Zekaria 2:13 - KITABU KITAKATIFU

¹³ Vuli mundu akiring'ane imbiri wa Yahova, kigira yaazaa kutura hatakatifu hehe.

Zekaria 2:13 Iomraidhean Croise

2 Kyetsinyinga 30:27

Vasaalisi na vandu va Levi vateevera avandu vugasu ku Yahova. Naveeye yengo weve mwigulu, Yahova yahulira lisaala liavo kandi naagavugulira.

Zaburi 11:4

Yahova aveeye mu Litembeli lilie Litakatifu, endeve yeeye yu vwami eveeye mwigulu. Ahenzaa avandu havundu hoosi nukumanya via vakora.

Zaburi 46:10

Avoora, “Muchiring'ane kandi mumanye ndi inzi mbeeye Nyasaye! Inzi nzizominywa hagati hi zihiiri ziosi; inzi nzizominywa ku lirova liosi!”

Zaburi 68:5

Nyasaye, omenyaa mu Litembeli lilie litakatifu, aveeye mulindi wa vavisandu kandi mukingi wavakunzakari.

Zaburi 78:65

Mu limalirika Yahova yavuka kuli utulaa mu zindoolo. Yaali kuli mundu wizingulu uhanzuka kigira iwaini ya yaali nanweye.

Isaya 14:2

Zihiiri zindi zinyingi zilakonya avandu va Isiraeli kwirana mu kivala icha Yahova yavaha. Hene yaho, zihiiri zindi zilatumikira avandu va Isiraeli kuli avatugwa. Yavo avaari ni vagumira avandu va Isiraeli, kalunu Isiraeli ilavagumira, na vandu va Isiraeli valamiha ku yavo avavadambizaa ing'inga yindi.

Isaya 19:16

Ing'inga yiza, lwa avandu va Egebeti valakave nuvuti kuli vakali. Valakadegere nuvuti lwa valilola ndi Yahova Wuvunyali umali kunyiira mukono gwigwe nukuhaana kuvo amageri.

Isaya 41:1

Nyasaye avooreraa avandu va Isiraeli ndi, “Munyi avandu vamenyi ahimbi ni inyanza, muchiring'ane kandi mumbulirizi! Mwetegeke kuhaana amakuva ginyu mu kiyaalo; mulava nu vwiyangu vwinyu komoloma. Kwisundi harara kumanye nivwaha oveeye mulungi.

Isaya 51:9

Hamba, O, Yahova, na okokonye! Tumikira zinguru zizio na okohonyie; uzitumikiri kuli wazitumikira maziambiri. Yaali ivi uwakalaga ogoyoka gwu mu inyanza Rahabu mu vidonye.

Isaya 57:15

“Inzi mbeeye Nyasaye oveeye igulu kandi mutakatifu, omenya mihiga ni mihiga. Inzi menyaa havundu haveeye igulu kandi hatakatifu. Kandi menyaa harara na vandu avahocha kandi aviganiri, kunangwa nduuki kuvilanyira kelemamwoyo chavo kandi mbiki zinguru mu lisuuvira liavo.

Isaya 57:5

Munyi musigamiraa avanyasaye vahaana ulwivulu nokokola ovoheyi isi wi misaala mitakatifu jinyu yijo. Mwitaa vana vinyu kuli visiuviliru mu zimbangaywa zie zinyanda ahimbi numugera.

Isaya 63:15

Yahova, ohenze ku kunyi kutura mwigulu, uwa omenya mu vutakatifu kandi mu vukumi vuvwo. Lihendera kunyi mwoyo liilio linene liveeye haliha? Zinguru zizio ziveeye haliha? Uvuyanzi vuvwo ni zimbavasi zizio ziveeye haliha? Utahuhiza kunyi mba.

Jeremia 25:30

“Ivi Jeremia, kuduuka wilwaze amakuva goosi aga inzi mali kovora. Kuduuka ovoolere avandu yava ndi, ‘Yahova alafuuma kuli isimba kutura mwigulu, kandi alatuluruka kuli inguba kutura hatakatifu hehe mwigulu. Alafuuma kuli isimba ku avandu veve, alahanzuka kuli mundu uduvagaa amazabibu. Vuli mundu woosi omenyi ku lirova alahulira mwoyo gwa;

Habakuk 2:20

Yahova aveeye mu Litembeli lilie Litakatifu; gaduukanaa vuli mundu woosi akiring'ane imbiri weve.

Zefania 1:7

Lidiku liveeye ahimbi lia Yahova ahaanaa likalaga, kulwayago muchiring'ane imbiri weeve. Yahova alohizaa kuhaana vandu veve kuli kisiuviriru, kandi umali koleta vasigu kwingilira kivala chi Ivuyuda.

Zefania 2:9

Kuli Inzi mbeeye ligali Yahova omenya, Nyasaye wa vandu va Isiraeli ndaga ndi, kivala cha Moabu kandi Amoni vizizaa kudivizwa kuli kivala cha Sodoma na Gomora. Na vigwi havundu ha marina gi jumbi kandi mang'anye mihiga ni mihiga; indiva ilakizuli mucho. Valala ku vandu vange avalihononoka valakavingiliri nu kuvugura kivala chavo.”

Zefania 3:8

Yahova avoora, “Kulwayago mulindi kuduuka lwi lidiku liduka lwa singira kukalagira zihiiri.” Inzi mali kusaavira kuvungiza zihiiri kandi uvwamihi, kunangwa vaduuki kuhulira zinguru ziu vutima vwange vululu. Muliru gwu vutima vwange vululu guladiviza lirova liosi.

Zekaria 4:9

“Zerubabeli umali ku viika muse gwi Litembeli, kandi alamaliriza kuliumbaka. Lwayaga gekoleka, avandu vange valamanya ndi ninzi umali kukutuma kuvo.

Zekaria 6:15

Avasaza vamenyi ihale valakaze kokonyana kwumbaka vuhia Litembeli lia Yahova. Lwa navave ni vakumbaka Litembeli vuhia, ulakamanye ndi Yahova Wuvunyali yanduma kuivi. Yaga galakakoleke goosi niiva mulakatie ligali malago ga Yahova Nyasaye winyu.

Varumi 3:19

Kalunu kumanyi ndi goosi agi Lilaga livolaa, gaveeye ku yavo avamiihangwa ni Lilaga, kunangwa vavuli kuva ni kivuni chukwisayasayira ku, na vandu vosi vanyoore likalagirwa lia Nyasaye.

Varumi 9:20

Navuzwa ligali ivi oveeye vwaha uluviliraa kwilanyira Nyasaye amativuli? Inyingu sinyala koteeva umulongi wayo, “Kigira ki wanomba kuli ndi?”

Kwidzulitsa 18:21

“Munyala kogenya kuli monyala kumanyiriza niiva likuva liu muporofeti silitulaa ku Yahova.

Kwidzulitsa 18:22

Niiva muporofeti amolomaa mu lieta lia Yahova, na agaavoola gavuli kwekoleka, maku, likuva yilio siliveeye kutura ku yahova mba. Muporofeti oyo umali komoloma ku vunyali vwivwe na munyi mutamutia mba.

Kwidzulitsa 26:15

Henza hasi hano kutura hatakatifu hoho mwigulu, na ugasizi avandu vovo, Isiraeli; ugasizi kandi kivala kigunamu icha umali kuhaana kukunyi, kuli wasuuviriza avaguuga viitu.’