Zekaria 14:3 - KITABU KITAKATIFU

³ Maku Yahova alakatuli nu kulwaana zihiiri yizio kuli yakola maziambiri.

Zekaria 14:3 Iomraidhean Croise

2 Kyetsinyinga 20:15

Jahazieli yavolera mwami Jehoshafati na vandu vosi avamenya mu Jerusalemi ni Ivuyuda, “Muhuliri! Yaga nigo ga Yahova avoora, ‘Mutatia, kandi mutakuza mioyo jinyu mba; kinga mutatia liihi linene yili, kigira uvulwani sivoveeye vwinyu, navuzwa vwa Yahova Nyasaye!

Nehemia 4:14

Ndalora ndi avandu zana vahendi mwoyo, kunangwa ndavavolera aviimiliri navanene vaavo, “Mutatia avasigu viitu mba. Mwizurizi ndi Yahova aveeye munene kandi wukutihiza, ma mulwaaniri avandu vikivala chienyu, avana vinyu, avakari vinyu kandi zinyumba zienyu.”

Isaya 29:7

Maku, mahi goosi gi zihiiri zingiliraa lidaala linene liu vwali vwa Nyasaye, ni viugi viavo via mahi, ni viju viosi - ivindu viosi - vilakatulizwi ho nokogota kuli maloto, kuli kindu kiganaganiywi mu vudiku.

Joeli 3:2

Ndavungiza zihiiri ziosi harara kandi ndazireta mu livona lia Jehoshafati liukukalagilwa. Hene yaho ndaavakalagira ku goosi agavakolera vandu vange. Vasalanyia Isiraeli muvivala vigeni kandi vagavulanyia Isiraeli, kivala change.

Zefania 3:19

Ing'inga yiza! Ndakahaane amageri ku vandu vamudambizaa. Ndakasole avalema vosi, kandi ndakilanyie avahambe vosi yengo. Ndakagilung'anye zisoni ziavo kuva luyali, kandi avandu vosi mu kivala valakavizominyi

Zekaria 12:9

Ing'inga yene yeyo ndakadivizi vuli ihiiri ilakagelizi kwingilira Jerusalemi.

Joshua 10:10

Yahova yakola vandu va Amori kuva nuvuti vonene ligali lwavaalola iliihi lia Isiraeli. Avandu va Isiraeli vavitira ha Gibeoni kandi nivavalondelera kuduuka kunzira isulungutaa kuvitira ku kiguru ha Bezi-horoni, nivazizagilira kuvingilira kuduuka Azeka na Makeda.

Joshua 10:14

Likikiri kuva ku ho lidiku kuli yili ku maziambiri anoho kutura yilwo lwa Yahova yahulira mundu mba. Yahova yalwaanira Isiraeli.

Joshua 10:42

Joshua yaguuta avami yava vosi harara ni vivala viavo mu ing'inga ndala ya yatura kuzia kulwaana mu liihi kigira Yahova, Nyasaye wa Isiraeli yaali naalwaaniraa vandu va Isiraeli.