Zekaria 14:9 - KITABU KITAKATIFU

⁹ Maku Yahova alakave mwami wi kivala choosi; vuli mundu alakamusigamiri kuli Nyasaye kandi nu kumanya lieta lilie.

Zekaria 14:9 Iomraidhean Croise

Litanga 49:10

Yuda alava ni imbimbu yu vwami, visukululwi vivie vilamiiha kazozo. Zihiiri zilaleta uvusuru kuye, kandi zihiiri zilinama imbiri weve.

Zaburi 67:4

Leka zihiiri ziosi zive nu vuyanzi kandi vimbi nuvusangali, kigira ivi ukalagiraa avandu nuvulungi; Kandi wimiliraa vuli ihiiri ku lirova.

Zaburi 72:17

Leka lieta liu mwami lizulizwi mihiga ni mihiga; ulusuma lwilwe luhindiri kuli liuva! Leka zihiiri ziosi ziteeve Nyasaye azigaasizi kuli amali kugasiza mwami!

Zaburi 86:9

O, Yahova, zihiiri ziosi zia walomba, zilaza nu kukusigamira ivi; valizominya ovonene vuvwo.

Zaburi 97:1

Yahova aveeye mwami! Lirova, musangare! Musangare, O, munyi visulu vie inyanza.

Isaya 45:21

Hambi muleete makuva ginyu mu kiyaalo, mwenye zing'anagani kutura kuvandi. Nivwaha wavula amakuva gaali ganyala kwekoleka mumadiku ga kale? Siyaali inzi, Yahova Nyasaye ohonyia avandu veve? Siaveeye ho nu munyasaye wundi mba.

Isaya 54:5

Umulombi woovo alava kuli musaza woovo. Lieta lilie ni Yahova Wuvunyali. Yahova Mutakatifu wa Isiraeli alakohonyia aveeye Nyasaye wi lirova liosi.

Jeremia 23:6

Lwaveeye mwami, avandu vi Ivuyuda navahone, kandi avandu va Isiraeli navamenye mumirembe. Kunangwa navamuguliki ‘Yahova muhonyi wiitu.’ ”

Danyeli 7:27

Zinguru no vonene vwu vwamihi ku lirova vulakahevwe ku vandu va Nyasaye Wuvunyali. Zinguru ziavo ziu vukumi si zilakahere mba kandi vamiihi vosi vi kivala valakavatumikiri nu kuvatia.”

Amosi 9:12

Na ndio, avandu va Isiraeli valaguuta nu kuvugura avandu vaatigara nokohona mu kivala cha Edomu, harara na avandu vi zihiiri ziosi izia avalange avange.” Yahova ulikola ivindu yivi kwekoleka.

Obadia 1:21

Avasaza vaguuti kutura Jerusalemi valakazie kwingilira kivala cha Edomu nukuchamiiha. Yahova mwene alakave Mwami.”

Mika 5:4

Lwa aliiza, alakamiihi avandu veve nizinguru zitulaa ku Yahova kandi nuvunyari vwa Yahova Nyasaye mwene. Avandu veve valakamenyee mu mirembe kigira vandu kutura mu lirova liosi valakamanya ovonene vwivwe, kandi alaleeta mirembe.

Habakuk 2:14

Navuzwa kivala kilakave ni limanya linyingi liu vukumi vwa Yahova kuli zinyanza zizura mazi.

Zefania 3:9

“Maku ndakagilunganyie vandu vi zihiiri ziosi, kandi valakasaale kuinzi kandi sivalisaala ku vanyasaye vandi mba. Vosi valakatie inzi.

Zekaria 9:9

Musangare, musangare, avandu va Ziyoni! Muhanzuki kigira vuyanzi, munyi avandu va Jerusalemi! Henza, mwami winyu yaazaa ku munyi! Yaazaa ni kivigu kandi liguuta, navuzwa aveeye muhooma kandi aniini ku ibunda; kemoli chi ibunda, chivuliywi ni ibunda.

Malaki 1:14

Kilaamo keveeye ku oyo mugaadi uhaanaa kisiuviriru chu mutugu mudamanu ku inzi, lwaveeye nu mutugu mulahi muchayo chiche gwayalaga kuhaana ku Inzi! Kigira mbeeye mwami munene, navandu vi zihiiri ziosi vaatia Inzi.”

Matayo 1:23

“Henza, mukaana mugima alavereka, naye aliivula umwana muyaayi, naye alagulikwa ‘Imanueli’ ” iliveeye kovora, “Nyasaye aveeye harara ni kunyi.”

Matayo 28:19

Muzie, mukore avandu vi zihiiri ziosi vave vigi vange: muvabatizi: mu lieta lia Baba, liu Umwana, na lia Roho Mutakatifu;

Kwidzulitsa 6:4

“Muhuliri, O, avandu va Isiraeli; Yahova; Yahova yeng'ine, aveeye Nyasaye wiitu.

Likunula 11:15

Kunangwa engelosi wa saba yakuba kisiriva chiche kandi ndaahulira zingelosi nivamoromaa uvudinyu ligali mwigulu nivavoora, “Izingulu ziu kwamiiha ku lirova ziveeye ziu Mwami wiitu Nyasaye, kandi zia Mesia weve; Naye alamiiha imihiga ni mihiga.”

1 Samweli 2:10

Avasigu va Yahova valadivizwa; alahirigana kuli inguba kutura mwigulu kuvo. Yahova alakalagira lirova liosi; Alahaana zinguru ku mwami weve. Alakola mwami munene mutovole weve kuva ni liguuta.”