Zekaria 11:3 - KITABU KITAKATIFU

³ Avamihi valira no vovereri; kigira vukumi vwavo vumali kudivizwa! Hulirizi ku lihuuma lie zisimba, kigira mulitu goveeye vomenyo vwazio mu Jorodani gumali kudivizwa!

Zekaria 11:3 Iomraidhean Croise

Zaburi 22:21

Ombonyie kutura ku zisimba yizi; ombonyie kutura ku zinziga zie zimbogo.

Isaya 5:29

Avasikari vahumaa kuli zisimba zimali kwita inyama na zigigingaa kugihira ha vundu hataveeye ho nu mulala unyala kuzinyaga.

Isaya 65:15

Avandu vange avatovole valatumikira lieta lienyu kuli kilaamo. Inzi Yahova Nyasaye ndamwita, navuzwa ndahaana lieta lihia ku yavo avahulira inzi.

Jeremia 2:15

Avasigu vaavo vavafumiraa kuli zisimba; vakoli kivala chavo kugwa changalangwi, kandi madaala manene gaavo gagwiyi amang'anye vugira vandu.

Jeremia 2:30

Ndaamuha amageri, navuzwa yago goosi sigali kindu ku munyi mba. Simwambugirira kumulungikiza mba. Kivavi chiinyu aveene kimali kwita avaporofeti vinyu, kuli isimba induru yukwononyia.

Jeremia 26:6

Niiva mulazizagilira kuvula kutia, ndakora ku Litembeli yili aga ndakora ku Shilo, kandi izihiiri ziosi zielirova zilatumikira lieta lielidaala yili kuli kiramo.”

Jeremia 49:19

Kuli isimba itulaanga mu mulitu munene ahimbi ku mugera gwa Jorodani nukuzia mukivala chuvwayiru vuvisi, nonoho inzi ndaaza nzize nokokola avandu va Edomu kunyagula kuzia ihale kutura mukivala chavo. Maku mwimiliri wa nditovoola alakamiihi ihiiri. Nivwaha unyala kufwananywa na inzi? Nivwaha wakaagelani na inzi? Ni mwami ki wakahing'ani ni inzi?

Jeremia 50:44

“Kuli isimba itulaa mu mulitu munene ahimbi nu mugera Jorodani nukuzia mukivala chuvwayiru vuvisi, Inzi, Yahova ndaaza kandi ndakora avandu va Babiloni nonoho kunyagula nu kuzia ihale kutura mu lidaala liavo. Maku mwimiliri wa Inzi nandovole alakamiihi ihiiri. Nivwaha unyala kufwananywa ninzi? Nivwaha wakaagelani ninzi? Mwami ki wakahing'ani ninzi?

Jeremia 7:4

Mutasuuvira amakuva gu vugadi yaga mba: ‘Yili ni Litembeli lia Yahova, yili ni Litembeli lia Yahova!’

Ezekieli 19:2

Mama wenyu yaali isimba yi kikali ya lugano ki! Yagona hasi hagati hi zisimba zinyana kandi nalela avana veve.

Hosea 10:5

Avandu vamenyi mu lidaala lia Samaria valava nuvuti kandi valasioma kigira igiriki yu mugasa ha Bezaveni. Yavo harara na avasaalisi vatumikira kifananyi valagilirira kigira uvukumi vumali kutulizwa kuyo.

Joeli 1:13

Mwiviki zinguvu ziamagunia na muliri, munyi avasaalisi vayinzira ku vwali! Muzie mu Litembeli na musiome uvudiku vwosi! Sihaveeyeho nu vuswage anoho iwaini yu kuhaana ku Nyasaye winyu mba.

Amosi 8:8

Na kulwayago, lirova liladegera, na vuli mundu omenyi mu kivala alava mu kivi. Kivala choosi kiladengeyizwa, na kilasinuka nukugwa kuli mugera gwa Naili.”

Zefania 1:10

Yahova avoora, “Kulidiku yilio, mulakahuliri ulwanga ha kirivwa chizuzi mu Jerusalemi. Mulakahuliri lisioma kolovega lwiluhia wi lidaala linene, kandi lwanga lwi liyoga linene mu vigulu.

Zefania 3:11

Ing'inga yene yeyo avandu vange sivalakave mu zisoni ziu kuganagana ndi vayibaala kuinzi mba. Ndakadivizi vuli mundu woosi oveeye ni liegingira kandi lielola. Simulakibaale kuinzi kukigulu change kitakatifu kandi mba.

Zefania 3:3

Aviimiliri valio vafuuma kuli zisimba, avakalagi valio vaveeye kuli vivwi viveeye ni inzara, avahuvali valiza kali kigumba kuduuka mugambazuri, si vanyara koleka kali kigumba mba.

Zekaria 11:2

Muliri kandi musiome, misaala ja makaratasi, kigira midaragwa jimali kugwa; misaala milahi jokogenyia jimali kudivizwa! Muliri kandi musiome misaala minene ja Bashani, kigira mulitu gwi misaala minyingi gumali kotemagwa!

Zekaria 11:8

Si ndaali ni liekuzira na vayi vandi vavaga avandunyira mba. Ndavadiviza vosi ku mweli mulala.

Matayo 15:14

“Mutavahendera mwoyo mba. Vaveeye aviimiliri vavoku. Umboku niyimilira umboku, vombi valagwa mu vogo.”

Vikolwa 7:52

Yaali ku ho nu muporofeti wa avaguuga vinyu vavura kudambiza? Vita avatumwa va Nyasaye, avalandiza ku maziambiri iliiza liu Mutumikiri mulungi. Na kalunu, munyi mumali kumuzaama nu kumwita.