Zekaria 10:3 - KITABU KITAKATIFU

³ Yahova avoora, “Mbeeye nu vutima na vageni vamiiha vandu vange kandi nziza kuvaha mageri. Avandu vi Ivuyuda vaveeye vandu vange, kandi inzi Yahova Wuvunyali ndakavalindi. Valakave kuli zibarasi ziange zie liihi zie zinguru.

Zekaria 10:3 Iomraidhean Croise

Ayubu 39:25

Vuli ing'inga, lwi kisiriva kikubangwa, zivoolaa, Aha! Zifunyiriza uvulwani kali nizikikiri ihale, kandi zihulira vanene nivahanzuka kuhaana malago.

Kutwula 4:31

Vasuuvira, kandi lwa vahulira ndi Yahova umali kuuza kuvo kandi ololi kuli vadambizwa kivi kenene, vinama hasi nivasigamira Yahova.

Tsing'ano 21:31

Unyala kwetegekiza zibarasi mu vulwani, navuzwa Yahova niye uhaana liguuta.

Lwimbu lwa Solomoni 1:9

Muyanze wange, uyanzizi avasaza, Kuli ibarasi ingali iyaanzizaa zibarasi zisaza zia magare gu vulwani gu mwami wa Egebeti.

Isaya 10:12

Navuzwa Yahova avoora, “Lwa inzi mala miyinzi jange ku kiguru cha Ziyoni ni mu Jerusalemi, ndahaana amageri ku mwami wa Asiria kigira lielola lilie liosi kandi liegingira lilie liosi.”

Isaya 24:21

Ing'inga yizaa lwa Yahova alihaana mageri kuzinguru lie igulu kandi na vamihaa ku lirova.

Jeremia 10:21

Ndaativura, “Aviimiliri viitu vaveeye avasiru; sivateeva Yahova aviimiliri mba. Yiki nicho kigira vavura kugasizwa, kandi avandu viitu vamali kusalanywa.

Jeremia 11:22

Kunangwa Yahova Wuvunyali yambolera, “Inzi ndavaha amageri! Avayaayi vaavo avasoleri valitirwa mu muvulwani, avana vaavo valakuza kigira inzara.

Jeremia 25:12

Inyima wi mihiga 70, ndahaana amageri ku zihiiri ziosi harara nu mwami wa Babiloni kigira uvwoni vwavo. Ndadiviza kivala yiki ligali na kilatigala amang'anye mihiga ni mihiga.

Jeremia 25:34

Muliri, munyi aviimiliri, munyi aviimiliri va avandu vange, mukubi zikwiri vudinyu! Musiome kandi mugalagale mu luguchi. Ing'inga imali kuduuka kumunyi kusinzwa kuli amagondi amamigu.

Jeremia 50:6

“Avandu vange vaveeye kuli magondi agavayi vamali koleka gagotele mu vigulu. Vamali kogendagenda kuli magondi kutura kukigulu kilala kuzia ku kindi, kandi vamali kwivilira yengo wavo.

Ezekieli 34:11

“Inzi Mwami Munene Yahova, muvooleraa ndi, Inzi mwene ndaaya magondi gange nu kugalinda

Ezekieli 34:12

munzira indara nzere, kuli mwimiliri alindaa magondi geege agaali nigasalaana ma agiranyia harara kandi. Naangiranyie kutura havundu hoosi uwa gaali nigasalanyirwa ku lidiku lie kisundi kandi kivi.

Ezekieli 34:2

Yavoola, “Mwana wu Mundu, oporofete uvudamanu vwa avami va Isiraeli. Porofeta kuvo, uvavoolere aga inzi, Yahova Wuvunyali mbavooleraa: Kivi keveeye ku, munyi aviimiliri va Isiraeli! Munyi mwehendera mwoyo, navuzwa si mulinda magondi gange mba.

Danyeli 11:32

Mwami alakatumikiri vugadi kunyoola lidinyiriza kutura ku yavo avaleka idini yaavo, navuzwa yavo avaloonda Nyasaye, valakavalwaane.

Zefania 1:8

Yahova avoora, “Mu lidiku liu kwita yilio, ndakahaane mageri ku vimiliri, vana vayaayi vavami kandi vosi avalondaa miima ja vandu vageni.

Zefania 2:7

Avandu vi Ivuyuda avalihononoka valakavuguli kivala chiinyu. Valakaye mu viayo viavo uwene yeyo kandi valakagone mu zinyumba zia vandu va Ashikeloni. Yahova Nyasaye wavo alakave harara navo kandi alakavilanyiri miandu jaavo.

Zekaria 11:17

O, vayaayi, kilaamo keveeye ku mwayi utinyalizaa umali koleka chayo chiche! Uvulwani vulakadivizi zinguru zizie ziosi. Mukono gwigwe gulakuumi, kandi emoni yeeye inungi ilakavakuli.”

Luka 1:68

“Agasizwi Mwami Nyasaye wa Isiraeli, kigira umali kogeniha kandi ohonyi avandu veve.

1 Petro 2:12

Ligenda lienyu live lilahi ligali hagati ha vandu vatamanyi Nyasaye kunangwa kali lwa vamuginaa kuli muveeye avadamanu, gave kuvo aveene, navuzwa kigira ivikolwa vienyu vilahi via valora, vaduuki kwizominya Nyasaye ku lidiku lia aliiza.

Ruth 1:6

Lwa Naomi yahulira naveeye mu Moabu ndi, Yahova yaali nagasizi avandu veve kulwu kuvaha ligesa lilahi, yetegeka kutura mu Moabu harara na avanavizara veve.