Zekaria 10:7 - KITABU KITAKATIFU

⁷ Avandu va Isiraeli valakave ni zinguru kuli vasikari, valakave nu vuyanzi kuli avandu vamali kunwa iwaini, visukululwi viavo vilakizulizi liguuta yili, kandi valakave nu vuyanzi ku ga inzi Yahova mali kokora.

Zekaria 10:7 Iomraidhean Croise

Litanga 18:19

Inzi mali kumutovola kunangwa aduuki kulaga avayaayi veve nivisukululwi vivie vaambuliri inzi kandi vakole agaveeye malahi kandi malungi. Niiva valakola, inzi ndamukolera vuli kindu chamali ku mulaga.”

Litanga 43:34

Vahevwa viukulia kutura kuemesa ya Josefu, kandi Benjamini yahevwa haali katano kuvita avandi vosi. Kunangwa avamwavo Josefu valia nivanwa harara naye muvovoholole.

Zaburi 102:28

Avana viitu valamenya mu mirembe, kandi isi wi likingwa liilio, visukululwi viavo vilamenya mu mirembe.

Zaburi 104:15

kandi kuhaana iwaini kolomba avandu kuva nu vuyanzi, na amaguta ga mizeituni kolomba avandu kuva nu vusangali, kandi ingano na maveere kuhaana zinguru mu miviri.

Zaburi 13:5

Navuzwa inzi mali kusuuvira vuyanzi vuvwo vutahera mba, mwoyo gwange gu lasangala kigira ulambonyia.

Zaburi 28:7

Yahova aveeye zinguru ziange, kandi inguva yange; inzi suuviraa muye: mwoyo gwange gu lamusangalira ligali; kigira amali kongonya; ndamwizominya ni zinyimbu ziu kumusandiza ligali.

Zaburi 33:21

O, Yahova, kusangara mu ivi, kigira kusuuviraa mu lieta liilio litakatifu.

Zaburi 90:16

Leka kunyi avatumikiri vovo kolole vikolwa vivio vinene. Leka visukululwi viitu valore zinguru zizio ziu vukumi.

Isaya 25:9

Lwi lidiku yilio liduka, avandu vosi valakavoole, “Uyu niyie Nyasaye wiitu! Kumali kuviika lisuuvira lietu muye, kandi umali kokosola. Aveeye Yahova, kandi kwamala kuviika lisuuvira lietu muye, kandi kalunu koveeye nuvuyanzi kandi nuvusangali ligali kigira umali kukohonyia.”

Isaya 38:19

Navuzwa avandu vaveeye mwoyo nivo vizominyaa ivi, kuli inzi nzizominya ivi kalunu. Aviivuli vavoolera avana vaavo kuli ivi oveeye musuuvirifu.

Isaya 54:13

“Inzi mwene ndigiza avandu vovo, kandi ndavaha limedeka lie miandu ni mu mirembe.

Isaya 66:14

Lwa muloraa yaga nigekoleka, mulasangale. Galamukola muve nizinguru kandi avalamu. Maku mulamanya ndi inzi Yahova, ngonyaa yavo avambuliranga, kandi manyianga uvutima vwange ku vasigu vange.”

Jeremia 32:39

Ndavaha mwoyo mulala, kandi liiva lilala, vaduuki kutia inzi mihiga ni mihiga, ku vulahi vwavo aveene, kandi ku vulahi vwi visukululwi vaavo.

Ezekieli 37:25

Valakamenye mu kivala cha ndahaana ku mutumikiri wange Yakobo, kivala cha vaguuga vaavo vamenyamu. Valakamenyeyo mihiga ni mihiga harara na vana vaavo kandi ni visukululwi viavo viosi. Mwami kuli mutumikiri wange Daudi alakavamiihi mihiga ni mihiga.

Joeli 2:23

“Muyanze, avandu va Jerusalemi musangare ku aga Yahova Nyasaye winyu amali kumukolera. Umuheeye imbura induukiru mu ing'inga yi litaga; amukubiziiyi imbura yu vukindu kandi imbura yi limera kuli zing'inga ziavita.

Habakuk 3:18

ndakazizagiliri kuva nu vuyanzi kandi nu vusangali, kigira Yahova Nyasaye aveeye muhonyi wange.

Zefania 3:14

Mwimbi kandi musangare, munyi, avandu va Isiraeli! Musangare ni mioyo jinyu josi, Jerusalemi!

Zekaria 12:8

Ing'inga yene yeyo, ndakasole yavo avamenyi mu Jerusalemi, kali yavo avaveeye avadedekere hagati haavo, valakave ni zinguru kuli Daudi yaali. Visukululwi via Daudi vilakavimiliri kuli engelosi wa Yahova Nyasaye kuli mwene.

Zekaria 9:15

Yahova Wuvunyali alakakingi avandu veve, kandi alakadivizi avasigu vaavo. Valakahanzuki mu liihi kuli vahambiku, kandi valakatahizi avasigu vaavo masahi, galakidoleke kuli masahi gi visiuviliru, gasundulwa ku vwali kutura ku ibakuli.

Zekaria 9:17

Kivala kilakave kilahi kandi chu kuyaanziza ligali kuli ndi vayaayi vasoleri valakaviluki ni zinguru kigira vuswage, vakana valakaviluki kigira iwaini imbia.

Luka 1:47

Kandi mwoyo gwange gusangali kigira nu Nyasaye, Muhonyi wange.

Yohana 16:22

Munyi kandi muveeye novovereri kalunu; navuzwa ndakavalole kandi, na munyi mulizula vusangali mu mioyo jinyu, nu vusangali vwinyu vwene yivwo sihaveeyeho numundu ulivutuliza ku munyi mba.

Vikolwa 13:33

Amali kuliduukizira kunyi kalunu, ava koveeye visukululwi viavo, ku lisimugukiza lya Yeso kutura mu vakuzu. Kuli gang'odwa mu zaburi ya kaviri, ‘Ivi oveeye Mwana wange, inzi ngwiivuuyi lero.’

Vikolwa 2:26

Kigira yaga, mwoyo gwange gwayaanza; kandi lulimi lwange lwasangala. Kali ndio muviri gwange gulamenye mu lisuuvirizwa

Vikolwa 2:39

Kigira lisuuvirizwa lia Nyasaye lialomberwa munyi, nu ku avana vinyu, kandi ku vosi avamenyaa ihale, nuku vosi avu Mwami Nyasaye wiitu alaangaa vaze kuye.”

Vafilipi 4:4

Mu sangale mu Mwami kazozo. Mboraa kandi musangare!

1 Petro 1:8

Munyi mumuyanzaa kali niiva simwamulola, kandi musuuviraa muye, kali niiva simumulolaa kalunu mba. Kunangwa musangare nu vusangali ovonene uvutanyala kovoolwa mu makuva vuzwa,

1 Samweli 2:1

Hana yasaala navoora: “Mwoyo gwange gusangalanga mu Yahova. Zinguru ziange zinenehiziywi mu Yahova. Munwa gwange gosekelizaa avasigu vange, kigira inzi sangaliraa mu vohonyi vuvwo. Mbeeye nuvusangali vonene kigira Nyasaye umali kongonya!