Zekaria 11:5 - KITABU KITAKATIFU

⁵ Aveene magondi yaga vagitaa, navuzwa sivalanyora mageri mba. Vaguliza zinyama ziago nivavoora, ‘Yahova yizominywi kunyi koveeye avatugi!’ Kali avayi vago sivaveeye ni zimbavasi kugo mba.”

Zekaria 11:5 Iomraidhean Croise

2 Avami 4:1

Mukunzakali mulala ku vu muganda gwa vaporofeti yazia ku Elisha namuvolera, “Mwami wange, musaza wange yakuza! Kuli ivi umanyi, yaali mundu watia Nyasaye, navuzwa kalunu, umuvazi weve yaazaa kuvugura avayaayi vange vaviri kuli avatugwa veve.”

Nehemia 5:8

Ndavavolera, “Kunyi lwa kunyaliza, kwiranyia avamwavo viitu Avayuda avaari niviguliza aveene kuvageni. Navuzwa kalunu munyi munigaa aviiko vinyu ukwiiguliza aveene ku munyi, Avayuda vache vaavo!” Aviimiliri zana vachiring'ana makiriri kigira vamanya ndi amakuva yaga gaveeye agiligali.

Jeremia 2:3

Munyi avandu va Isiraeli mwaali avatovole vange; mwaali kuli amakuyu gange gokogesa. Ku mundu woosi umusaaliriza, ndaleta kivi kandi uvudamanu kuye, Inzi Yahova mali kovora.”

Jeremia 50:7

Vosi avavanyooraa vavingilira. Vasigu vaavo vavoola, ‘Vaakolera Yahova uvwoni, kandi ndio, agakumali kokora sigaveeye amadamanu mba. Avaguuga vaavo vaasuuvira mu Yahova, na yavo aveene ngano vaali vasuuviri muye.’

Ezekieli 34:10

Inzi, Mwami Munene Yahova mboraa, mbeeye musigu winyu. Ndakavuguli magondi gange kutura ku munyi kandi si mulakave aviimiliri vago kandi mba. Si nandeke na mwilindi aveene kandi mba. Ndakahonyie magondi gange kutura ku munyi kandi si mulagalia kandi mba.

Ezekieli 34:21

Munyi mwasuunda agaveeye malwaye halovega kandi nimugakubira mu chayo.

Ezekieli 34:6

Magondi gange gaavoyavoya ku vigulu viosi kandi kuvuli tugulu tutambi. Gasalanywa ku lirova liosi, kandi siaveeye ho kali mulala uwageenyeleriza mba.

Hosea 12:8

Vavoola, ‘Kunyi koveeye avatugi ligali kandi; kunyi kumali kugwa avahinda. Si aveeyeho mundu unyala konyoora uvugadi, nuvuhinda vwitu vwosi mba.’

Hosea 12:9

Navuzwa inzi, Yahova Nyasaye winyu uwa muletaa kutura Egebeti, ndamukora mumenye mumahema kandi, kuli mwakora lwa inzi ndaaza ku munyi muchangalangwe.

Amosi 2:6

Yahova avoora, “Avandu va Isiraeli vamali kokora uvwoni haali kanyingi, na kigira yaga ndavaha amageri ligali. Vaguliza avandu vasuuvirifu avatanyala kutuunga magovi ga vandu, avadaka avatanyala kali kugura kali kilato cheng'ine muvutugwa.

Matayo 23:13

“O, vayaye, kilaamo keveeye ku munyi, avigizi vi Lilaga kandi Avafarisayo! Avagaadi munyi! Kigira muhanaa ikiliango chingira mu Vwami vwu mwigulu mu zimoni zia avandu, navuzwa munyi aveene si mwingira mu mba, anoho si muhaanaa uvwiyangu ku yavo avagerizaa kwingira mu mba!

Yohana 10:1

Yeso yavoola, “Muvooleraa agiligali, mundu ku vosi uvula kwingilira mu kirivwa che ekego cha magondi, navuzwa afudula ma yingilira halovega, uyu aveeye mwivi kandi mwiguliri.

Yohana 16:2

Avandu valamukunga kutura mu masinagogi gaavo; kandi ing'inga ilakaduuki lwu mundu woosi umwitaa munyi alaganagana ndi mulikola yaga atumikiraa Nyasaye.

2 Petro 2:3

Mu likayirwa liavo lio vuviiti vigizi vuvugadi yava vukala ku munnyi kigira amakuva gaavo gu vugadi. Mukalagi wavo umali kwetegeka kandi mudivizi wavo siagonaa mba.

Likunula 18:13

ni viomudalasini, ni vie iliki, ni viekimuli, ni viamaguta, ni viuvubani, ni iwaini, ni via maguta, ni viuvusie uvunyuki, ni via ingano, ni viezing'ombe, ni viamagondi, ni viezibarasi, ni viamagare gu uvulwani, ni via avatugwa, ni vie mioyo ja avandu.

Likunula 3:17

Ivi ovola, ‘Inzi mbeeye umutugi, kandi simbeeye ni lienya kindu.’ Navuzwa siumanyi kuli oveeye novovereri! Oveeye mudaka, umboku, kandi chahonyo!