Zekaria 10:6 - KITABU KITAKATIFU

⁶ “Ndakahaane zinguru ku vandu vi Ivuyuda. Ndakasole avandu va Isiraeli. Ndakavaveere zimbavasi kandi ndakaviranye yengo. Valakave kuli avandu vandavula kusuura. Inzi ni Yahova Nyasaye wavo, ndakahaane mativuli ku lisaala liavo.

Zekaria 10:6 Iomraidhean Croise

Zaburi 89:21

Zinguru ziange zilava naye kazozo, kandi ndamukora kuva ni zinguru ligali.

Isaya 11:12

Yahova alasingiriza kelolero chebendera ukumanyia zihiiri ndi avungiza avandu veve harara ulwa kaviri, avandu vasalanywa va Isiraeli ni Ivuyuda, na aviiranyiaa kutura mu zikona zine zie lirova.

Isaya 14:1

Yahova alavelerera avandu veve Isiraeli, kandi alavatovola vave avandu veve omwene. Alavavika vamenye mu kivala chavo aveene, kandi avageni valaza komenya harara navo.

Isaya 41:10

Mutatia mba, kigira inzi mbeeye harara ni munyi! Mutahendi mioyo mba, kigira inzi mbeeye Nyasaye winyu. Ndamukora kuva avagulu, kandi ndamukonya; Ndamusoola kandi ndamuhonyia.

Isaya 54:4

Utatia mba, kigira siulavikwa muzisoni kandi mba; kandi siulaleganywa mba. Ulivilira uvwoni vwa wakola nukikiri muyaayi kandi siulizuliza manyego guvukunzakali vuvwo mba.

Isaya 54:8

Ndaagirung'ana kutura ku ivi mu vutima vonene ku ing'inga engekeeke, navuzwa kalunu ndakumanyia uvuyanzi vwange vutali nekeheri. Nindio Yahova ohonyiaa.

Jeremia 23:6

Lwaveeye mwami, avandu vi Ivuyuda navahone, kandi avandu va Isiraeli navamenye mumirembe. Kunangwa navamuguliki ‘Yahova muhonyi wiitu.’ ”

Jeremia 3:18

Avandu va Isiraeli valahaambana harara na vandu vi Ivuyuda, navosi harara valatura muvuhambe mukivala cha Ivaale navalilana mukivala chandaha avaguuga vaavo kuva imiandu ji mihiga ni mihiga.”

Jeremia 30:18

Yahova avoora, “Inzi ndiraanyia avandu vange mukivala chavo, kandi ndava nizimbavasi ku avandu va Isiraeli; Jerusalemi ilumbakwa vuhia, kandi zinyumba ziayo ziuvwami ziliranywa.

Jeremia 30:20

Inzi ndiranyira ihiiri zinguru ziayo ziakale, kandi ndagisingiriza vudinyu ligali; Inzi ndahaana amageri kuvoosi avavadambizaa.

Jeremia 31:1

Yahova avoora, “Ing'inga yiza lwandakave Nyasaye wi zihiiri ziosi zia Isiraeli, kandi valakave avandu vange.

Jeremia 31:20

“Isiraeli, munyi muveeye kuli mwana wange wandayanza, mwana wandayanza ligali. Ing'inga lwa ndalanga lieta lienyu, Inzi muganaganyiaa nuvuyanzi. Mwoyo gwange goveeye ku munyi; ndava nizimbavasi.

Jeremia 31:31

Yahova avoora, “Ing'inga yiza lwa ndilomba lilagana liange lihia navandu va Isiraeli kandi navandu vi Ivuyuda.

Ezekieli 36:11

Ndakora vandu kandi zing'ombe komedeka. Mulava avanyingi kuvita maziambiri. Ndaleka mumenye mu kivala yiki kuli mwamenyaa mucho maziambiri; kandi ndamukora kuva vatugi kuvita ing'inga yindi yoosi. Maku mulakamanye ndi inzi mbeeye Yahova.

Ezekieli 36:37

Yahova Wuvunyali avoora, “Ndaleka avandu va Isiraeli vandeeve ovokonyi kutura ku inzi, kandi ndaleka vamedeke vave avanyingi kuli chayo cha magondi.

Ezekieli 37:16

Yavoola, “Mwana wu Mundu, vugula lubaho ong'ode ku makuva yaga, ‘Vwamihi vwi Ivuyuda.’ Maku uvuguli lubaho lundi ong'ode ku makuva yaga, ‘Vwamihi vwa Isiraeli.’

Ezekieli 39:25

Yahova Wuvunyali yavoola, “Navuzwa kalunu ndava ni zimbavasi ku visukululwi via Yakobo, avandu va Isiraeli, kandi ndavagasiza. Ndasoora lieta liange litakatifu.

Hosea 1:11

Avandu va Isiraeli kandi avandu vi Ivuyuda valakahambane harara. Valaketovolere aveene mwimiliri mulala, kandi valazizagilira konyoora uvutugi mu kivala chavo aveene. Yee, Lidiku lia Jezireeli lilava linene ligali!

Hosea 1:7

Navuzwa ndava nuvuyanzi ku avandu vi Ivuyuda. Inzi Yahova, Nyasaye wavo, ndavahonyia, navuzwa si ndavahonyia nu vuta, anoho ni kivavi, anoho nu vulwani anoho ni zibarasi kinga navasaza vi zibarasi mba.”

Hosea 14:9

Yavo avaveeye novogeri gavadukiraa vamanyirizi vindu yivi, kandi vaviviki mu zing'anagani ziavo. Kigira zinzira zia Yahova ziveeye zinungi. Avandu vaveeye avoni valikigitara kandi valagwa. Avandu vaveeye avalungi valangenda kuzio.

Hosea 2:23

Ndaviika avandu vange mu kivala kandi ndavakora kugasizwa. Ndayaanza yavo avalangwa “Avatayanzwa,” kandi ndayaanza yavo avalangwa, “Avandu vataveeye avange.” Kalunu ndavoora, “Munyi muveeye avandu vange,” navo valativura, “Ivi oveeye Nyasaye wiitu.”

Obadia 1:18

Avandu va Yakobo valakave kuli muliru, avandu va Josefu valakave kuli olomemo. Valakadivizi avandu va Esau kuli muliru gusambaa luvuva. Avandu va Esau si valakahoneku kali mulala mba. Inzi Yahova mali kovora.

Mika 4:13

Yahova avoora, “Avandu vi lidaala linene lia Jerusalemi, muzie ma muhaane amageri ku vasigu vinyu! Ndamukora muve ni zinguru kuli igiriki eveeye ni zinziga zie kivia ne zimbagayu zie migasa. Mulashonoranyia zihiiri zinyingi, na mulaleetera inzi Yahova wi lirova liosi uvutugi vwa vanyoola mulitumikira zinguru.”

Mika 4:6

Yahova avoora, “Lidiku liza lwandivungiza harara avalema, nukuvungiza yavo avakungwa kandi, yavo avamali kuha amaduywa;

Mika 5:3

Kunangwa Yahova alaleka vandu veve ku avasigu vaavo kuduuka lwu mukali aliivula mwana muyaayi weve. Maku avandu Vaisiraeli avaveeye mu vuhambe valakahambanywe harara na vandu vaavo.

Mika 5:8

Yavo avalilekwa hagati hi zihiiri valava kuli isimba ihiimaa chukulia mu mulitu anoho ichayo: ichenyola hagati ha magondi, ituuma kucho, kandi igatandulanyia mu vidonye; kandi sihaveeyeho nunyala kugahonyia mba.

Mika 7:16

Zihiiri valalola yaga ma vave muzisoni kali nivaveeye nizinguru. Mu lihendizwa mwoyo, valakunika minwa jaavo namakono, nukuhanyia amatu gaavo.

Zekaria 1:16

Kunangwa inzi mali kwirana mu Jerusalemi no kovererera lidaala linene. Litembeli liange lilumbakwa vuhia. Lidaala linene lilumbakwa kandi.”

Zekaria 10:12

Ndakahaane zinguru ku vandu vange; valakasigamiri kandi valakatie inzi.” Yahova umali kovora.

Zekaria 13:9

Ndakagerizi kiduma chakavaga kilihononoka, kandi ndavatakase kuli ifeza isiyangwa mu kisambiru chu muliru. Ndavagerizi kuli izahabu isiyangwa mu kisambiru chu muliru. Maku valakasaale ku inzi, na inzi ndakavativuliri. Ndakavavoolere ndi vaveeye avandu vange, navo valakiyame ndi inzi mbeeye Nyasaye wavo.”

Zekaria 8:11

Navuzwa kalunu sindakola vandu vaahononoka kuli maziambiri mba.

Zekaria 9:16

Lwi lidiku yilio lilakaduuki, Yahova alakahonyie avandu veve, kuli mwayi ahonyia chayo chiche kutura mu vuhimwa. Valakang'ereng'ane mu kivala chiche, kuli magina guvuguli gavikiywi ku itaji.