Zekaria 1:8 - KITABU KITAKATIFU

⁸ Ndaalora mundu kubarasi inzakanyu. Yaali nasingiyi hagati hi misaala imimbi mu livona, kandi haali ho ni zibarasi zindi inyima weve zinzakanyu, zio vodondonye, kandi zindavu.

Zekaria 1:8 Iomraidhean Croise

Litanga 20:3

Navuzwa Nyasaye yaloleka kuye mu maloto namuvolera, “Ivi ulakuza kigira umali kuvugura mukali uyu oveeye wu musaza wundi.”

Litanga 46:2

Nyasaye yamoloma kuye mu malola vudiku kandi naalanga, “Yakobo, Yakobo!” “Yavoola yee inzi mbeeye hano.”

1 Avami 3:5

Vudiku yivwo, Yahova yaloleka kuye mu maloto kandi namuteeva, “Wakayaanzi ngohe kindiki?”

Nehemia 8:15

Kunangwa vaahana malago yaga kandi nivagatuma mu Jerusalemi mwosi kandi mu madaala manene na madaala gandi goosi: “Muzie muvivala vie vigulu na muleete zisia zia matu kutura ku misaala ji midaragwa, ja mizeituni, ja makindu kandi nimisaala jindi kolomba madiri kuli gang'odwa mu Lilaga.”

Ayubu 4:13

Hagati hi zing'anagani ziatula mu malola guvudiku, lwi zindoolo zinene zigumiraa avandu.

Lwimbu lwa Solomoni 2:16

Muyanze wange aveeye wange, kandi inzi mbeeye weve. Yayizaa chayo chiche cha magondi hagati hi vimuli,

Lwimbu lwa Solomoni 6:2

Muyanze wange aziyi mu mulimi gwigwe hi misaala ju mudalasini gimeraa. Yayizaa chayo chiche mu mulimi kandi avungiza kimuli mu mulimi.

Isaya 41:19

Ndakakole misaala ji midaragwa, vikuma, amavono kandi mizeituni kumera mu changarangwi. Militu ji misaala ji miberozi, mivinje kandi misunobari kuviruka mu changarangwi.

Isaya 55:13

Misaala ji midaragwa jilamera muvogono vwi viguunzanguva; zinzuvu zilamera mu vogono vwa amafa. Yiki kilava ekelolero kilihindira mihiga ni mihiga, ukwizuliza avandu ivindu via inzi Yahova mali kokora.”

Isaya 57:15

“Inzi mbeeye Nyasaye oveeye igulu kandi mutakatifu, omenya mihiga ni mihiga. Inzi menyaa havundu haveeye igulu kandi hatakatifu. Kandi menyaa harara na vandu avahocha kandi aviganiri, kunangwa nduuki kuvilanyira kelemamwoyo chavo kandi mbiki zinguru mu lisuuvira liavo.

Danyeli 2:19

Maku vudiku yivwo agimbisu gokogenyia gavuulikira Danieli mu malola, na Danieli yizominya Nyasaye wu mwigulu.

Danyeli 7:13

Lwa ndaali nindoraa malola yaga vudiku, ndalora kindu ichaali kuli mundu. Mundu oyo yaali niyazaa kuinzi, malesi gaali nigamukumbelizi, kandi yazia ku mundu waali namenyi mihiga ni mihiga. Yahilwa imbiri weve.

Danyeli 7:2

Ndalora malola vudiku, imbuza inene yajukanyia inyanza.

Zekaria 1:10

Mundu yasingira mu misaala mimbi yiivara navoora, “Yahova yazituma kogenda no kohenza kivala.”

Zekaria 1:11

Zibarasi ziavoolera engelosi ya Yahova waali nasingiyi hagati hi misaala ndi, “Kumali kogenda mu kivala choosi kandi konyooye lirova liosi liveeye nu vweremerizi kandi liveeye ni mirembe.”

Zekaria 1:7

Mu muhiga gwa kaviri lwa Dariasi yaali mwami lidiku lia 24 liu mweli gwa 11 mweli gulangwa Shebati, Yahova yahaana ku inzi makuva yaga mu malola vudiku.

Zekaria 13:7

Yahova Wuvunyali avoora, “O, kivavi, vuka ulwaane mwayi wange! Oveeye ahimbi ni Inzi! Kuya mwayi uyu, na magondi galasalanywa. Inzi ndalwaana vimeme viago.

Livalidza 12:6

Maku Yahova yavoola, “Muhuliri kalunu makuva gange! Lwu muporofeti aveeye hagati hinyu, inzi Yahova ndolekaa kuye mu malola, kandi moloma kuye mu maloto.

Joshua 5:13

Lwa Joshua yaali ahimbi Jeriko, nonoho yalora, musaza mulala nasingiyi imbiri weve, nagumiyi kivavi mu mukono gwigwe. Joshua yazia kuye namuteeva, “Ivi oveeye mulala ku vasikari viitu vuvulwani, anoho umusigu?”

Likunula 2:1

“Ng'odera engelosi wi likanisa lia Efeso: Yaga nigo amakuva ga uyu ugumiyi zing'ereng'ani saba mu mukono gwigwe umulungi kandi ogendaa hagati hi ivinaara vie zitaya saba, vie izahabu avoora.

Likunula 6:2

Ndahenza nindora ibarasi indavu! Muhiri wi barasi yaali nu vuta kandi yahevwa itaji. Kunangwa yatura kugihira kuli umuguuti uzizagilira kuguuta.

Likunula 6:4

Ibarasi yindi yatura ichova, ibarasi inzakanyu. Muhiri wayo yahevwa uvunyali koleta uvulwani mu lirova avandu vaduuki kwitana aveene na vene. Yahevwa kivavi ekenene ligali.