Zekaria 14:2 - KITABU KITAKATIFU

² Yahova alakaleete zihiiri ziosi harara kulwaana Jerusalemi. Lidaala linene yili lilakavugulwi, zinyumba zialio zilakalanywe, na vandu vasaza valakonogonye vakali. Inusu ya vandu vamenyi mu valakazie mu vuhaambe, navuzwa valitigala sivalakatulizwi mu lidaala linene mba.

Zekaria 14:2 Iomraidhean Croise

Isaya 13:16

Avana vaavo vadoto valadonyanywa nu kwitwa, ni zinyumba ziavo zilalanywa, kandi avakali vaavo valonogonywa imbiri wavo.”

Isaya 4:3

Vuli mundu woosi watigala mu Jerusalemi, awa Nyasaye yatovola amenye, alalaangwa mutakatifu.

Isaya 5:26

Yahova ahaanaa kimanyiru ukulanga zihiiri zie ihale. Avakubiraa miluli kuvalanga vaze kutura ku keheri che lirova. Na henza, vazaa nivanyagura zimbiru, vwangu ligali!

Isaya 65:18

Kunangwa muyanze kandi musangare mihiga ni mihiga mu via inzi nombaa. Jerusalemi imbia ya inzi nombaa, ilava yu vusangali ligali, kandi avandu vi lidaala yili valava nuvuyanzi.

Jeremia 21:4

vavoolere Zedekia ndi Yahova, Nyasaye wa avandu va Isiraeli avoora, “Zedekia nziza kuguuta liihi liilio ililwanaa mwami wa Babiloni harara ni liihi lilie. Inzi ndavungiza viugi viavasikali vinyu hagati hilidaala.

Jeremia 34:1

Yahova yamoloma ku inzi lwu mwami Nebukadineza wa Babiloni ni liihi lilie, vakonyelera avasikari vi liihi kutura muvivala viosi nizihiiri ziali hasi hi liamiiha lilie vingilira Jerusalemi namadaala ga himbi.

Lisyoma lya Jeremia 1:10

Avasigu vamali kuvanura ivindu viavo viosi viu vuguli ovonene. Valora zihiiri ni zingiraa mu Litembeli; avandu va Yahova yagaya vavuli kwingira mu Litembeli lilie.

Ezekieli 5:8

Kulwayago, Inzi Mwami Munene Yahova muvooleraa ndi, mbeeye musigu winyu. Ndahaana likalaga ku munyi imbiri wi zihiiri ziosi.

Joeli 3:2

Ndavungiza zihiiri ziosi harara kandi ndazireta mu livona lia Jehoshafati liukukalagilwa. Hene yaho ndaavakalagira ku goosi agavakolera vandu vange. Vasalanyia Isiraeli muvivala vigeni kandi vagavulanyia Isiraeli, kivala change.

Joeli 3:9

“Uhaane lilandiza yili ku zihiiri: ‘Mwetegeke vulwani; mulange avasikari vinyu vuvulwani; muvungizi avasikari vinyu harara na mutange ologendo!

Amosi 7:17

Kunangwa, Amazia, Yahova avoora, ‘Mukali woovo alagwa liraya mu lidaala linene kandi avana vovo vayaayi na avakaana valitirwa mu vulwani. Miandu jijo jilagavulanywa nokohevwa avandu vandi; na ivi mwene ulakuzira mu kivala cha avandu vatamanyi Nyasaye. Avandu va Isiraeli navo valavugulwa kutura mu kivala chavo chene nu kuhilwa ihale mu liadikizwa!’ ”

Zekaria 12:2

“Ndakakole Jerusalemi kuva kuli kekombe chi iwaini; zihiiri ziosi zikumberizaa lidaala yili zilakanwi waini kandi zilakageende no koyekayeka kuli avandu vahambiku. Lwa navingiliri Jerusalemi, madaala gandi goosi gi Ivuyuda galakingilirwi.

Zekaria 12:3

Navuzwa lwi ing'inga yeyo ilakaduuki, ndakakole Jerusalemi kuva kuli ligina lilitu, ihiiri yoosi ilakagelizi kulinginga ilakasaliri. Zihiiri ziosi ziekivala zilakahambane kwingilira Jerusalemi.

Zekaria 12:9

Ing'inga yene yeyo ndakadivizi vuli ihiiri ilakagelizi kwingilira Jerusalemi.

Matayo 22:7

Mwami oyo yavihilirwa, natuma avasikari veve nivadiviza aviiti yavo, nivasamba lidaala liavo.

Marko 13:14

“Mulalora ‘Kindu kidamanu ligali keleetaa lidiviza’ nikisingiyi ahataduukana kisingiri.” Ivi osoma; Ove na agiligali kumanyiriza icha yaga gavoora! Hene yaho avandu yavo avaveeye Ivuyuda kuduuka vilukiri mu vigulu.

Marko 13:19

Kigira mu madiku yago, kulakave nikivi ekenene kikikiri kuva ho kutura Nyasaye nalomba ilirova kuduuka lero, na ikivi kuli yiki sikilakaveho kandi mba.

Luka 2:1

Mumadiku yago lilago liatura ku Kaisaria Agosto ndi avandu vosi vang'odwi amita mu kivala choosi chamiifa na Varumi.