Zekaria 12:8 - KITABU KITAKATIFU

⁸ Ing'inga yene yeyo, ndakasole yavo avamenyi mu Jerusalemi, kali yavo avaveeye avadedekere hagati haavo, valakave ni zinguru kuli Daudi yaali. Visukululwi via Daudi vilakavimiliri kuli engelosi wa Yahova Nyasaye kuli mwene.

Zekaria 12:8 Iomraidhean Croise

Zaburi 8:5

Nitali walomba mundu kuva mukekeeke ku ivi Nyasaye, wamuvika itaji yu vukumi kandi yu luyali.

Zaburi 82:6

Ndaavoora, ‘Munyi muveeye avanyasaye; munyi mwosi muveeye avana va Nyasaye Oveeye Igulu Ligali!’

Kutwula 14:19

Engelosi wa Nyasaye, uwaali imbiri wa avandu va Isiraeli, yatura yo niyiirana inyima wavo. Munara gwi lilesi gwisuunda kuduuka lwa gwaali

Kutwula 33:2

Ndatuma engelosi kumwimilira, kandi ndakunga vandu va Kanaani, Amori, Hiti, Perizi, Hivi, na Jebusi.

Isaya 30:26

Uvulavu vwu mweli vulakave kuli uvulavu vwi liuva, na uvulavu vwi liuva vulakamedeke haali saba kuvita kazozo, kuli uvulavu vwa amadiku saba mu lidiku lilala. Yaga goosi galakekoleke lwa Yahova avoheleraa nokohonyia zing'oma ziamali kuha avandu veve.

Isaya 31:4

Yahova yambolera, “Kali avayi ni vahanzuka ni vakuba liyoga, sivanyala kutihiza anoho kukunga isimba kutura ku inyama ya imali kwita mba: Kunangwa, siaveeye ho nu mundu unyala kungaya inzi Yahova Wuvunyali kukinga kiguru cha Ziyoni mba.

Isaya 33:24

Sihalavaho nu mulala omenya mu kivala chietu uwaza yigaane ndi alwalaa kandi uvwoni vwosi vulasaamiifa.

Isaya 49:7

Nyasaye Mutakatifu wa avandu va Isiraeli kandi muhonyi avooreraa mulala olegelizwa ligali, udunyirangwa ni zihiiri kandi oveeye mutumikiri wa avamihi ndi: “Avami vaavo valakolora noveeye muvoholore, kandi valaza nukuhaana uluyali ku ivi; Avanene kandi valakolola noveeye muvoholore kandi valasigama kukuha luyali.” Yaga galakoleka kigira Yahova umali kotovola mutumikiri weve, Mutakatifu wa vandu va Isiraeli alindaa malagano geege.

Isaya 53:3

Yaachaywa nukusuulwa na vandu; yikuzira ku vusaliri nuvuzunu. Yaali mulala uwa vandu vavisa mumoni mwavo vavuli kumulora. Yalegwa kandi nikumulola siyaali kindu mba.

Isaya 63:9

Mu lidambizwa liavo liosi, yaasalirizwa, na engelosi yeye yavahonyia; mu vuyanzi ni zimbavasi zizie, yavasoola; yavadenda kutura kale.

Jeremia 27:10

Avandu yava vamugada na valamukola muvugulwi kandi muhilwi ihale ligali kutura mukivala chiinyu. Ndamukunga kutura mukivala yiki, kandi muladivizwa.

Hosea 1:7

Navuzwa ndava nuvuyanzi ku avandu vi Ivuyuda. Inzi Yahova, Nyasaye wavo, ndavahonyia, navuzwa si ndavahonyia nu vuta, anoho ni kivavi, anoho nu vulwani anoho ni zibarasi kinga navasaza vi zibarasi mba.”

Hosea 12:3

Muguuga wavo Yakobo yang'usana na amwavo weve Esau malongo lwa vombi vaali nivakikiri munda mwa mama wavo. Lwa Yakobo yaviruka yalwana na Nyasaye.

Hosea 3:5

Navuzwa ing'inga yiza lwa avandu va Isiraeli valakagirung'ane nukuzia ku Yahova Nyasaye wavo, kandi ku kisukururwi cha Daudi mwami wavo. Maku valatie Yahova kandi valakanyore vihaanwa vivie vilahi.

Joeli 3:10

Muturi magembe ginyu gave kuli vivavi ni zingonono zienyu zigwi amatimu. Muleke avadedekere vavoole, koveeye avuvulwani.

Kyavalevi 26:8

vatano ku munyi valaguuta vasigu mia moja; kandi mia moja ku munyi valaguuta avasigu zielefu likomi, kandi avasigu vinyu valaguutwa ni kivavi.

Mika 5:8

Yavo avalilekwa hagati hi zihiiri valava kuli isimba ihiimaa chukulia mu mulitu anoho ichayo: ichenyola hagati ha magondi, ituuma kucho, kandi igatandulanyia mu vidonye; kandi sihaveeyeho nunyala kugahonyia mba.

Mika 7:16

Zihiiri valalola yaga ma vave muzisoni kali nivaveeye nizinguru. Mu lihendizwa mwoyo, valakunika minwa jaavo namakono, nukuhanyia amatu gaavo.

Mika 7:8

Mutasangalira kivi change, O, muinyi avasigu viitu lwakugwa, kulavuuka kandi. Kali ninzikala mu kisundi, Yahova alava uvulavu vwange.

Zekaria 10:7

Avandu va Isiraeli valakave ni zinguru kuli vasikari, valakave nu vuyanzi kuli avandu vamali kunwa iwaini, visukululwi viavo vilakizulizi liguuta yili, kandi valakave nu vuyanzi ku ga inzi Yahova mali kokora.

Zekaria 2:5

Yahova umali kulaga ndi mwene alava lidigi liu muliru kulikumbiriza kandi kulikinga. Alamenya mu lidaala yili nu vukumi vwivwe vwosi.”

Zekaria 9:14

Yahova alakaloleke ku vandu veve; alakalase mivano jije kuli loheni. Yahova Wuvunyali alakahuliriki kuli kisiriva; alakagende mu imbuza enene kutura Isavaalu.

Zekaria 9:8

Ndakalindi kivala change nu kwigalira mahi galavuli kuvitira mu. Sindakaleke avandu vadamanu vadambizi avandu vange kandi mba. Mali kolola kuli avandu vange vasaalira.”

Malaki 3:1

Yahova Wuvunyali yativura navoora, “Ndakatumi mutumwa wange konombera inzira. Maku Mwami wa mulindiliraa alakaze mu Litembeli lilie vwangu lwa mutamanyi; mutumwa wa mwegomba kolola alakaze kulandiza lilago liange.”

Matayo 1:23

“Henza, mukaana mugima alavereka, naye aliivula umwana muyaayi, naye alagulikwa ‘Imanueli’ ” iliveeye kovora, “Nyasaye aveeye harara ni kunyi.”

Varumi 9:5

vaveeye visukululwi via vaguuga Vaheburaina vamanyikana na Kristo kuli mundu aveeye wi ihiiri yaavo. Nyasaye wamihaa ku vandu vosi, yizominywi mihiga ni mihiga! Amini.

Vahebraina 11:34

vasiminya miliru minene jizingulu, vahononoka kwitwa ni kivavi. Vaali avadedekere, navuzwa vahevwa zinguru, vaali vizingulu zinene muliihi, ma nivaguuta amahi ga vageni.

Joshua 23:10

Mulala ku munyi anyala kukunga avandu elefu ndala, kigira Yahova Nyasaye winyu niyie ulwaaniraa munyi, kuli yamusuuviriza.

Likunula 22:13

Inzi mbeeye Alufa na Omega, wimbiri nuwukumaliriza, litanga ne keheri.”

Likunula 22:16

Inzi, Yeso, mali kutuma engelosi wange aduuki kumulandizira ivindu yivi mu makanisa. Inzi mbeeye wi kisukururwi cha Daudi; mbeeye eng'ereng'ani.