Zekaria 1:12 - KITABU KITAKATIFU

¹² Maku engelosi yavoola, “Yahova Wuvunyali waveyange nu vutima ku Jerusalemi kandi ku madaala manene gi Ivuyuda ku mihiga 70, kalunu ulavugula ing'inga ki nukikiri kuvaveera zimbavasi?”

Zekaria 1:12 Iomraidhean Croise

2 Kyetsinyinga 36:21

Nandio aga Yahova yaali niyavoola kuvitira mu muporofeti Jeremia gaaduukizwa: “Kivala kilatigala ichere ku mihiga 70, kutwekiza lisosa lie lisabato lia mwavura kulinda.”

Zaburi 102:10

Kigira uvutima vuvwo vululu ni livihirirwa liilio, waambugula nukuusiuva ihale ligali.

Zaburi 102:13

Ivi ulasingira nokovererera Ziyoni zimbavasi; ing'inga iduuki yukulivera zimbavasi. Yiyi niyio ing'inga indahi idukanaa.

Zaburi 69:5

O, Nyasaye, Ivi wamanya uvusiru vwange. Uvwoni vwange sivuvisiywi ku ivi mba.

Zaburi 74:10

O, Nyasaye, avasigu viitu, valakokolera kehenyahenye kuduuka ng'inga ki? Valanyega lieta liilio mihiga ni mihiga?

Zaburi 79:5

O, Yahova, ivi ulakusinyikira kuduuka mihiga ni mihiga? Uvutima vuvwo vulazizagilira kwaduka kuli muliru?

Kohelethu 3:3

Ing'inga yu kwita kandi ing'inga yo kohonyia, ing'inga yu kusambula kandi ing'inga yu kwumbaka.

Isaya 47:6

Inzi ndaali nu vutima na vandu vange; ndaavakolera kuli sivali vandu vange mba, ndaavaviika mu zinguru ziu vwami vwa Babiloni, kandi siwavavererera mba. Kali avasaakulu avakulundu vaali mulilindika lidinyu ligali.

Isaya 63:9

Mu lidambizwa liavo liosi, yaasalirizwa, na engelosi yeye yavahonyia; mu vuyanzi ni zimbavasi zizie, yavasoola; yavadenda kutura kale.

Jeremia 12:4

Kivala chietu kiluma nuvunyasi kuniara muvuli mulimi kuduuka ing'inga ki? Zinyama na manyonyi vikuza kigira uvudamanu vwa avandu viitu, avavoora, ‘Nyasaye sialola ichakokoola mba.’ ”

Jeremia 15:17

Inzi sindiikala harara nu muganda guyaanzaa kandi kusangalira uvudamanu mba. Kigira liitia amalago googo ndikala wengine kandi ndaali nu vutima vunyingi.

Jeremia 29:10

“Yahova avoora, ‘Lwi mihiga 70 jimalirika ni muveeye mu Babiloni, ndaaza kumugeniha kandi ndaduukiza lilagana liange ku munyi na ndamwilanyia mu kivala cha Isiraeli.

Jeremia 30:18

Yahova avoora, “Inzi ndiraanyia avandu vange mukivala chavo, kandi ndava nizimbavasi ku avandu va Isiraeli; Jerusalemi ilumbakwa vuhia, kandi zinyumba ziayo ziuvwami ziliranywa.

Danyeli 12:6

Mulala kuvo yateeva engelosi yaali ni singiyi ihale ku luginga lwu mugera niyiviiki inguvu yi ikatani, “Vindu viu kogenya yivi vilavaho kuduuka ing'inga ki?”

Danyeli 9:2

Mu muhiga gwu kutanga gwi liamiiha lilie, ndaali ni soma vitabu vitakatifu kandi ninganagana ku mihiga 70 ji lidaala lia Jerusalemi liali live mulidivizwa kolondekana ku makuva ga Yahova yaali na mali kovoolera muporofeti Jeremia.

Habakuk 1:2

O, Yahova, ndavugura ing'inga ki kwanira vokonyi ku ivi nukikiri kuhulira kandi nukikiri kokohonyia kutura mu kilage?

Zekaria 1:8

Ndaalora mundu kubarasi inzakanyu. Yaali nasingiyi hagati hi misaala imimbi mu livona, kandi haali ho ni zibarasi zindi inyima weve zinzakanyu, zio vodondonye, kandi zindavu.

Zekaria 7:5

“Volera vandu vosi vi kivala kandi vasaalisi ndi lwa vahonga lilia kandi vasioma mu mweli gwa katano nu mweli gwa saba ku mihiga 70 yiji, sigali kigira kutia inzi mba.

Vahebraina 7:25

Kandi ndio anyala, kalunu na kazozo, kohonyia yavo avaazaa ku Nyasaye kuvitira muye, kigira aveeye mwoyo mihiga ni mihiga, kandi avasaaliraa ku Nyasaye kazozo.

Likunula 6:10

Navo vaalira nu kuhanzuka nu mwoyo umunene nivavoora, “O, Mwami wi zinguru, wu luyali, mutakatifu kandi wi ligali, kuduuka ing'inga ki, ivi ulalindagira uvuli kukalaga nu kuvaanza kisaalia chi liitwa lietu ku vandu avamenyaa mu lirova?”