Zekaria 13:9 - KITABU KITAKATIFU

⁹ Ndakagerizi kiduma chakavaga kilihononoka, kandi ndavatakase kuli ifeza isiyangwa mu kisambiru chu muliru. Ndavagerizi kuli izahabu isiyangwa mu kisambiru chu muliru. Maku valakasaale ku inzi, na inzi ndakavativuliri. Ndakavavoolere ndi vaveeye avandu vange, navo valakiyame ndi inzi mbeeye Nyasaye wavo.”

Zekaria 13:9 Iomraidhean Croise

2 Samweli 7:24

Umali kokora Isiraeli kuva avandu vovo ivi mwene mihiga ni mihiga; kandi ivi Yahova, umali kuva Nyasaye wavo.

Ayubu 23:10

Nyasaye amanyirizaa zinzira ziange, niiva alangeliza, alanyoola inzi kuva mulahi.

Ayubu 28:1

Ligali haveeye ho na malina umwa izahabu iyavangwa. Haveeye ho havundu aha izahabu isiyilangwa.

Zaburi 144:15

Vaveeye nu vugasu avaveeye ni liiva kuli yili, kandi vaveeye nu vugasu yavo ava Nyasaye aveeye Yahova wavo.

Zaburi 43:4

O, Nyasaye; maku ndanzia ku vwali vuvwo, O, Nyasaye; ivi oveeye uvutangiliru vwu vuyanzi vwange. Ndakuba uvukana vwange nukwimba zinyimbu ziukwizominya ivi, O, Yahova, Nyasaye wange.

Zaburi 50:15

Mwaniri ku inzi mu ing'inga yu vudinyu, na inzi ndamuhonyia, na munyi mulanzizominya.”

Zaburi 91:15

Lwa vanira ku inzi, ndavativulira; ndava harara navo lwa vaveeye mu vudinyu. Ndavasoola nukuvaha luyali.

Tsing'ano 17:3

Izahabu ni ifeza zigelizwa kuvitira mumuliru, kandi Yahova agerizaa mwoyo gwu mundu.

Lwimbu lwa Solomoni 2:16

Muyanze wange aveeye wange, kandi inzi mbeeye weve. Yayizaa chayo chiche cha magondi hagati hi vimuli,

Isaya 43:2

Lwa muvitiraa mu mazi manene gululiva, inzi ndava harara nimunyi; nimuvitira mu migera ja mazi manene simuliiyina mba kali nimuvitira mu madinyu kuli muvitiraa mu migera minene simulaguutwa kuli avamazi gimigera giinaa. Lwa mugendaa kuvitira mu muliru simulahia mba; magerizu madinyu agamugwiraa sigalamusaliriza mba.

Isaya 48:10

Inzi mali kumugeriza mu muliru gwu kusaliriza, kuli ifeza isiyangwa mu muliru, navuzwa mali kunyoola ndi munyi simuveeye kindu mba.

Isaya 58:9

Lwa musaala, ndamutivulira. Lwa mwanira ku inzi ndamutivulira. “Niiva mulatuliza iniira yi lidambiza hagati hinyu, nimuleka lichaya avandi nokovoora amakuva madamanu,

Jeremia 24:5

“Inzi Yahova, Nyasaye wa avandu va Isiraeli, ng'anagana kigira avandu vaahirwa ihale mukivala cha Babiloni kuva kuli amakuyu amalahi yaga, kandi ndavakolera vulahi.

Jeremia 30:22

Navave avandu vange, kandi inzi ndava Nyasaye wavo. Inzi Yahova mali kovora.”

Jeremia 31:33

Lilagana lihia liandilomba navandu va Isiraeli lilakave kuli ndi? Inzi ndakaviiki lilaga liange muvo kandi ndakaling'ode mu mioyo jaavo. Ndakave Nyasaye wavo, na valakave avandu vange.

Jeremia 32:38

Maku, valava avandu vange, na inzi ndava Nyasaye wavo.

Jeremia 9:6

Yahova avoora vakora uvugadi vuli ing'inga; kigira uvugadi vwavo vasuura kumanyiriza inzi, Yahova avoora.

Ezekieli 11:20

Maku valakalonde malago gange muvusuuvirifu vwosi valakave avandu vange na inzi ndakave Nyasaye wavo.

Ezekieli 14:11

Inzi ndakora yaga kunangwa vandu va Isiraeli vavuli kondeka, anoho vavuli kweyononyia nuvwoni vwavo. Valava avandu vange, na inzi ndava Nyasaye wavo.” Yahova Wuvunyali umali kovora.

Ezekieli 20:38

Ndatuliza hagati hinyu yavo avaveeye vukwibaara kandi avoni nu kuvahila ihale ligali. Ndavatuliza muvivala viavamenyimu kalunu, navuzwa si ndaleka viirane mu kivala cha Isiraeli mba. Maku mulamanya ndi Inzi mbeeye Yahova.”

Ezekieli 36:28

Maku mulakamenye mu kivala cha ndahaana ku vaguuga vinyu. Mulakave vandu vange na Inzi ndakave Nyasaye winyu.

Ezekieli 37:27

Inzi ndakamenyeyo navo. Inzi nambe Nyasaye wavo, kandi valakave avandu vange.

Danyeli 11:35

Valala ku vimiliri vageri valakitwi, navuzwa kigira yaga vandu vanyingi valakatakaswe. Yiki kilakazizagiliri kuduuka lwe keheri kilakaduuki, ing'inga ya Nyasaye amali kotovola.

Danyeli 12:10

Avandu vanyingi valakitakase kandi valakekole kuva valungi kandi vasiyiku, navuzwa vandu vachamu valakakole vuchamu, kandi sialakaveho mundu muchamu ulakamanye mba. Navuzwa vandu vageri veng'ine nivo avalimanya.

Joeli 2:32

Navuzwa vosi avaaniraa Yahova, valahonywe. Kuli Yahova yavoola ‘Avalala mu Jerusalemi valahononoke; yavo avandatovola valahone.’ ”

Kyavalevi 26:12

Ndava ni munyi; Ndava Nyasaye winyu, na munyi mulava avandu vange.

Zekaria 10:6

“Ndakahaane zinguru ku vandu vi Ivuyuda. Ndakasole avandu va Isiraeli. Ndakavaveere zimbavasi kandi ndakaviranye yengo. Valakave kuli avandu vandavula kusuura. Inzi ni Yahova Nyasaye wavo, ndakahaane mativuli ku lisaala liavo.

Zekaria 12:10

“Ndakahaane ku visukululwi via Daudi harara na vandu vandi va Jerusalemi Roho wi zimbavasi kandi Roho wi lisaala. Valakahenze ku oyo wavatoza nakuza, kandi valakamusiomere kuli mundu asiomeraa mwana weve mudelwa. Valakasiome vululu kuli yavo avasiomera mwana wavo muyaayi wukutanga wa vamali kogotiza.

Zekaria 8:8

kandi ndakavilanyie kutura Ivugwi kandi Imadioli vaze komenya mu Jerusalemi; valakave vandu vange, na inzi ndakave Nyasaye wavo. Ndakavamiihi mu vusuuvirifu kandi mu vulungi.

Vikolwa 2:21

Kandi galava ndio, ku avandu vosi ulianira ku lieta liu Mwami, alakahonywi.’

Vahebraina 8:10

Kalunu, yili nilio lilagana lia ndilomba na vandu va Isiraeli mu madiku gaaza, Mwami avoora, ndaviika malago gange mu zing'anagani ziavo, kandi ndakagang'ode mu mioyo jaavo; kandi ndakave Nyasaye wavo, navo valakave avandu vange.

Yakobo 1:12

Aveeye nu vugasu umundu wikuziraa mu ligerizwa, kigira lwamali kuguuta nu kuvita ligerizwa kuli yili anyoora itaji yi livamwoyo lia Nyasaye yasuuviriza yavo vosi avamuyanzaa.

1 Petro 4:12

Avalina avayaanze vange, mutagenya ku ligerizwa lilulu lia musaliranga kuvikwa mu muliru, kuli keveeye ikindu ekegeni chekoleka ku munyi mba.

Likunula 21:7

Mundu woosi uliguuta alakanyoole imiandu yiji kutura ku inzi: Inzi ndava Nyasaye weve, naye alakave umwana wange.

Likunula 8:10

Engelosi wa kavaga ya kuba kisiriva, eng'ereng'ani enene ligali yaaguluka kutura mwigulu, niyaaka kuli ulumuli lonene. Yagwa ku kidieli kilala ku vivaga vie migera nu ku visinukiru via amazi.

Likunula 8:11

Lieta lia eng'ereng'ani zana liveeye “Uvululu.” Ikidieli kilala ku vivaga cha amazi gaagwa amalulu. Avandu avanyingi vaakuza lwa vanwa ku amazi yaga, kigira gaali malulu.

Likunula 8:12

Engelosi ya kane yakuba kisiriva chiche. Ikidieli kilala ku vivaga chi liuva chaduywa, kandi chu umweli kandi kidieli kilala chi zing'ereng'ani, ma nivigotiza kidieli kilala ku vivaga chu uvulavu vwavio nikigwa kisundi. Maku kidieli kilala ku vivaga chu muvasu chagotizwa kandi kidieli kilala ku vivaga chu vudiku kandi chagotizwa.

Likunula 8:7

Engelosi yukutanga yakuba kisiriva chiche. Imbura ya amagina nu muliru vizuganyiywi mu na amasahi, viasunduka ku lirova. Kidieli kilala ku vivaga chi lirova chaahia, kandi kidieli kilala ku vivaga chi misaala chaahia, kandi uvulimu vwosi uvuvisi vwaahia.

Likunula 8:8

Engelosi ya kaviri yakuba kisiriva chiche. Chaali ho ni kindu chaloreka kuli kiguru ekenene, ichakaa umuliru chasiuvwa munyanza. Ikidieli kilala ku vivaga vie inyanza chaagwa amasahi.

Likunula 8:9

Ikidieli kilala ku vivaga chi vilombe viveeye mwoyo mu inyanza via kuza, kandi ikidieli kindi kilala ku vivaga vie izimeli ziadivizwa.