Zefania 3:7 - KITABU KITAKATIFU

⁷ Ndasuuvira ndi avandu vange vanyara kutia inzi kandi vavugiliri konyoora mageri gange, kunangwa vavuli kwivilira miigizu ga ndavigiza. Navuzwa vatanga kokora vudamanu kali kuvita ing'inga yindi.”

Zefania 3:7 Iomraidhean Croise

Litanga 6:12

Nyasaye yahenza ku lirova nalora ndi liali lidamanu, kigira avandu vosi vamenya mu likora vudamanu.

2 Kyetsinyinga 33:11

Kunangwa Yahova yaleka avanene vi liihi kwingilira kivala chi Ivuyuda. Vagumira Manase, nivatoza zindoani nu mu muulu geege, nivamuvoha niminyororo ju mugasa, ma nivamuhila Babiloni.

Ayubu 36:10

‘Yigulaa amatu gaavo vahuliri amigizu nukuvalaga viirane kutura mu vwoni.’

Zaburi 32:8

Yahova ovola, “Ndakwigiza zinzira zia uziira ku; kandi ndakwidera nu kukuha zing'anagani.

Tsing'ano 19:20

Niiva ulahuliriza miigizu ma ove ni lienya kwiga, lidiku lilala ulava mugeri.

Isaya 5:4

Keveeye ho ni kindu chandavula kokora mu kizabibu yiki? Kunangwa, kigira ki mizabibu jamaa mazabibu malulu havogono vwa mazabibu malahi?

Isaya 63:8

Yahova yavoola, “Ligali yava vaveeye avandu vange, avandu vatanyala kungada kali hakuzu.” Nandio yavahonyia.

Jeremia 17:23

Avaguuga vaavo siyahulira anoho si vaatia lilago liange mba, navuzwa vaali avadinyu; sivenyaa kutia anoho kwiga kutura ku inzi mba.

Jeremia 25:5

Vaamuvolera mugirung'ane kutura kuzinzira zienyu zindamanu kandi ziu vuchamu, kunangwa muzizagiliri komenya mukivala cha Yahova yahaana kumunyi harara na avaguuga vinyu keve kuli miandu ji mihiga ni mihiga.

Jeremia 36:3

Namusia lwa avandu vi Ivuyuda vahulira kigira lidiviza liasaaviraa koleta kuvo, valagirung'ana kutura kuzinzira ziu vudamanu. Maku ndavasamiiha uvudamanu vwavo kandi uvwoni vwavo.”

Jeremia 38:17

Maku ndaavolera mwami Zedekia ndi, Yahova Wuvunyali, Nyasaye wa avandu va Isiraeli, yavoola, “Niiva ulihaana mu zinguru zia avanene vu mwami wa Babiloni, hene yaho, ulava mwoyo, kandi lidaala linene yili si lilasambwa mba. Ivi harara na avandu vi inyumba yooyo mulava mwoyo.

Jeremia 6:8

Avandu va Isiraeli leki linyangiza yili live chukwiganihiza ku munyi, anoho inzi ndamuleka; ndagirung'anyia lidaala lienyu kuva changalangwi, havundu humundu kali mulala atamenyaa.”

Jeremia 7:7

Niiva mulagirung'ana, ndamuvugirira mumenye havundu hano, mu kivala cha ndahaana ku avaguuga vinyu mihiga ni mihiga.

Jeremia 8:6

Ndaahuliriza vulahi ligali, navuzwa si mwavoora agiligali mba. Kali mundu mulala kumunyi siyaverera kigira uvuchamu vwivwe mba; kandi mundu mulala siyeteeva ku ndi, ‘Kindiki kidamanu cha inzi mali kokora?’ Vuli mundu azizaa kunzira yeeye umwene, kuli ibarasi inyagura zimbiru kuzia mu vulwani.

Hosea 9:9

Avandu yava vaveeye avadamanu ligali mu vikolwa viavo, kuli mu madiku gavaali mu lidaala lia Gibea. Nyasaye aliizuliza uvwoni vwavo kandi alavaha amageri.

Zefania 3:2

Siliahuliriza Yahova anoho kuvugilira konyoora mageri mba. Si liasuuvira Yahova anoho koteeva vokonyi kutura kuye mba.

Kwidzulitsa 4:16

muvuli kokora uvwoni ku lielombera aveene kifananyi ku lifaana liosi mba, nikiva kisaza anaho kikali,

2 Petro 3:9

Mwami sialindagiraa kutwekiza lilagana lilie, kuli avandu vandi vaganagana. Navuzwa, aveeye umwikuziri ni munyi, kigira siyenya umundu kali mulala ku munyi adivizwi, navuzwa yenya vosi vaduuki ku lieganira.