.

Isaya 44:26

Navuzwa lwu mutumikiri wange aporofetaa, kandi lwa nduma mutumwa wange kuvuula lilohiza liange, ngolaa ovolohizi yivwo novoporofeti yivwo kuva vwa giligali. Mbolera Jerusalemi ndi avandu valamenya yo kandi; kandi mbolera madaala manene gi Ivuyuda ndi galumbakwa vuhia kandi. Madaala manene yago gasingirizwa kutura mu mang'anye.

Isaya 49:20

Avana vivulwa ing'inga ya mwali mu kivala chu vutugwa, lidiku lilala valakamuvoolere ndi, ‘Kivala yiki kegehi ligali kukunyi kwenyaa havundu handi hokomenya!’

Isaya 54:16

“Inzi nombaa umutuli, ufanaa muliru gwa manda nukutura iviugi. Inzi kandi nombaa musikari wuvulwaani, utumikira iviugi yivi ukwita.

Jeremia 1:6

Maku ndaavoora, “Ai, Yahova Nyasaye! Henza, inzi si manyi kumoloma mba, kigira mbeeye vuzwa mwana mukekeeke.”

Jeremia 31:24

Avandu valakamenye Ivuyuda kandi mu madaala gayo, kandi avalimi valakaveyo harara navayi niviayo viavo.

Jeremia 31:27

“Inzi, Yahova, mboraa ndi ing'inga yiza lwandikora kivala cha Isiraeli ni Ivuyuda kwizura mu na avandu nizinyama.

Jeremia 33:22

Visukululwi via Daudi mutumikiri wange kandi avasaalisi kutura mu ihiiri ya vandu va Levi valamedeka, kunangwa vaduuki kuva avanyingi ligali kuli zing'ereng'ani ziveeye mu ligulu anoho kuli zinzaro ziu muyeke mu inyanza.”

Ezekieli 38:11

Notovole kwingilira kivala kitinyaliza wa vandu vamenyi mu mirembe kandi mulikingwa, mu madaala gataveeye na madigi kandi vugira likingwa.

Danyeli 1:17

Nyasaye yahaana ku vayaayi vane yava ovogeri kandi limanyiriza lie ling'oda zing'ano ziosi; kandi komeeda kogene yaga, yahaana ku Danieli ovogeri vwu kumanyiriza kandi kwivaala malola kandi amalooto zing'ano ziosi.

Danyeli 1:4

avayaayi vi ligondo lilahi, avageri kandi avigizwa vulahi, avaveeye vwangu kwiga, kandi avaveeye vugira imbara. Vave avadukiru kutumika mu kiyaalo chu vwami. Ashipenazi alavigiza kosoma kandi kong'oda lulimi lwa vandu va Babiloni.

Mika 7:11

Avandu va Jerusalemi, lidiku lizaa liu kwumbaka uvuhia amadigi gi lidaala linene; Lidiku liene yilio zinzako zie kivala chiinyu zilameedeka.

Zekaria 1:16

Kunangwa inzi mali kwirana mu Jerusalemi no kovererera lidaala linene. Litembeli liange lilumbakwa vuhia. Lidaala linene lilumbakwa kandi.”

Zekaria 1:17

Engelosi yambolera kandi mbore ndi, “Yahova Wuvunyali avoora ndi, madaala geege manene galava kandi ni ingavi yu vutugi kandi alakonya Jerusalemi nu kulivugula kuva lidaala lilie.”

Zekaria 12:6

“Ing'inga yene yeyo ndakakole zihiiri zie Vuyuda kuva kuli inyingu eveeye ku lomemo liumuliru hagati hu mulitu, anoho kuli muliru hagati hu mulimi gwu vuswage vwumu; muliru gulakadivizi zihiiri ziosi ziavakumberiza. Avandu va Jerusalemi valakamenye mu mirembe mu lidaala linene.

Zekaria 14:12

Yahova alakaleete vulwaye vudamanu ligali ku zihiiri zilileta vulwani ku Jerusalemi. Miviri jaavo jilakagundi nivakikiri mwoyo; zimoni ziavo kandi zinimi ziavo zilakagundi.